ოთხშაბათი, ივლისი 2, 2025

მეუფე შიო: ნუ შეგვეშინდება აი იმ ვიწრო გზის, რომელიც სულიწმინდის მოხვეჭას ესაჭიროება, იმ ღვაწლის, და იმ ვიწრო გზაზე სიარულის

საპატრიარქო ტახტის მოსაყდრემ, სენაკისა და ჩხოროწყუს მიტროპოლიტმა შიომ (მუჯირი) სულთმოფენობის დღესასწაულზე სამების საკათედრო ტაძარში იქადაგა.

 “როგორ მოვიპოვოთ მადლი სულისა წმინდისა, როცა ეს მთავარი მიზანია ჩვენი სულიერი ცხოვრების? ამაზე უფალი იესო ქრისტე ბრძანებს რომ ვიწროა ბჭე და ძნელია გზა, რომელიც მიმყვანებელია აი ამ მაღალ მდგომარეობამდე, ამიტომ, თუ ჩვენ გვსურს რომ სულიწმინდის მადლი მოვიხვეჭოთ, რადაც არ უნდა დაგვიჯდეს უნდა ვებრძოლოთ ჩვენში ცოდვას…

სახელითა მამისათა და ძისათა და სულისა წმინდისათა.

ქრისტეს მიერ საყვარელნო მამანო, ძმანო და დანო, გილოცავთ სულთმოფენობას, გილოცავთ ყოვლადწმინდა სამების დღეს.

დღეს ასევე გახლავთ მართლმადიდებელი ეკლესიის დაბადების დღესასწაული, ვინაიდან, სულიწმინდა ღმერთმა მოციქულებზე გარდამოსვლით დასაბამი დაუდო წმინდა ეკლესიას.

გადმოგცემთ სრულიად საქართველოს კათოლიკოს-პატრიარქ ილია II-ის ლოცვა-კურთხევას და მოლოცვას.

ჩვენ განსაკუთრებული სიხარულით გვავსებს სულიწმინდა ღმერთისადმი რწმენა, იმიტომ რომ მის მოქმედებასთან ამ სამყაროში დაკავშირებულია ჩვენი ყველაზე დიდი და უაღმატებულესი მოლოდინები და სასოება. და ეს ასეც უნდა იყოს. იმიტომ რომ, როგორც გახსოვთ, თავად უფალი იესო ქრისტე ბრძანებდა რომ იგი დაითმენს ტანჯვას და სიკვდილს სულიწმინდის მოვლინების გამო. სწორედ ამას ნიშნავს მისი სიტყვები რომ: „უმჯობესია თქვენთვის რომ მე წავიდე. თუ მე არ წავალ, ნუგეშინისმცემელი ვერ მოვა თქვენთან, ხოლო თუ მე წავალ, მოგივლენთ მას“.

და აი, ამ დღეს შესრულდა დანაპირები უფლისა ჩვენისა იესო ქრისტესი და აწ უკვე ამიერიდან მის მიერ ბოძებული კაცობრიობისთვის სულის გამოხსნა, როგორც ადამიანის თანაზიარება საღვთო ცხოვრებასთან, უფრო სწორედ, ადამიანის საღვთო ცხოვრებასთან ზიარების რეალური შესაძლებლობა, ხორციელდება სწორედ სულიწმინდის ძალით და მადლით.

და აი ამიტომ, მთავარი მიზანი ქრისტიანული ცხოვრების, არის სულიწმინდის მოხვეჭა. წმინდა მამები ასეც ასწავლიდნენ, ისეთი დიდი მამები, როგორიც იყვნენ წმინდა სვიმეონ ახალი ღვთისმეტყველი და სხვები და სხვები, რომ, მიზანი სულიერი ცხოვრების არის ის რომ სათნო ვეყოთ ქრისტე ღმერთს, სულიწმინდის მოხვეჭის მეშვეობით, სულიწმინდის მოხვეჭით ვიყოთ სათნო მისთვის, ანუ სასურველი ქრისტესთვის. იმიტომ რომ, სულის გადარჩენა და სასუფეველი ღვთისა შეიძლება გამოვლინდეს და გაიხსნას ადამიანში მხოლოდ სულიწმინდის მადლით და ძალით.

ამაზეც ბრძანებს უფალი იესო ქრისტე რომ: „ეძიებდეთ პირველად სასუფეველსა ღვთისასა, და სიმართლესა მისსა“, და ასევე რომ „სასუფეველი ღვთისა თქვენშია“.

