მიხეილ ბატიაშვილი განათლების მინისტრის თანამდებობიდან გადადგა

2 მარტი – საქართველოს ეროვნული გმირის – გურამ გაბესკირიას დაბადების დღეგურამ გაბესკირია 1947 წლის 2 მარტს, ქალაქ სოხუმში დაიბადა. დაამთავრა მაქსიმ გორკის სახელობის სახელმწიფო უნივერსიტეტის ისტორიის ფაკულტეტი. წლების განმავლობაში, დაკავებული იყო პროფესიული ფეხბურთით. 1960-იანი წლების ბოლოს გაბესკირია სოხუმის „დინამოში“ თამაშობდა. მოგვიანებით, საფეხბურთო კარიერა სტავროპოლში, მინსკსა და კისლოვოდსკში გააგრძელა, ბოლოს კი თბილისის „ცსკა“-ში თამაშობდა. 1972 წელს გაბესკირია რესპუბლიკური დონის, მოგვიანებით კი საერთაშორისო კატეგორიის ფეხბურთის მსაჯი გახდა. გურამ გაბესკირიას სახელს სოხუმის საფეხბურთო კლუბ „ცხუმის“ დაარსება უკავშირდება, რომელიც ახლადშექმნილ საქართველოს საფეხბურთო ლიგაში ასპარეზობდა. მოგვიანებით, გურამ გაბესკირია კლუბის პრეზიდენტი გახდა, იგი ასევე იყო საქართველოს ფეხბურთის ფედერაციის პრეზიდიუმის წევრი. წლების განმავლობაში გურამ გაბესკირია ქალაქ სოხუმის თევზკომბინატის დირექტორის თანამდებობას იკავებდა. 1990 წელს მონაწილეობდა აფხაზეთის ავტონომიური რესპუბლიკის პარლამენტის არჩევნებში.1992 წელს გურამ გაბესკირია სოხუმის მერი გახდა, ხოლო 1993 წელს, აფხაზეთის ავტონომიური რესპუბლიკის მინისტრთა საბჭოს და თავდაცვის საბჭოს წევრი. 1993 წლის 27 სექტემბერს, სოხუმის დაცემის დღეს, აფხაზეთის ავტონომიური რესპუბლიკის მთავრობის წარმომადგენლებთან ერთად პოლკოვნიკმა გურამ გაბესკირიამ უარი განაცხადა ალყაში მოქცეული ქალაქის დატოვებაზე, რის შედეგადაც, ტყვედ ჩავარდნილი მთავრობის ყველა წევრი, მათ შორის გაბესკირია, სეპარატისტებმა დახვრიტეს.„არასოდეს, სანამ ცოცხალი ვარ!“ – ასე უპასუხა ტყვედ ჩავარდნილმა გურამ გაბესკირიამ „ბოევიკების“ მოთხოვნას, – „დაიჩოქე, პატიება გვთხოვე და შეაგინე ქართველებს!“.2017 წლის 27 სექტემბერს, გურამ გაბესკირიას საქართველოს ეროვნული გმირის წოდება მიენიჭა. ამავე წლის ოქტომბერში, ნეშტის იდენტიფიცირებისა და თბილისში გადმოსვენების შემდეგ, გურამ გაბესკირია სამხედრო პატივით დიღმის ძმათა სასაფლაოზე დაკრძალეს.

ქუვეითში აშშ-ის სამხედრო თვითმფრინავები ჩამოვარდა. ქუვეითის თავდაცვის სამინისტროს ინფორმაციით, ეკიპაჟის წევრები უვნებლები არიან.„დღეს დილით რამდენიმე ამერიკული გამანადგურებელი თვითმფრინავი ჩამოვარდა. ისინი უვნებლად გადარჩნენ და ჯანმრთელობის შემოწმებისთვის საავადმყოფოებში გადაიყვანეს. მათი მდგომარეობა სტაბილურია“, – ნათქვამია სამინისტროს განცხადებაში.თავდაცვის სამინისტროს ცნობით, ისინი აშშ-სთან თანამშრომლობენ და შემთხვევის მიზეზების დასადგენად გამოძიებას აწარმოებენ.

