პაატა მანჯგალაძე: სააკაშვილს შესაწყალებელი არაფერი სჭირს, თუ სალომე ზურაბიშვილი მას შეიწყალებს, ეს იქნება სამართლიანობის აღსრულება

ეს არის ულამაზესი ქვეყანა, რომელთან პარტნიორობითაც აშშ-ის პრეზიდენტი ძალიან ამაყობს და ვიცი, რომ პრეზიდენტი ტრამპი საუკეთესო მოკითხვებს გიგზავნით როგორც პირადად თქვენ, ასევე სომხეთის ხალხს. ნამდვილად თვალშისაცემია ის, რასაც პრეზიდენტმა ტრამპმა და პრემიერ-მინისტრმა ფაშინიანმა ერთად მიაღწიეს, – ამის შესახებ აშშ-ის ვიცე-პრეზიდენტმა, ჯეი დი ვენსმა სომხეთის პრემიერ-მინისტრ ნიკოლ ფაშინიანთან ერთობლივ პრესკონფერენციაზე განაცხადა.სიტყვით გამოსვლისას ვენსმა ფაშინიანს უწოდა მომავალზე ორიენტირებული ადამიანი, რომელმაც სომხეთს მშვიდობა მოუტანა.„მშვიდობას ფრთხილი ადამიანები არ ქმნიან. მშვიდობას არ ქმნიან ადამიანები, რომლებიც ზედმეტად არიან ორიენტირებული წარსულზე. მშვიდობას ქმნიან ადამიანები, რომლებიც მომავალზე არიან ორიენტირებული. დღეს ჩვენ გვსურს, გამოვაცხადოთ დიდი ეკონომიკური თანამშრომლობის ნაწილი, რომელიც შეუძლებელი იქნებოდა თქვენი ლიდერობის გარეშე, იმ მშვიდობის გარეშე, რომელსაც ამ ქვეყანაში ვხედავთ“, – განაცხადა ჯეი დი ვენსმა.ამასთან, აშშ-ის ვიცე-პრეზიდენტმა აღნიშნა, რომ რეგიონში ისტორიული ტრანსფორმაცია მიმდინარეობს, რაც გრძელვადიანი მშვიდობის საწინდარია.„ძალიან ვამაყობ, რომ ვსაუბრობ ისტორიულ ტრანსფორმაციაზე. ეს გახსნის ვაჭრობის, ტრანზიტისა და ენერგეტიკული ნაკადების სრულიად ახალ სამყაროს მსოფლიოს ამ რეგიონში და შექმნის უპრეცედენტო კავშირებს სომხეთსა და მის მეზობლებს შორის. ეს შესანიშნავია სომხეთის ხალხის კეთილდღეობისთვის, მაგრამ ასევე შესანიშნავია მშვიდობის მდგრადი პროექტისთვის, რადგან როდესაც თქვენ ქმნით ამ ურთიერთდაკავშირებულ ეკონომიკებს, ენერგეტიკულ სექტორებს და ა.შ., ეს ნიშნავს, რომ ამ რეგიონში შეიძლება იყოს მდგრადი მშვიდობა. ჩვენ არ გვინდა მხოლოდ მშვიდობის დამყარება პრემიერ-მინისტრთან და პრეზიდენტის ხელმძღვანელობასთან. ჩვენ ასევე გვინდა, მშვიდობა შენარჩუნდეს და ეს არის ის, რასაც დღეს აქ ვაღწევთ. პრეზიდენტმა ტრამპმა ძალიან კარგად იცის, რომ მშვიდობის უზრუნველყოფის საუკეთესო გზა არის რეალური შეკავების შექმნა, ხოლო რეალური შეკავების შექმნის საუკეთესო გზა არის მსოფლიოში საუკეთესო სამხედრო ტექნოლოგიის ფლობა და შეერთებულ შტატებს ეს გააჩნია. პირველად, ჩვენ ვაცხადებთ სამხედრო ტექნოლოგიის მნიშვნელოვან გაყიდვას – 11 მილიონი დოლარის ღირებულების სადაზვერვო დრონების ტექნოლოგიას სომხეთისთვის და ჩვენი კარგი მეგობრისთვის, პრემიერ-მინისტრისთვის. ის ამას გამოიყენებს თავისი ქვეყნის დასაცავად და იმის უზრუნველსაყოფად, რომ მშვიდობა, რომელსაც ჩვენ ვქმნით, გამყარდეს“, – განაცხადა ჯეი დი ვენსმა.აშშ-ის ვიცე-პრეზიდენტმა, ჯეი დი ვენსმა და სომხეთის პრემიერ-მინისტრმა, ნიკოლ ფაშინიანმა ბირთვული ენერგიის სფეროში თანამშრომლობის შესახებ ერთობლივ შეთანხმებასაც მოაწერეს ხელი. მედიის ცნობით, შეთანხმება მთავრობებს შორის ბირთვული ენერგიის მშვიდობიანი გამოყენების სფეროში თანამშრომლობას მოიცავს.

