რატი ბრეგაძე: „ეს ადამიანი მუდმივ რეჟიმში მიმართავს თვითდაზიანებას“

მიმაჩნია, რომ ნამდვილად გვაქვს სახეზე ის პირდაპირი მტკიცებულებები, რაც გრიგოლ ლილუაშვილის გამამტყუნებელი განაჩენის გამოსატანად საჭიროა, - ამის შესახებ კორუფციულ დანაშაულში ბრალდებულ, სუს-ის ყოფილი უფროსის, გრიგოლ ლილუაშვილის საქმის პროკურორმა მარიამ ბერძენიშვილმა განაცხადა.გამორიცხული არ არის, მას შემდეგ, რაც მოსამართლე ადვოკატების დასკვნით სიტყვასა და ბრალდებულის საბოლოო სიტყვას მოისმენს, განაჩენი დღესვე გამოაცხადოს.„მიმაჩნია, რომ ამ საქმეზე ის მტკიცებულებები, რაც ბრალდების მხარემ გამოიკვლია, ერთმნიშვნელოვნად, გონივრულ ეჭვს მიღმა სტანდარტით ნამდვილად ადასტურებს, რომ ბრალდებულმა ოთხივე ეპიზოდი ჩაიდინა, რაც ბრალად აქვს წარდგენილი. რაც შეეხება მტკიცებულებებს, თითოეულ ეპიზოდთან მიმართებით დავკითხეთ მოწმეები, რომლებიც ბრალში მითითებულ ფაქტობრივ გარემოებებს ადასტურებენ, მათ შორის, ასევე გამოკვლეული იქნა სხვა ხასიათის მტკიცებულებებიც, რომლებიც ურთიერთ თანხვედრაში მოდის მოწმეთა მიერ მოწოდებულ ინფორმაციასთან და შესაბამისად, მიმაჩნია, რომ ამ შემთხვევაში ნამდვილად გვაქვს სახეზე ის პირდაპირი მტკიცებულებები, რაც გამამტყუნებელი განაჩენის გამოსატანად საჭიროა. თუმცა, ეს სასამართლომ უნდა შეაფასოს და ვნახოთ, ის რა გადაწყვეტილებას გამოაცხადებს...რა თქმა უნდა, მხოლოდ რომეო მიქაუტაძის პირდაპირი ჩვენება არ გვაქვს და ხაზგასმით ვამბობ, რომ მიქაუტაძის ჩვენება მხოლოდ ორ ეპიზოდს ეხება. დაცვის მხარე ლილუაშვილის დაცვის წევრების და თანაშემწის გამიკითხვაზე აპელირებს. მათ მიერ მოწოდებული ინფორმაცია შესაძლოა, არ იყოს სწორი, არა იმიტომ რომ მიზანმიმართულად იტყუებიან, არამედ იმიტომ რომ მათ შეუძლებელია, ახსოვდეთ, 6 წლის განმავლობაში ვინ იყო ნამყოფი გრიგოლ ლილუაშვილთან, იმის გათვალისწინებით, რომ როდესაც ლილუაშვილთან პიროვნების შეყვანა ხდებოდა, არა სახელი და გვარით ხდებოდა დაშვება, არამედ ავტომობილის ნომრით. ასევე, მათმა უმეტესობამ აღნიშნა, რომ რომეო მიქაუტაძე, როგორც მინისტრის მოადგილე ისე ახსოვდათ და ტელევიზიიდან იცოდნენ, თუმცა, მინისტრი ვინ იყო, ამასაც ვერ იხსენებენ. ეს გონივრულ ვარაუდს მიჩენს, რომ შესაძლოა, მათი ინფორმაცია არ იყოს სწორი", - განაცხადა ბერძენიშვილმა.ცნობისთვის, პროკურატურაში გამოკითხვაზე მისული სახელმწიფო უსაფრთხოების სამსახურის ყოფილი უფროსი გრიგოლ ლილუაშვილი 23 დეკემბერს დააკავეს. მას ბრალი ედება საქართველოს სისხლის სამართლის კოდექსის 338-ე მუხლის მე-2 ნაწილის ,,გ’’ ქვეპუნქტით და მე-3 ნაწილის ,,ე’’ ქვეპუნქტით, რაც წინასწარი შეთანხმებით ჯგუფის მიერ, განსაკუთრებით დიდი ოდენობით ქრთამის აღებას გულისხმობს და სასჯელის სახით 11-დან 15 წლამდე თავისუფლების აღკვეთას ითვალისწინებს.

