ნანა კაკაბაძე: საელჩოს სახელით ხელისუფლებისადმი მიმართვის მბრძანებლური ტონი არაფრით ჯდება დიპლომატიური ეტიკეტის ფარგლებში და იმ დროს გვახსენებს, როდესაც მეფის რუსეთის „ნამესტნიკები“ ან ცკ-ს მე-2 მდივნები წყვეტდნენ აქ ყველაფერს

„ეს სისტემა 100% დაინგრევა და ექიმები, როგორც რეპრესიული სისტემის ნაწილი, პასუხს აგებენ სხვებთან ერთად“ - ამის შესახებ რუსთავის ციხეში გადაყვანილი მიხეილ სააკაშვილი წერს.„წინა ყოფნისას რუსთავის საპყრობილეში ერთადერთი ნათელი წერტილი იყო სამედიცინო პერსონალი, რომელიც ყოველთვის თბილად მხვდებოდა, მიღიმოდა, მამხნევებდა და ზრუნავდა ჩემს ჯანმრთელობაზე. მოწამვლის შემდეგ გვიან ღამით პირველი დახმარება მათ აღმომიჩინეს.გამიხარდა, რომ აქ უკან მოყვანისას პირველ საღამოს სწორედ ისინი დამხვდნენ, თუმცა მეორე დილასვე ჩამომაშორეს ჩემი ძველი ნაცნობები და შემოიყვანეს დაშინებული, კრიჭაშეკრული, სრულიად არაკომპეტენტური ქოც-მედიკოსები, რა სამარცხვინოა!მართალი არიან გიორგი ახობაძე და სხვა პოლიტპატიმრები, ციხის სამედიცინო სამსახური წამების სისტემის ნაწილია და არაფერი ჰუმანიტარული მათ არ შერჩენიათ.ამათი ახლად გამოცხობილი კაციჭამიური ლოზუნგია „ნულოვანი თანაგრძნობა პოლიტპატიმრების“. აი დღეს დილითაც, მას შემდეგ, რაც „სამედიცინო“ მომსახურებაზე უარი ვთქვი, შემოვიდა ერთი კონცლაგერის „ექიმი“ და დამიწყო მორალის კითხვა. თან გამომიცხადა, რომ ჩემი მოწამვლა, რომელიც დაადასტურა ამერიკულმა და გერმანულმა ლაბორატორიებმა, ამერიკელმა და ევროპელმა ექიმებმა, თურმე ტყუილია.ეს „ექიმი“ იქცეოდა არაკომპეტენტურად და პროვოკაციულად, როგორც ჯერ კიდევ ვივამედში, ევროსაბჭოს წამების კომისამ დაწერა დასკვნა, რომ სამედიცინო გადაწყვეტილებებს ექიმები კი არა რეპრესიული აპარატი იღებდა და აქაური ექიმები საერთოდ, როგორც სუსის ოფიცრები ისე იქცევიან. ეს სისტემა 100% დაინგრევა და ექიმები, როგორც რეპრესიული სისტემის ნაწილი, პასუხს აგებენ სხვებთან ერთად“, - წერს მიხეილ სააკაშვილი.