,,წუხელ, ერთი შეუგნებელი ირანელის კანონსაწინააღმდეგო ქმედების გამო, საელჩოს საკონსულო განყოფილების ერთ-ერთი ფანჯრის მინა ჩაიმსხვრა. ამ ინციდენტის შემდეგ, ადგილზე დაუყოვნებლივ გამოცხადდა სახელმწიფო დაცვის სამსახური, რომელმაც ზუსტად და პროფესიონალურად იმოქმედა და დამნაშავე დააკავა. ამის შემდეგ თბილისში ირანის ისლამური რესპუბლიკის საელჩოსთან გამოცხადდა კრიმინალური პოლიცია, რომელმაც დაიწყო კომპენსირების მიზნით ზიანის ოდენობის შესწავლისა და ამ დამნაშავის წინააღმდეგ სამართლებრივი ზომების მიღების პროცესი. საქართველოს კანონმდებლობის მიხედვით, აღნიშნული პირი ექვსი თვის მანძილზე იქნება დაკავებული, ჯარიმის გადახდის შემდეგ კი მოხდება მისი დეპორტაცია საქართველოდან და ჩამოერთმევა ამ ქვეყანაში ხელმეორედ დაბრუნების უფლება. სახელმწიფო დაცვის სამსახურის პასუხისმგებლიანი, მტკიცე და კანონთან შესაბამისი ქცევა შექებას იმსახურებს. ეს პროფესიონალური მიდგომა კარგად წარმოაჩენს ქართული ინსტიტუტების კანონისადმი ერთგულებას, დიპლომატიური წარმომადგენლობების უსაფრთხოებისა და საერთაშორისო წესებისადმი პატივისცემას. როგორც ირანის ისლამური რესპუბლიკის ელჩი, გულწრფელ მადლიერებას გამოვხატავ სახელმწიფო დაცვის სამსახურის თანამშრომლებისა და სხვა შესაბამისი ინსტიტუტების ძალისხმევის, გულმოდგინების, პასუხისმგებლობისა და დროული ქმედებისთვის. ამ კონსტრუქციულ თანამშრომლობას ორ ქვეყანას შორის პატივისცემასა და ნდობაზე დაფუძნებული ურთიერთობების ნიშნად მივიჩნევ''-ამის შესახებ ირანის ისლამური რესპუბლიკის ელჩი საქართველოში სეიედ ალი მოჯანი სოციალურ ქსელ  facebook- ზე წერს.

საქართველოს მთავრობა ღრმა შეშფოთებით ადევნებს თვალყურს ახლო აღმოსავლეთში მიმდინარე საომარ მოქმედებებს, რომელიც ემუქრება რეგიონის უკლებლივ ყველა ქვეყნის უსაფრთხოებას და კეთილდღეობას, – ამის შესახებ ნათქვამია საქართველოს მთავრობის განცხადებაში.როგორც მთავრობის განცხადებაშია აღნიშნული, გამოთქვამენ იმედს, რომ ახლო აღმოსავლეთში უახლოეს მომავალში აღდგება მშვიდობა.„სამძიმარს ვუცხადებთ ირანელ ხალხს და ირანის ისლამურ რესპუბლიკას, სადაც მიმდინარე საომარმა მოქმედებებმა ყველაზე მეტი ადამიანის, მათ შორის უმაღლესი ლიდერის, სხვა პოლიტიკური ლიდერების, მრავალი უდანაშაულო ადამიანის და ათეულობით ბავშვის სიცოცხლე შეიწირა. სამძიმარს ვუცხადებთ ჩვენს მეგობარ ებრაელ ხალხს და ისრაელს საომარი მოქმედებების შედეგად მშვიდობიანი მოქალაქეების დაღუპვის გამო. საქართველოს მთავრობა სრულ სოლიდარობას უცხადებს ყურის არაბულ ქვეყნებს, რომლებთანაც საქართველოს გამორჩეული პარტნიორობა აკავშირებს.გამოვთქვამთ იმედს, რომ ახლო აღმოსავლეთში უახლოეს მომავალში აღდგება მშვიდობა, რისთვისაც საომარი მოქმედებები დიპლომატიამ და პოლიტიკურმა დიალოგმა უნდა ჩაანაცვლოს. საქართველოს მთავრობა მიიღებს ყველა აუცილებელ ზომას რეგიონში მყოფი ჩვენი მოქალაქეების უსაფრთხოების უზრუნველსაყოფად და მათი ინტერესების დასაცავად“, – ნათქვამია საქართველოს მთავრობის განცხადებაში.