ასევე, სულიწმინდა არის ყოველივე სიკეთის წყარო და მომტანი ყოველივე სიკეთის. ვინაიდან, არა მხოლოდ თვითონ არის სიცოცხლე, სულიწმინდა, და სინათლე, არამედ, მომნიჭებელია ნათლისა, ე.ი. არა მხოლოდ საღვთო სინათლეა თვითონ, არამედ ნათლის მომნიჭებელიც არის. არამარტო სიცოცხლეა სულიწმინდა, არამედ ცხოველსმყოფელიც არის და ყოველი სიწმინდეც სულიწმინდისგან არის. როგორც ამბობს პავლე მოციქული, რომ: „სასუფეველი ღვთისა ეს არის სიმართლე, მშვიდობა და სიწმინდე სულიწმინდაში“.

როგორც მოგახსენეთ, სულიწმინდამ დასაბამი დაუდო ქრისტეს ეკლესიას, იგი აღაშენებს ქრისტეს ეკლესიას, ამ ქრისტეს სხეულს, ამ სამეფოს, განწმენდილი ადამიანების სამეფოს, რომლებიც მოელიან მომავალ მარადიულ დიდებას, აი ამ დიდებისთვის არის შექმნილი ადამიანიც და სამყაროც.

როდესაც ხდება მოხვეჭა სულიწმინდის ადამიანის მიერ, მასში ყველაფერი იცვლება, მისი აზრებიც, მისი გრძნობებიც, მისი ყოველი მოძრაობა, ხდება სასწაულებრივად განწმენდილი და ამაღლებული, მაგრამ, როგორ მოვიპოვოთ მადლი სულისა წმინდისა, როცა ეს მთავარი მიზანია ჩვენი სულიერი ცხოვრების? ამაზე უფალი იესო ქრისტე ბრძანებს რომ ვიწროა ბჭე და ძნელია გზა, რომელიც მიმყვანებელია აი ამ მაღალ მდგომარეობამდე, ამიტომ, თუ ჩვენ გვსურს რომ სულიწმინდის მადლი მოვიხვეჭოთ, რადაც არ უნდა დაგვიჯდეს უნდა ვებრძოლოთ ჩვენში ცოდვას. და ეს ჩვენი მიწიური ცხოვრება წუთისოფელი იმდენად მძიმე ხდება ზოგჯერ, განსაცდელების გამო, რომ, რომ არ იყოს ნუგეში ამ ცხოვრებაში, შეუძლებელი გახდებოდა ამის დათმენა. მაგრამ ჩვენ ვმადლობთ უფალს რომ ჩვენ გვაქვს ასეთი ნუგეში, ვინაიდან ჩვენ გვყავს ნუგეშინისმცემელი სული ჭეშმარიტებისა, მოვლენილი უფალი იესო ქრისტეს მიერ, რომელიც გვაძლევს ჩვენ აურაცხელ და შეუფასებელ საუნჯეებს და სიკეთეებს, რომელიც შეგვიყვანს ჩვენ სასუფეველში, იმ სასუფეველში, სადაც ყველაფერი ფერს იცვლის, და ხდება ახალი ცა და ახალი მიწა.

ასე რომ, ნუ შეგვეშინდება აი იმ ვიწრო გზის, რომელიც სულიწმინდის მოხვეჭას ესაჭიროება, იმ ღვაწლის, და იმ ვიწრო გზაზე სიარულის.

ღმერთმა დაგლოცოთ, გაგახაროთ, გაგაძლიეროთ, გილოცავთ კიდევ ერთხელ ამ შესანიშნავ დღეს, და ყოფილიყოს მუდამ ჩვენს გულებში, ჩვენს გასამხნევებლად ის პირველი ლოცვა, ტროპარი, რომელიც წმინდა ეკლესიის მიერ იკითხება ყველა ღვთისმსახურების დასაწყისში: „მეუფეო ზეცათაო, ნუგეშინისმცემელო, სულო ჭეშმარიტებისაო, რომელი ყოველგან ხარ და ყოველსავე აღავსებ მადლითა შენითა, საუნჯეო კეთილთაო, მომნიჭებელო ცხოვრებისაო, მოვედ და დაემკვიდრე ჩვენს შორის და აცხოვნე სულნი ჩვენნი, ამინ!“

დღეს არის ასევე, კიდევ ერთი შესანიშნავი დღესასწაული, სამების საკათედრო ტაძრის, რომელშიც დღეს ჩვენ ვიმყოფებით და წირვა აღვასრულეთ, დღესასწაული.