საქართველოს ტექნიკური უნივერსიტეტის დელეგაციამ Erasmus+ CBHE პროექტის - „კრეატიული საინჟინრო განათლების ხელშეწყობა მდგრადი მწვანე სამყაროსთვის“ (GreenEngine) - საწყის (Kick-off) შეხვედრაში მინაწილეობა მიიღო.ინფორმაციას საქართველოს ტექნიკური უნივერსიტეტი ავრცელებს.სტუ-ის ცნობით, GreenEngine-ის საწყის შეხვედრაზე, რომელიც ტაშკენტში, INNO ტექნოპარკში გაიმართა, საქართველოს ტექნიკური უნივერსიტეტი სტუ-ის ტექნოლოგიებისა და გრანტების პროექტების ოფისის ხელმძღვანელმა გიორგი მიქიაშვილმა და საერთაშორისო პროექტების კოორდინატორმა ედუარდ დემეტრაშვილმა წარადგინეს.პროექტი GreenEngine საინჟინრო განათლების მოდერნიზებას ითვალისწინებს, რაც გულისხმობს უნივერსიტეტების სასწავლო პროგრამებში მწვანე ინჟინერიის, მდგრადი განვითარების პრინციპებისა და კრეატიული მიდგომების ინტეგრირებას. ღონისძიებამ ერთ სივრცეში შეკრიბა უნივერსიტეტებისა და ორგანიზაციების წარმომადგენლები საქართველოდან, უზბეკეთიდან და ევროკავშირის ქვეყნებიდან. შეხვედრის ფარგლებში პარტნიორებმა განიხილეს პროექტის სამუშაო გეგმები, სამოქმედო სტრატეგიები და თანამშრომლობის მექანიზმები, რაც ხელს შეუწყობს რეგიონში ინოვაციური და გარემოსდაცვით პრინციპებზე დაფუძნებული საინჟინრო განათლების განვითარებას.როგორც სტუ-ის ტექნოლოგიებისა და გრანტების პროექტების ოფისის ხელმძღვანელი გიორგი მიქიაშვილი აცხადებს, საქართველოს ტექნიკურმა უნივერსიტეტმა, როგორც სამუშაო პაკეტი 2-ის - „არსებული სასწავლო პროგრამების ანალიზის განახლება და ევროკავშირის საუკეთესო პრაქტიკები“ - ლიდერმა, შეხვედრაზე წარადგინა დეტალური სამუშაო გეგმის პროექტი და გამოკითხვის ანკეტების კონცეფცია, რომლის გამოყენებაც მოხდება პარტნიორ უნივერსიტეტებში მოქმედი საინჟინრო სასწავლო პროგრამების სრულყოფილი ანალიზისთვის - იმ მიზნით, რომ გამოავლინოს მათი სტრუქტურული თავისებურებები, მწვანე და მდგრადი ინჟინერიის მიმართულებით არსებული შესაძლებლობები და ასევე, აღმოაჩინოს ხარვეზები.„წარდგენილი სამუშაო გეგმა ითვალისწინებს მონაცემთა შეგროვების, შეფასებისა და შედეგების შედარებითი ანალიზის მკაფიო ეტაპებს, რათა პროექტმა უზრუნველყოს ევროკავშირის წამყვან უნივერსიტეტებში აპრობირებული გამოცდილებისა და საუკეთესო პრაქტიკების ეფექტიანი ინტეგრაცია. რაც შეეხება გამოკითხვის ანკეტების კონცეფციას, ის მიზნად ისახავს პარტნიორი ინსტიტუციების აკადემიური პერსონალის, სტუდენტებისა და ადმინისტრაციის მოსაზრებების სისტემატიზაციას, რაც ხელს შეუწყობს საგანმანათლებლო პროგრამების მოდერნიზების პროცესის მიზანმიმართულად დაგეგმვას. საწყისი შეხვედრის პროგრამა ასევე მოიცავდა INNO ტექნოპარკის ინფრასტრუქტურის დათვალიერებას, ფინანსური მართვის, ხარისხის უზრუნველყოფის, დისემინაციისა და მდგრადობის თემატურ სესიებს, აგრეთვე ქსელურ აქტივობებს. საქართველოს ტექნიკური უნივერსიტეტის მონაწილეობა პროექტში - GreenEngine ხელს უწყობს უნივერსიტეტის საერთაშორისო თანამშრომლობის გაძლიერებას და საინჟინრო განათლების მაქსიმალირად მიახლოებას ევროკავშირის თანამედროვე სტანდარტებთან“, - ამბობს გიორგი მიქიაშვილი.სტუ-ის ინფორმაციით, სესიის განმავლობაში Erasmus+ CBHE პროექტის - „კრეატიული საინჟინრო განათლების ხელშეწყობა მდგრადი მწვანე სამყაროსთვის“ - მონაწილეებმა სამომავლოდ განსახორციელებელი სამუშაოები და მათი შესრულების ვადები განსაზღვრეს.