საქართველოს ტექნიკური უნივერსიტეტის რექტორის, დავით გურგენიძის განცხადებით, საქართველოს პრემიერ-მინისტრთან შეხვედრა საკმაოდ პროდუქტიული და კონსტრუქციული იყო.მისივე თქმით, პრემიერმა გაითვალისწინა პროფესორ-მასწავლებლებისა და სტუდენტების დასახელებული საკითხები.„საქართველოს პრემიერ-მინისტრთან და განათლებისა მინისტრთან შედგა შეხვედრა უნივერსიტეტის ხელმძღვანელობის, ასევე აკადემიური პერსონალის, პროფესორ-მასწავლებლების. პრემიერ-მინისტრმა მოისმინა არგუმენტები, რაც აქვს საქართველოს ტექნიკური უნივერსიტეტის აკადემიურ საბჭოს. ჩვენ შევჯერდით საკითხებზე. პრემიერმა გაითვალისწინა ყველა ის საკითხი, რომელიც პროფესორ-მასწავლებლებსა და სტუდენტებს ჰქონდათ. საკმაოდ პროდუქტიული, კონსტრუქციული შეხვედრა იყო. ჩვენი ხელისუფლება, ირაკლი კობახიძის ხელმძღვანელობით, ნამდვილად არის დემოკრატიული და ის არ ჰგავს ყოფილ ხელისუფლებას“, – განაცხადა დავით გურგენიძემ.დავით გურგენიძის თქმით, რეფორმის შედეგად საქართველოს ტექნიკური უნივერსიტეტი იქნება გამართული, უმაღლესი ტექნოლოგიური სასწავლებელი.„საქართველოს ტექნიკური უნივერსიტეტი ყოველთვის იყო დიდი საინჟინრო ტექნოლოგიური სკოლა. პრემიერმა ბრძანა, რომ რეფორმის პერიოდში მასში იქნება დიდი ინვესტიცია. ის ჩამოყალიბდება რეგიონში და მსოფლიოში ერთ-ერთ დიდ, მძლავრ უმაღლეს ტექნოლოგიურ დაწესებულებად. ახლა უკვე, როდესაც სახელმწიფოში არის ეკონომიკური აღმავლობა, საქართველოს აქვს საშუალება, ინვესტიციები ჩადოს ამ უნივერსიტეტში, რომელიც არის ხერხემალიც ეკონომიკისა და თვითმყოფადობის, ის იქნება გამართული, უმაღლესი ტექნოლოგიური სასწავლებელი – საქართველოს ტექნიკური უნივერსიტეტი.ჩვენს უნივერსიტეტში ყოველთვის იყო ჰუმანიტარული კათედრები და საინჟინრო-ტექნოლოგიურ უნივერსიტეტს სჭირდება ჰუმანიტარული მიმართულებები. პროფესორები, რომლებიც არჩეული არიან კონკურსებით, გააგრძელებენ მუშაობას. იმ პროგრამებში, სადაც იქნება ჩართული ჰუმანიტარულ-სოციალური მიმართულებები, რა თქმა უნდა, იქ ეკონომისტებიც გვჭირდება და საერთაშორისო ურთიერთობების, სამართლის სპეციალისტებიც. ყველა უნივერსიტეტში იქნება საგანმანათლებლო პროგრამები. ჩვენ გვაქვს სამი ფაკულტეტი: სამართლისა და საერთშორისო ურთიერთობების, სოციალურ მეცნიერებათა ფაკულტეტი, ბიზნესტექნოლოგიების ფაკულტეტი. ჰუმანიტარული სპეციალობები წავლენ მილევად რეჟიმში, წელს არ გამოვაცხადებთ. ესეც იყო განსაზღვრული. კომისიის თავმჯდომარედ წარმოდგენილია მინისტრის მოადგილე, რომელიც გამოცდილია ამ საკითხში და ჩვენი კოლეგები გააგრძელებენ მუშაობას“, – განაცხადა დავით გურგენიძემ.კითხვაზე, „პრემიერთან შეხვედრაზე თუ დადეთ პირობა, რომ ტექნიკური საგნების დატოვების შემთხვევაში რეიტინგს გააუმჯობესებთ?