ამასაც გილოცავთ ძვირფასო ძმებო და დებო, ეს ტაძარი გამოირჩევა თავისი დიდებულებით, თავისი მშვენიერებით, და ნამდვილად შეიძლება ითქვას რომ ჩვენი ქვეყნისთვის ძალიან რთულ პერიოდში ასეთი ტაძრის აშენება ისივე როგორც, კათოლიკოს-პატრიარქ ილია II-ს მიერ მრავალი სხვა დიდებული საქმის აღსრულება, ნათელი დასტურია სულიწმინდის შეწევნის. და დღეს ჩვენ სიყვარულით ვულოცავთ მის უწმინდესობას და უნეტარესობას სულთმოფენობის დიდებულ დღესასწაულს და ვუსურვებთ მას დღეგრძელობას და სულიწმინდის შეწევნას.

სულიწმინდა იყავნ თქვენ ყოველთა თანა, და სრულიად საქართველოს თანა, ამინ!

დღეს ილოცებიან შემდეგი გვარები: გოშაყმაშვილები და ცაავები.

ქეთევან ნინუაhttp://tiflisnews.ge
საინფორმაციო სააგენტო tiflisnews.ge კონტაქტი- ☎️ 555 100 929

კაია კალასი – ევროკავშირი მზადაა, ხელი შეუწყოს ირანის ბირთვულ მოლაპარაკებებში დაბრუნებას

ევროკავშირი მზადაა, ხელი შეუწყოს ირანის ბირთვულ მოლაპარაკებებში დაბრუნებას. ამის შესახებ საგარეო პოლიტიკისა და უსაფრთხოების საკითხებში ევროკავშირის უმაღლესი წარმომადგენელი, კაია კალასი წერს.როგორც კალასი წერს, ირანის საგარეო საქმეთა მინისტრს, აბას არაღჩის სატელეფონო საუბრისას მოუწოდა, განაახლოს თანამშრომლობა ბირთვულ პროგრამაზე.ამასთან, კაია კალასი აღნიშნავს, რომ ირანის საგარეო საქმეთა მინისტრთან საუბრისას ხაზი გაუსვა ირანის ბირთვული პროგრამის დასრულების შესახებ მოლაპარაკებების რაც შეიძლება სწრაფად განახლებას.„ირანის ბირთვული პროგრამის დასრულების შესახებ მოლაპარაკებები რაც შეიძლება სწრაფად უნდა განახლდეს. საერთაშორისო ატომური ენერგიის სააგენტოსთან თანამშრომლობა უნდა განახლდეს. ევროკავშირი მზადაა, ხელი შეუწყოს ამას. ხელშეკრულებიდან გასვლის ნებისმიერი მუქარა არ უწყობს ხელს დაძაბულობის შემცირებას“, – წერს კალასი.როგორც ცნობილია, ისრაელისა და აშშ-ის მიერ ირანის ბირთვულ ობიექტებზე დარტყმების შემდეგ, ირანმა უარი თქვა ამერიკულ მხარესთან ბირთვული პროგრამის შესახებ ნებისმიერ მოლაპარაკებაზე.

„მეორე ბავშვი კლინიკაში გარდაიცვალა… დედა მძიმედაა და არ იცის, რომ არც ერთი შვილი აღარ ჰყავს…“ – იმერეთში დატრიალებული ტრაგედიის დეტალები

ზესტაფონში მომხდარი ავარიისას დაშავებული კიდევ ერთი ბავშვი კლინიკაში გარდაიცვალა. ექიმებმა მცირეწლოვნის გადარჩენა ვერ შეძლეს. მძიმედ არის ბავშვების დედაც, რომელიც ქუთაისში, კლინიკის რეანიმაციულ განყოფილებაშია მოთავსებული და სიცოცხლისთვის იბრძვის.დედამ მომხდარ ტრაგედიაზე არაფერი იცის.„გონს რომ მოვიდა, ბავშვები მოიკითხა - მიმიხედეთო. არ იცის, რომ არც ერთი შვილი აღარ ჰყავს... ერთი გოგონა 4 წლის იყო, მეორე კი, ჯერ 3 წლისაც არ იყო. ეს სამწუხარო ამბავი გუშინ უნდა ეთქვათ დედისთვის, მაგრამ დამძიმდა და ექიმმა ოჯახს ურჩია, არ ეთქვათ, ვერ გადაიტანსო...“.26 ივნისს, ზესტაფონში, თვრინი-ალავერდის პერიმეტრზე, ავარია მსხვერპლით დასრულდა. ავტოსაგზაო შემთხვევის შედეგად, ახალგაზრდა კაცი და ერთი მცირეწლოვანი ადგილზე დაიღუპა, მეორე მცირეწლოვანი კი, კლინიკაში, გუშინ გარდაიცვალა.მომხდარზე გამოძიება სსსკ-ის 276-ე მუხლით დაიწყო, რაც ტრანსპორტის მოძრაობის ან ექსპლუატაციის წესის დარღვევას გულისხმობს.