რით განსხვავდება განათლების თქვენეული კონცეფციის თავზე მოხვევა სააკაშვილის კამპანიისგან, რომელმაც უნივერსიტეტებიდან პროფესურა გაყარა, „ჩარეცხილები“ უწოდა და ქონების მასიურად გაყიდვა დაიწყო, – ამის შესახებ პარტიის „გახარია საქართველოსთვის“ წევრმა, სოფო ხორგუანმა პარლამენტში განაცხადა.მისი თქმით, „ქართულმა ოცნებამ“ განათლების სისტემას ნაჯახით მიადგა.„საქართველოს კონსიტუტიციის თავი 2. მუხლი 27 „აკადემიური თავისუფლება და უმაღლესი საგანმანათლებლო დაწესებულებების ავტონომია უზრუნველყოფილია“. მოცემული კონცეფციით პარტია კარნახობს უმაღლეს სასწავლებლებს, რა უნდა ასწავლოს, სად უნდა ასწავლოს, ვინ უნდა ასწავლოს, ვის უნდა ასწავლოს და რამდენი ხანი უნდა ასწავლოს. დირექტივები მოდის პარტიიდან და არ მოდის აკადემიური გამოცდილებიდან. როგორ გესმით უმაღლესი განათლების იდეა? მხოლოდ ერთი ან ორი ტრადიციული პროფილის და ისტორიული გამოცდილების გათვალსიწინებით, რომელ ტრადიციებს გულისხმობთ?დაწყებული გელათის აკადემიიდან, სადაც პეტრიწი მოღვაწეობდა, ასწავლიდნენ გეომეტრიას, არითმეტიკას, მუსიკას, რიტორიკას, გრამატიკას, ფილოსოფიას და ასტრონომიას. საუკეთესო უნივერსიტეტები გერმანიაში მე-18 საუკუნიდან მოყოლებული ასწავლიდნენ მრავალ დისციპლინას და ასე არის ყველაზე საუკეთესოდ აღიარებულ უნივერსიტეტებში დღევანდელ მსოფლიოში. სადაც თქვენი შვილები სწავლობენ.თქვენი კონცეფცია ამბობს, რომ სტუდენტები ქალაქში ფეხებში გვედებიან და უმჯობესია, თუ ქალაქის ბოლოს ან სულაც ორ ქალაქს შორის თავისთვის იყვნენ? თუ კი მხოლოდ რუსთაველის გამზირზე ორი სავაჭრო მოლია, რამდენიმე უნივერსიტეტი, სტუდენტები და მასწავლებლები რატომაა ქალაქის გადატვირთვის მთავარი მიზეზი? ან რას უპირებთ დევნილობა გადატანილ უნივერსტეტებს. ომგამოვლილებს. ერთდროულად დასრულებული მე-11 და მე-12 კლასები ერთ წელიწადს, ნიშნავს იმას, რომ უფრო მეტი 18 და 17 წლის ახალგაზრდა დარჩება ქუჩაში.საიდან მოვიდა აზრი, რომ მოკლე განათლება უკეთესი განათლებაა? შემოთავაზებული კონცეფცია ართმევს განათლების სამ წელს ადამიანს: ერთს სკოლაში, ერთს ბაკალვრიატზე და ერთს სამაგისტროზე. სამი წელი უკეთესი განათლების ნიშანია?თქვენი კონცეფციით, შრომის ბაზარს უნდა იყოს მორგებული განათლების სისტემა. თუ ჩახედავთ შრომის ბაზარზე განცხადებებს, უმეტესობა კაზინოსა და მარკეტების პოზიციებზეა. კაზინოში თამაშის წარმდგენების, კარტის ამჩეხის, გაყიდვების მენეჯერისა და მაღაზიის კონსულტანტების მომზადების განათლებისკენ მიმავალი საქართველოა?ისტორიის მქონე ქვეყნის ამბიციას ასე ეხმიანება თქვენი კონცეფცია, რომელშიც საერთოდ არ ისმის ადამიანი, რა უნდა ადამიანს, რისკენ მიდის ადამიანი. აქ ისმის მხოლოდ პარტიის დაკვეთაზე მომუშავე უნივერსიტეტები. აქ არ ისმის, რომ ადამიანს აქვს მნიშვნელობა.