ევროკავშირის ელჩებმა რუსეთის წინააღმდეგ სანქციების მოქმედების ვადა შვიდი დღით გაახანგრძლივეს - სანქციების რეჟიმის ექვსი თვით გახანგრძლივების შესახებ მოლაპარაკებები გრძელდება, - ინფორმაციას Reuters-ი ავრცელებს.ევროკავშირის საბჭოს ირლანდიის თავმჯდომარეობის წარმომადგენელმა განაცხადა, რომ წევრი ქვეყნების ელჩები რუსეთის წინააღმდეგ დაწესებული სანქციების მოქმედების ვადის 22 სექტემბრამდე გაგრძელების შესახებ შეთანხმდნენ, მას შემდეგ, რაც სანქციების რეჟიმის ექვსი თვის ვადით გახანგრძლივებაზე შეთანხმებას ვერ მიაღწიეს.სანქციების მოქმედების ვადა, რომელიც დაახლოებით 3000 კომპანიასა და ფიზიკურ პირს მოიცავს და აქტივების გაყინვასა და ევროკავშირის ტერიტორიაზე გადაადგილების აკრძალვას ითვალისწინებს, 15 სექტემბერს იწურებოდა.გავრცელებული ინფორმაციით, შეთანხმებას ხელს უშლის სანქციების სიიდან რუსი ოლიგარქების ალიშერ უსმანოვისა და მიხაილ ფრიდმანის ამოღების საკითხი. სლოვაკეთი სიიდან ორივე მათგანის ამოღებას ითხოვს, ხოლო საფრანგეთმა კომპრომისის სახით მხოლოდ უსმანოვის სიიდან ამოღების წინადადება წამოაყენა.გამოცემასთან საუბარში ფრანგმა დიპლომატიურმა წყარომ აღნიშნა, რომ უსმანოვის სანქციების სიიდან ამოღების შესახებ საფრანგეთის მოთხოვნა მისი ეროვნული უსაფრთხოების ინტერესებიდან გამომდინარეობს.„ჩვენ ეროვნული უსაფრთხოების კონკრეტული საკითხის წინაშე ვართ და გვსურს დადებითად ვუპასუხოთ საერთაშორისო პარტნიორებს, რომლებმაც ბატონ უსმანოვთან დაკავშირებით მოგვმართეს“, - აღნიშნა ფრანგმა წყარომ.გამოცემა EUobserver-ის ინფორმაციით, საერთაშორისო პარტნიორებში შეიძლება, თურქეთი, აზერბაიჯანი და უზბეკეთი იგულისხმებოდეს, რადგან წარსულში ისინი უსმანოვის სანქციების სიიდან ამოღებას ლობირებდნენ. Financial Times-ის ცნობით, საფრანგეთს უსმანოვის სანქციების სიიდან ამოღება სურს, რათა ბაქოში დაკავებული საფრანგეთის მოქალაქეების გათავისუფლების შესახებ აზერბაიჯანთან შეთანხმებას მიაღწიოს.