“, დავით გურგენიძემ აღნიშნა:„პირობის დადებაზე აქ საუბარი არ ყოფილა, ჩვენ გვყავს მაღალი პასუხისმგებლობის მქონე პროფესურა. ჩვენს უნივერსიტეტს რიგ შემთხვევაში მსოფლიო რეიტინგებში მაღალი წარმატება აქვს, მაგრამ ეს წარმატებები ვერ იქნება 2250 ლარით, სტუდენტის გრანტით. ამიტომ, სახელმწიფო იღებს ვალდებულებას, ინვესტიციები ჩადოს უნივერსიტეტში, შემდეგში უკვე ყველა ერთად გავაგრძელებთ მუშაობა, რათა უნივერსიტეტი უფრო მაღალ რეიტინგზე გავიდეს მსოფლიო მასშტაბით. რიგ შემთხვევაში, საქართველოს ტექნიკური უნივერსიტეტი არის პირველი საქართველოსა და ამიერკავკასიაში. რეიტინგების სხვადასხვა მოდელია, მრავალი პროფილი მუშაობს“.საქართველოს პრემიერ-მინისტრი ირაკლი კობახიძე დღეს ტექნიკური უნივერსიტეტის რექტორსა და პროფესორ-მასწავლებლებს შეხვდა. შეხვედრის დასრულების შემდეგ პრემიერმა ბრიფინგზე განაცხადა, რომ თბილისის სახელმწიფო და საქართველოს ტექნიკური უნივერსიტეტები აღარ გაერთიანდება.

სულ უფრო ხშირად საუბრობენ ევროპელი ბიუროკრატები იმასთან დაკავშირებით, რომ უნდა დაიწყოს პირდაპირი დიალოგი რუსეთთან. სადაც რუსეთთან აპირებენ პირდაპირი დიალოგის დაწყებას, იქ ალბათ „პრორუსულ“ საქართველოს ხელისუფლებასთანაც მოუნდებათ დიალოგის დაწყება, – ამის შესახებ საქართველოს პრემიერ-მინისტრმა, ირაკლი კობახიძემ მთავრობის ადმინისტრაციაში გამართულ ბრიფინგზე ევროკომისიის მიერ გამოქვეყნებული ანგარიშის კომენტირებისას განაცხადა.პრემიერის თქმით, ევროკავშირმა მთლიანად შეიცვალა პოლიტიკური კონტექსტი და შეიცვალა დამოკიდებულება, მათ შორის, რუსეთის ფედერაციის მიმართ.„როდესაც ევროკავშირში იწერება ხოლმე ობიექტური შეფასებები, ემპირიულ კვლევაზე დაფუძნებული დოკუმენტები დგება, იქ ყველაფერი ისეა ხოლმე ასახული, როგორც ეს არის სინამდვილეში. ამის საპირწონედ ხშირად არის უხეში პოლიტიკური განცხადებები, რომლებსაც არავითარი კავშირი არ აქვს ობიექტურ სინამდვილესთან. ეს არის მორიგი მაგალითი იმისა, თუ როგორ ხედავს ობიექტური მკვლევარი საქართველოში შექმნილ ვითარებას. რაც შეეხება ევროკავშირს, მთლიანად შეიცვალა პოლიტიკური კონტექსტი და ამ ფონზე შეიცვალა ევროკავშირის დამოკიდებულება, მაგალითად, რუსეთის ფედერაციის მიმართ. სულ უფრო ხშირად საუბრობენ ევროპელი ბიუროკრატები იმასთან დაკავშირებით, რომ უნდა დაიწყოს პირდაპირი დიალოგი რუსეთთან. სადაც რუსეთთან აპირებენ პირდაპირი დიალოგის დაწყებას, იქ ალბათ „პრორუსულ“ საქართველოს ხელისუფლებასთანაც მოუნდებათ დიალოგის დაწყება. ამ მცირე გადახვევით ორმაგ სტანდარტებზე მსურს ხაზგასმა. ორმაგი სტანდარტები არის სერიოზული პრობლემა დღეს ევროპულ ბიუროკრატიაში. იმედი გვაქვს, რომ ამ კუთხით ევროკავშირი დაძლევს თავის პრობლემებს“, – განაცხადა პრემიერ-მინისტრმა.