რითი განსხვავდება განათლების თქვენეული კონცეფციის თავზე მოხვევა სააკაშვილის კამპანიისგან, რომელმაც პროფესურა გაყარა უნივერსიტეტიდან და მათ „ჩარეცხილები“ უწოდა და ქონების მასიურად გაყიდვა დაიწყო. იყო დრო, როცა „ქართული ოცნებაც“ იყო პროგრესული ძალა. ვიზეიმეთ ევროპასთან ასოცირების ხელშეკრულება და კანდიდატის სტატუსი. ვიყავით საიმედო პარტნიორები მეგობრებისთვის, მიუხედავად ბევრი პრობლემისა შინ და გარეთ, გვქონდა რწმენა, რომ უკეთესი საქართველოსკენ მივდიოდით. დღეს სად ვართ? თქვენ გამოუცხადეთ ბრძოლა ყველაფერს ქართულს, შემოგვაპარეთ ნეიტრალიტეტზე საუბრები. დღეს, აგერ გველაპარაკებით შაშკინივით, მიადექით განათლების სისტემას ნაჯახით. გინდათ, გააცოცხლოთ ის ნამგალი და ურო, ფასადზე რომ არის აკრული და ასე მართოთ საქართველო?თქვენ გახდით ჯერ პარტიის პრობლემა და მერე მთელი ქვეყნის. გავრილოვს რომ ჭიქებს უჭახუნებდით და როცა სერიოზული საფრთხის წინაშე დააყენეთ ქვეყანა, დაიმალეთ, თქვენი გადადგომის შესახებ განცხადებაც კი კალაძემ წაიკითხა. კორუფცია, ნარკოტრანზიტი, ქოლცენტრებიც, ხალხის გაღატაკება – აღიარეთ, როგორც იქნა. მაგრამ, მხოლოდ ღარიბაშვილის პასუხისმგებლობაა? თქვენი პასუხისმგებლობა სად არის? პარლამენტის თავმჯდომარის, პარტიის თავმჯდომარის და მერე პრემიერის. ინტრიგები, ჭორები, ძალით დაჩაგვრდა და მერე დაცინვა. ეს არის თქვენი სტილი. მაგრამ არა ქართული! ჩაგვრა და დაცინვა არასოდეს ყოფილა ქართული.ძალაუფლებას ჩაფრენილმა ვერ აიტანეთ ქართული სულისა და ენერგიის ამოხეთქვა, მაშინ, როცა ჩვენმა ფეხბურთელებმა გაგვაერთიანეს გამარჯვების სიხარულით. რამდენიმე დღეში შემოგვიგდეთ კანონი და გახლიჩეთ ერი! შემდეგ შეაჩერეთ ევროინტეგრაცია. თქვენი პასუხისმგებლობაა, რაც ამას მოჰყვა. დასისხლიანებული ახალგაზრები, დაპატიმრებების დაუსრულებელი ტალღა.განათლების ეს რეფორმაც ამას ემსახურება. უფსკრულის კიდევ უფრო გაღრმავებას. თქვენ ვერ იღებთ არათუ განსხვავებულ აზრს, ვერ იტანთ ყველას, ვინც ტაშს არ გიკრავთ. მტრად და აგენტად აცხადებთ. თქვენ, რომელიც მოხვედით ჩვენნაირების ბრძოლის ზურგით, როცა თქვენ ევროპაში სწავლობდით, ჩვენ აქ ვიბრძოდით და ახლა გინდათ წაგვართვათ ჩვენი იმ წლების ბრძოლის სიმართლის რწმენაც. მხოლოდ იმიტომ, რომ სკამი გქონდეთ.ამ კედლებს ბევრი რამე უნახავს, დამოუკიდებლობის აქტზე ხელმოწერა, მერე ტყვიების ზუზუნი, რევოლუციაც, განათლების სხვადასხვა რეფორმა, კიდევ ბევრი პრემიერი მოვა აქ ახალ-ახალი იდეებით. ბევრი გადაიტანა ჩვენმა ქვეყანამ და კიდევ ბევრს გაუძლებს და გადარჩება. სანამ იმ ენაზე ვსაუბრობთ, ვეფხისტყაოსანი რომელზეც დაიწერა. სანამ მიუხედავად გაჭირვებისა, მამა-პაპის სახლს არ ტოვებენ ქართველი და მთელს მსოფლიოში მიმობნეულები თავის წილ საქართველოს ატარებენ. საქართველო გადარჩება. მაგრამ დარჩება კითხვა, ილიას კითხვა – დღეს ვის რა ვარგე?! რა ვარგეთ ჩვენ ჩვენს სამშობლოს?“, – განაცხადა სოფო ხორგუანმა.