ჩვენ ვართ ერთადერთი ხელისუფლება 90-იანი წლებიდან მოყოლებული, დამოუკიდებლობის აღდგენის შემდეგ, რომლის პირობებში არ ყოფილა ომი და ამას სჭირდებოდა ძალიან დიდი ძალისხმევა, – ამის შესახებ საქართველოს პრემიერ-მინისტრმა, ირაკლი კობახიძემ „რუსთავი 2“-ის ეთერში გამართულ დებატებში განაცხადა.მისივე თქმით, მთელი ამ წლების განმავლობაში ქვეყანას ჰქონდა ეკონომიკური წინსვლა.„მე მინდა, გითხრათ, რა არის ჩვენი პოლიტიკური გუნდის შედეგები ბიძინა ივანიშვილის ლიდერობით – ჩვენ ვართ ერთადერთი ხელისუფლება 90-იანი წლებიდან მოყოლებული, დამოუკიდებლობის აღდგენის შემდეგ, რომლის პირობებში არ ყოფილა ომი და ამას სჭირდებოდა ძალიან დიდი ძალისხმევა, განსაკუთრებით 2022 წლის შემდეგ. რეალურად, ყველამ დაინახა, რომ ჩვენ გვქონდა რესურსი, მტკიცედ დაგვეცვა მშვიდობა ჩვენს ქვეყანაში ძალიან დიდი გამოწვევების მიუხედავად, პირდაპირი ზეწოლის მიუხედავად.ამასთან ერთად, ჩვენ გვქონდა ეკონომიკური წინსვლა მთელი ამ წლების განმავლობაში. 2020 წელს ჩვენი ეკონომიკა იყო 16 მლრდ დოლარი, ახლა არის 38 მლრდ დოლარზე მეტი, მშვიდობის გარეშე ეს ვერ მოხერხდებოდა, ხომ? ეს არის ჩვენი პოლიტიკის შედეგი. რაც შეეხება არაღიარების პოლიტიკას და პრინციპული პოზიციების დაცვას, ერთით ნაკლებია ისეთი ქვეყანა, რომელიც აღიარებს აფხაზეთისა და ე.წ. სამხრეთ ოსეთის ე.წ. დამოუკიდებლობას და ა.შ. გარდა იმისა, რომ იყო უმძიმესი მდგომარეობა ადამიანის უფლებების კუთხით 2012 წლამდე, ბიზნესის რეკეტი, ადამიანების წამება ციხეებში და ციხეებს გარეთ. იყო და აღარ არის“, – აღნიშნა პრემიერმა.

ევროკავშირმა უფრო სტრატეგიული და პროაქტიული როლი უნდა შეასრულოს ევროპულ არქტიკაში, – ამის შესახებ ნათქვამია ევროკავშირის 12 სახელმწიფოს განცხადებაში, რომელთა ლიდერებიც დღეს ჩრდილოეთ ფინეთში, როვანიემიში შეიკრიბნენ.ერთობლივი განცხადებას ხელს  ფინეთი, დანია, ესტონეთი, საფრანგეთი, საბერძნეთი, გერმანია, ლატვია, ლიეტუვა, ნიდერლანდები, პოლონეთი, რუმინეთი და შვედეთი აწერენ.აღნიშნული ქვეყნები მოუწოდებენ კავშირს, აიღოს ვალდებულება, რათა გააძლიეროს არქტიკული ჩართულობა შესაბამისი რესურსებით და გეოპოლიტიკური რეალობის განვითარების შესაბამისად.„ჩვენ ვთანხმდებით, რომ ევროკავშირმა უნდა გააძლიეროს თავისი ქმედებები სტაბილურობის, მდგრადი განვითარებისა და კეთილდღეობის ხელშეწყობის მიზნით, ამავდროულად დაიცვას თავისი ინტერესები“, – ნათქვამია განცხადებაში.ლიდერების ერთობლივი განცხადებით, არქტიკაში უსაფრთხოება კოლექტიური თანამშრომლობის მეშვეობით მიიღწევა.„არქტიკაში უსაფრთხოება კოლექტიურად უნდა იყოს მიღწეული. ჩვენ გამოვხატავთ ჩვენს საერთო ვალდებულებას, შევინარჩუნოთ არქტიკა, როგორც მშვიდობის, სტაბილურობისა და კონსტრუქციული თანამშრომლობის რეგიონი, რომელიც დაფუძნებულია საერთაშორისო სამართალზე, მათ შორის საზღვრების ურღვევობასა და ტერიტორიული მთლიანობის პატივისცემაზე, მრავალმხრივ მმართველობაზე, ასევე საზღვაო სამართალზე. ჩვენ ხაზს ვუსვამთ მდგრადობის გაძლიერების მნიშვნელობას და იმის უზრუნველყოფას, რომ მზარდმა სტრატეგიულმა კონკურენციამ არ შეარყიოს რეგიონში სტაბილურობა“, – აცხადებენ 12 ევროპული ქვეყნის ლიდერები.