„საქართველოს ხმის“ გამარჯვებული ცნობილია

„რუსთავი 2-ის“ მუსიკალური მეგა შოუს, „საქართველოს ხმის“ გამარჯვებული აჩი ჯაიანი გახდა.მან მაყურებლის ხმების 57.93% მიიღო. გამარჯვებულს თბილისში ბინა და არაერთი პრიზი გადაეცა.„რუსთავი 2-ის“ მუსიკალურ პროექტს სამი ფინალისტი ჰყავდა, რომლებმაც კომპოზიტორების დაწერილი ორ-ორი სიმღერა შეასრულეს.

“ამას რაღა გააჩერებს” – მეწყერი ხარაგაულის სოფლებში

ხარაგაულის ორ სოფელში - ხემაღალსა და ღვერკში დაახლოებით ორი კვირის წინ მიწას ნაპრალები გაუჩნდა და გზები დაიბზარა.ადგილობრივი მოსახლეობა წუხს, რომ ნაპრალების ზომაც და რაოდენობაც დღითიდღე მატულობს. ოჯახების ნაწილი გაასახლეს, დარჩენილები ამბობენ, რომ ღამით შიშით იძინებენ.სოციალურ ქსელში გავრცელებულ ვიდეოკადრებსა და ფოტოებში ჩანს, რომ დახეთქილი მიწა ზოგიერთ სახლთან სულ რამდენიმე მეტრშია. ზოგან მიწა ჩავარდნილია. ზოგ ადგილას ნაპრალმა ყანა შუაზე გაყო.მარადი გელაშვილი ვარაუდობს, რომ შესაძლოა, სტიქიის გააქტიურების მიზეზი ისიც იყოს, რომ 2020-2021 წლებში, რკინიგზის მიხვეულ-მოხვეული მონაკვეთების შესამცირებლად, სოფელ ხემაღლის მთის ფერდობი ჩამოჭრეს. კლდოვანი ქანები ტრაქტორებს აზიანებდა აფეთქებაც დასჭირდათ - შეიძლება წონასწორობა ამანაც დაარღვიაო.“აფეთქების შედეგად გამოტანილი ქვა-ღორღის მასაც იქვე ახლოს ხეობაში გაშალეს. შემდგომ წლებში ეს ყველაფერი აისახა რკინიგზასთან სიახლოვეს რამდენიმე სახლზე. შემდეგ ალაგ-ალაგ ორივე სოფლის ტერიტორიაზეც გაჩნდა მცირე ზომის დაზიანებები, თუმცა აქედან საგანგაშო არცერთი არ ყოფილა.წლევანდელი დიდთოვლობის და შემდგომში გაზაფხულზე მოსული ინტენსიური წვიმების შემდეგ, პირველ ივნისს სოფლის გზაზე შევამჩნიეთ ჩავარდნილი მონაკვეთები. 7-8 ივნისს რამდენიმე სახლზე გაჩნდა ბზარები, რომლებიც მალევე გაიზარდა”, - წერს მარადი გელაშვილი.“ამ პროცესს რაღა შეაჩერებს” - წერს სოფელ ღვერკის გვერდითა სოფელში - სარგვეში მცხოვრები ქეთევან ცისკაძეც, რომელიც ზესტაფონამდე ღვერკის გზის გავლით მიდიოდა ხოლმე.“მეწყრული ზონა ჩემი სახლიდან სამ კილომეტრშია”. - გვეუბნება ის.ამ გზაზე გადაღებულ ფოტოებშიც კარგად ჩანს მიწის დაბზარული მონაკვეთები.

სულაკაურის გამომცემლობა სამწუხარო ინფორმაციას ავრცელებს

ფრანგული ენის პედაგოგი და მთარგმნელი, სოფიო ბენდიაშვილი გარდაიცვალა. ინფორმაციას ამის შესახებ სულაკაურის გამომცემლობა ავრცელებს.„ქართულ მთარგმნელობით სკოლას ფრანგული ენის პედაგოგი და მთარგმნელი, სოფიო ბენდიაშვილი გამოაკლდა. სწორედ მან თარგმნა მარსელ პრუსტის საეტაპო ნაწარმოების „დაკარგული დროის ძიებაში“ _ პირველი წიგნი „სვანის მხარეს“ და ფასდაუდებელი სამსახური გაუწია პრუსტის პოპულარიზაციას ქართველ მკითხველში. დიდი გულისტკივილით ვუსამძიმრებთ სოფიოს ოჯახს, ახლობლებსა და მეგობრებს“, - ნათქვამია სამძიმრის პოსტში.

ბოლო სიახლეები