თბილისის საქალაქო სასამართლომ „კოალიცია ცვლილებისთვის“ ლიდერი ნიკა მელია მოსამართლისთვის წყლის შესხმის ფაქტზე დამნაშავედ ცნო.მოსამართლე ელენე გოგუაძემ მას ერთი წლითა და ექვსი თვით თავისუფლების აღკვეთა შეუფარდა. სასამართლოს გადაწყვეტილებით, სასჯელის ათვლა 2025 წლის 20 ივნისიდან დაიწყება.ცნობისთვის, ნიკა მელია პოლიციამ 29 მაისს ადმინისტრაციული წესით დააკავა. მეორე დღეს კი, პარლამენტის დროებით საგამოძიებო კომისიაზე გამოუცხადებლობასთან დაკავშირებულ საქმეზე მისი სასამართლო პროცესი გაიმართა, სადაც აღკვეთის ღონისძიების სახით პატიმრობა შეეფარდა. მელიამ პროცესზე მოსამართლეს სიტყვით მიმართვისას წყალი შეასხა.

ეკონომიკისა და მდგრადი განვითარების მინისტრი მარიამ ქვრივიშვილი ტრანსკასპიური სატრანსპორტო კორიდორის და დაკავშირებადობის საინვესტიციო ფორუმსა და მის ფარგლებში დაგეგმილ ევროკავშირის, ცენტრალური აზიის, სამხრეთ კავკასიის და შავი ზღვის რეგიონის ქვეყნების ტრანსპორტის მინისტრების შეხვედრაში მიიღებს მონაწილეობას.აღნიშნული ღონისძიება იმართება ევროკავშირის თანაორგანიზებით და მისი მიზანია ევროკავშირის Global Gateway-ის ინიციატივის ფარგლებში დერეფნის გასწვრივ გააძლიეროს ევროკავშირის თანამშრომლობა პარტნიორ სახელმწიფოებთან ევროპასა და აზიას შორის სატრანსპორტო კავშირების ხელშესაწყობად. ღონისძიების ფარგლებში, საქართველო წარადგენს თავის ხედვასა და გეგმებს თუ როგორ შეუძლია ქვეყანას ხელი შეუწყოს ტრანსკასპიური სატრანსპორტო კორიდორის განვითარებას და ჩვენს რეგიონსა და ევროკავშირს შორის მჭიდრო სატრანსპორტო კავშირების დამყარებას.ფორუმი და მინისტრების შეხვედრა უზბეკეთის ქალაქ ტაშკენტში ხვალ გაიმართება.ფორუმის ფარგლებში მარიამ ქვრივიშვილი სიტყვით გამოვა პანელურ დისკუსიაზე, რომელიც შეეხება ცენტრალურ აზიას, სამხრეთ კავკასიასა და შავი ზღვის რეგიონს შორის დაკავშირებადობის საკითხებს.ღონისძიებას დაესწრება ევროკომისარი საერთაშორისო პარტნიორობის საკითხებში იოზეფ სიკელა.საქართველოს დელეგაციას ასევე წარმოადგენენ მინისტრის მოადგილეები თამარ იოსელიანი და გენადი არველაძე.ინფორმაციას ეკონომიკის სამინისტრო ავრცელებს.