ბატონი რუბიოს გზავნილი გვაძლევს ოპტიმიზმის საფუძველს. უნდა დაველოდოთ მოვლენების განვითარებას, ჩვენი მხრიდან იქნება გამოხატული სრული ღიაობა სტრატეგიული პარტნიორობის აღდგენასთან დაკავშირებით, – ამის შესახებ პრემიერ-მინისტრმა ირაკლი კობახიძემ მთავრობის ადმინისტრაციაში გამართულ ბრიფინგზე ჟურნალისტის კითხვის პასუხად განაცხადა.მისივე თქმით, საქართველოს სურვილია, სუფთა ფურცლიდან და კონკრეტული გზამკვლევით აღადგინოს სტრატეგიული პარტნიორობა აშშ-თან.„მარკო რუბიოს გზავნილი გვაძლევს ოპტიმიზმის საფუძველს, ჩვენი განაცხადი არის ცნობილი – ჩვენი სურვილია, სუფთა ფურცლიდან და კონკრეტული გზამკვლევით აღვადგინოთ სტრატეგიული პარტნიორობა აშშ-თან, ის სტრატეგიული პარტნიორობა, რომელიც წინა ადმინისტრაციამ, თავისი მიზანმიმართული პოლიტიკის შედეგად, კულმინაციის სახით შეწყვიტა, შეაჩერა საქართველოსთან. ეს არის ჩვენი გაცხადებული მიზანი, ბატონი რუბიოს გზავნილი გვაძლევს ოპტიმიზმის საფუძველს. დანარჩენი, უნდა დაველოდოთ მოვლენების განვითარებას, ჩვენი მხრიდან იქნება გამოხატული სრული ღიაობა სტრატეგიული პარტნიორობის აღდგენასთან დაკავშირებით“, – აღნიშნა პრემიერმა.

აშშ-ის ვიცე-პრეზიდენტი ჯეი დი ვენსი სომხეთში ჩავიდა. როგორც ცნობილია, აშშ-ის ვიცე-პრეზიდენტი სომხეთში მეუღლესა და დელეგაციის წევრებთან ერთად იმყოფება. დელეგაციის წევრებს შორის არის ეკონომიკურ საკითხებში აშშ-ის სახელმწიფო მდივნის მოადგილე ჯეიკობ ჰელბერგი. დღეს საღამოს ვენსი შეხვდება სომხეთის პრემიერ-მინისტრს, ნიკოლ ფაშინიანს, რის შემდეგაც დაგეგმილია ერთობლივი განცხადება.ცნობისთვის, აშშ-ის ვიცე პრეზიდენტი უკვე ხვალ გაემგზავრება აზერბაიჯანში.ორ ქვეყანაში ვენსის ვიზიტის მიზანია, ხელი შეუწყოს აშშ-ის პრეზიდენტის ძალისხმევას, რომელიც მიმართულია მშვიდობის დამყარებისკენ და ასევე პროექტის „ტრამპის მარშრუტი საერთაშორისო მშვიდობისა და კეთილდღეობისთვის“ წინ წაწევა. ეს პროექტი გულისხმობს სატრანსპორტო მარშრუტის განვითარებას, რომელიც სომხეთის ტერიტორიაზე გაივლის და აზერბაიჯანს დააკავშირებს აზერბაიჯანის შემადგენლობაში შემავალ ნახჭევანის ავტონომიურ რესპუბლიკასთან. პროექტი ითვალისწინებს აშშ-ისა და სომხეთის მონაწილეობით ერთობლივი კომპანიის შექმნას, რომლიც პასუხისმგებელი იქნება ინფრასტრუქტურის მოწყობაზე.