კომპოზიტორ ფრედერიკ შოპენის ხელნაწერებისა და წერილების ციფრული ასლები პოლონეთმა უსაფრთხოების მაღალი დონის მქონე გასაიდუმლოებულ საცავში გააგზავნა, რომელიც შპიცბერგენის (ნორვეგია) არქიპელაგის ერთ-ერთ კუნძულზე, ქვანახშირის მიტოვებულ მაღაროში მდებარეობს. ვარშავაში მდებარე ფრედერიკ შოპენის ეროვნულმა ინსტიტუტმა განაცხადა, რომ შოპენის ხელნაწერებისა და წერილების ციფრული ასლები განთავსდება შპიცბერგენის არქიპელაგზე, ლონგიერბიენში არსებულ „არქტიკის მსოფლიო არქივში“ - დაწესებულებაში, რომელსაც ზოგჯერ „სამყაროს აღსასრულის ბიბლიოთეკასაც“ უწოდებენ, რადგან ის კაცობრიობისთვის სასიცოცხლოდ მნიშვნელოვანი ჩანაწერების არქტიკის ბუნებრივად სტაბილურ პირობებში ხანგრძლივი დროის განმავლობაში შესანახად შეიქმნა.ციფრული ასლები გადაცემის ცერემონიაში, სხვა ოფიციალურ პირებთან ერთად, გაერო-ს განათლების, მეცნიერებისა და კულტურის ორგანიზაციის (იუნესკო) წარმომადგენლებიც მონაწილეობდნენ.ღონისძიების დროს, პიანისტ კშიშტოფ ვერჩინსკის მიერ შესრულდა შოპენის ნაწარმოებები.ინსტიტუტის სამეცნიერო ინფორმაციის დეპარტამენტის ხელმძღვანელის, მარცინ კონიკის თქმით, ეს დეპოზიტი წარმოადგენს გაციფრულებისა და გრძელვადიანი შენახვის გზით კულტურული მემკვიდრეობის დაცვისკენ წინგადადგმულ ნაბიჯს.„პოლონეთი უერთდება იმ ქვეყნების ჯგუფს, რომლებიც ყოველმხრივ იცავენ თავიანთ კულტურულ მემკვიდრეობას დიგიტალიზაციისა და გრძელვადიანი დაარქივების მეშვეობით“, - აღნიშნა მან.2017 წელს გახსნილი არქივი მდებარეობს მიწისქვეშ, გაუქმებულ მაღაროში, შპიცბერგენის მცენარეთა თესლების გლობალური საცავის მახლობლად, რომელიც მცენარეთა თესლების მსოფლიოში ყველაზე ცნობილ სარეზერვო საცავს წარმოადგენს.შპიცბერშგენის შესახებ 1920 წლის ხელშეკრულება არქიპელაგს დემილიტარიზებულ ტერიტორიად აცხადებს, რასაც ექსპერტები უსაფრთხოების დამატებით გარანტიად მიიჩნევენ.არქივის როლი განსაკუთრებით არის გაზრდილი ამჟამინდელი გეოპოლიტიკური ტურბულენტობის პირობებში, როდესაც სულ უფრო მეტი კულტურული ინსტიტუტი და ორგანიზაცია ეძებს ალტერნატიულ ადგილებს, რათა უარესი სცენარის შემთხვევაში, დანაკარგებისგან დაიცვას თავი.ეს იქნება პოლონური ინსტიტუტის მეორე დეპოზიტი „არქტიკის მსოფლიო არქივში“.2024 წელს, არქტიკაში მან უკვე გაგზავნა ვარშავის ფრედერიკ შოპენის მუზეუმიდან შერჩეული შოპენის მუსიკალური ხელნაწერების ციფრული ასლები და ნობელის პრემიის ლაურეატების, ვისლავა შიმბორსკასა და ოლგა ტოკარჩუკის ნამუშევრები.ამჯერად ინსტიტუტმა შესანახად წარადგინა შოპენის ხელნაწერების დარჩენილი ციფრული ასლები, ასევე კომპოზიტორის მიმოწერა, რომელთა დედნები ფრედერიკ შოპენის მუზეუმში ინახება.ფაილები ინახება piqlFilm-ზე - ოპტიკური ფირის მასალაზე, რომელიც გრძელვადიანი დაარქივებისთვის არის შექმნილი.ეს არის მიკროფილმის უახლესი ფორმა, რომელიც ინახავს მონაცემებს როგორც ციფრულ, ისე ადამიანისთვის წაკითხვად ვიზუალურ ფორმატებში და მიზნად ისახავს ჩანაწერების ხელმისაწვდომობის შენარჩუნებას იმ შემთხვევაშიც კი, თუ დღევანდელი ტექნოლოგიები მოძველდება.წყარო: dzieje.pl