გარემოს დაცვისა და სოფლის მეურნეობის მინისტრმა, დავით სონღულაშვილმა პროექტ „ჩემი პირველი ნერგის“ მნიშვნელობაზე ისაუბრა და აღნიშნა, რომ საქართველოს მთავრობის მიერ დამტკიცებული სახელმწიფო პროგრამა პირველკლასელებში ადრეული ასაკიდან გარემოზე ზრუნვისა და ბუნებისადმი პასუხისმგებლიანი დამოკიდებულების ჩამოყალიბებას შეუწყობს ხელს.როგორც მინისტრმა განაცხადა, პროექტი 22 ოქტომბერს ხის დარგვის საერთაშორისო დღის ფარგლებში დაიწყება და ერთი თვის განმავლობაში გაგრძელდება. ინიციატივაში საქართველოს მასშტაბით 41 000-ზე მეტი პირველკლასელი ჩაერთვება და საკუთარ პირველ ნერგს დარგავს. ღონისძიებები, რეგიონებისა და მუნიციპალიტეტების სპეციფიკის გათვალისწინებით, შესაბამისი გრაფიკის მიხედვით განხორციელდება.„ეს არის ძალიან მნიშვნელოვანი და მასშტაბური პროექტი, რომელიც საქართველოს მასშტაბით ყველა პირველკლასელს შესაძლებლობას მისცემს, დარგოს საკუთარი პირველი ნერგი. წელს 41 000-ზე მეტი პირველკლასელი მიიღებს მონაწილეობას ამ ინიციატივაში, რომელიც ბავშვებს ადრეული ასაკიდან ასწავლის გარემოზე ზრუნვას და ბუნებისადმი განსაკუთრებული დამოკიდებულების ჩამოყალიბებას. პროექტის დაფინანსება გარემოსთვის მიყენებული ზიანის აღდგენისთვის განკუთვნილი რესურსებიდან განხორციელდება. შესაბამისად, ერთი მხრივ, შესაძლებელი იქნება გარემოსთვის მიყენებული ზიანის აღდგენა, ხოლო მეორე მხრივ, ჩვენს შვილებს ბავშვობიდანვე ვასწავლით გარემოსდაცვით პასუხისმგებლობას“, – განაცხადა დავით სონღულაშვილმა.მისივე თქმით, პროგრამის ფარგლებში განსაკუთრებული ყურადღება დაეთმობა ბავშვების მიერ დარგული ნერგების შემდგომ მოვლასა და მათზე დაკვირვებას. ამ მიზნით შეიქმნება ელექტრონული პლატფორმა, რომლის საშუალებითაც თითოეულ ბავშვს შესაძლებლობა ექნება, თვალყური ადევნოს საკუთარი ნერგის ზრდასა და განვითარებას.„პროექტი 22 ოქტომბრიდან დაიწყება და ერთი თვის განმავლობაში საქართველოს მასშტაბით შესაბამისი გრაფიკის მიხედვით განხორციელდება. ტერიტორიები და ნერგები რეგიონებისა და მუნიციპალიტეტების სპეციფიკის გათვალისწინებით შეირჩევა. პროცესში ჩართულები იქნებიან გარემოს დაცვისა და სოფლის მეურნეობის, განათლების და რეგიონული განვითარების სამინისტროები, მუნიციპალიტეტები, თბილისის მერია, სკოლები, მასწავლებლები, დირექტორები და მშობლები. შეიქმნება ელექტრონული პლატფორმა, რომელიც თითოეულ ბავშვს მისცემს შესაძლებლობას, დააკვირდეს მის მიერ დარგული ხის ზრდასა და განვითარებას. „ჩემი პირველი ნერგი“ ყოველწლიური პროგრამა იქნება და ყოველ წელს პირველკლასელებისთვის სკოლის დაწყება ამ მნიშვნელოვან ინიციატივას დაუკავშირდება. საბოლოოდ კი, როდესაც ისინი სკოლას დატოვებენ, გარემოს დაუტოვებენ ზრდასრულ ხეს, რომელიც ჩვენი გარემოს გაჯანსაღებასა და გამწვანებას შეუწყობს ხელს“, – აღნიშნა გარემოს დაცვისა და სოფლის მეურნეობის მინისტრმა.