მამუკა მდინარაძე: ჩვენ უნდა ვისაუბროთ შაქარაშვილის უდიდეს ტრაგედიაზე და მის გარდაცვალებასთან დაკავშირებულ ფაქტებზე

საქართველოს ტექნიკური უნივერსიტეტი მოუწოდებს მედიას „თავი შეიკავოს უპასუხისმგებლო განცხადებებისგან“.სტუ „ტვ პირველს“ სტუდენტების დისკრედიტაციაში ადანაშაულებს.კერძოდ, საქართველოს ტექნიკური უნივერსიტეტი ეხმაურება „ტვ პირველის“ მიერ სოციალურ ქსელში გავრცელებულ სიუჟეტს, რომელზე თან ერთვის შემდეგი შინაარსის წარწერა: „სტუ-ს რექტორის დავით გურგენიძის უკან დგას პრორექტორი თამარ ლომინაძე, რომლის გვერდით დგანან სუსის აგენტები (წვერებში) სტუდენტების სამართავად და მათზე ზემოქმედების მოსახდენად“.ამ მორიგ უპასუხისმგებლო განცხადებასთან დაკავშირებით, საქართველოს ტექნიკური უნივერსიტეტი სპეციალურ განცხადებას ავრცელებს, რომელსაც „ინტერპრესნიუსი“ უცვლელად გთავაზობთ:„საქართველოს ტექნიკური უნივერსიტეტისა და თბილისის სახელმწიფო უნივერსიტეტის შესაძლო გაერთიანებასთან დაკავშირებით საზოგადოებრივ სივრცეში შექმნილმა ვნებათაღელვამ მედიის მხრიდან არაერთი უპასუხისმგებლო და არაკორექტული ინტერპრეტაცია წარმოშვა. განსაკუთრებით შემაშფოთებელია გავრცელებული შეფასებები და ვიზუალური ნარატივები, მანამდე ვიდრე საქართველოს ტექნიკური უნივერსიტეტი ოფიციალურ პოზიციას გააჟღერებს, რაც თავად უნივერსიტეტის შიდა კონსულტაციურ პროცესებზეა დამოკიდებული.ამ კონტექსტში, ტელეკომპანია „ტვ პირველის“ მიერ სოციალურ ქსელში გავრცელებული სიუჟეტი და მასზე დართული წარწერა, რომლის მიხედვითაც საქართველოს ტექნიკური უნივერსიტეტის რექტორის უკან თითქოს დგანან პრორექტორი და „სუს-ის აგენტები სტუდენტების სამართავად და მათზე ზემოქმედების მოსახდენად“, წარმოადგენს აშკარა ცილისწამებასა და პროფესიული ეთიკის უხეშ დარღვევას.მედიის დამოუკიდებლობა არ ნიშნავს დაუდასტურებელი ბრალდებების გავრცელებას, ვიზუალური მანიპულაციებით საზოგადოებრივი აზრის ფორმირებას და კონკრეტული ინსტიტუციების, პირებისა თუ სოციალური ჯგუფების დისკრედიტაციას. მოცემულ შემთხვევაში, აღნიშნული შეფასება ერთდროულად შეურაცხყოფს უნივერსიტეტს, მის აკადემიურ თვითმმართველობასა და სტუდენტებს, რომლებიც სიუჟეტში, ფაქტობრივად, წარმოდგენილნი არიან როგორც მართული, ზეწოლის ქვეშ მყოფი ან ძალადობრივი პროცესის მონაწილე სუბიექტები.განსაკუთრებით პრობლემურია სტუდენტების იმგვარად წარმოჩენა, თითქოს ისინი სხვა სტუდენტებზე ზემოქმედების ან „ბულინგის“ ინსტრუმენტებად გამოიყენებიან. ასეთი ნარატივი ეწინააღმდეგება აკადემიური თავისუფლების, სტუდენტური თვითგამოხატვისა და უნივერსიტეტის როგორც დამოუკიდებელი საგანმანათლებლო სივრცის ფუნდამენტურ პრინციპებს.ამასთან, ხაზგასმით უნდა აღინიშნოს, რომ სახელმწიფო უსაფრთხოების სამსახურში მუშაობა თავისთავად არ წარმოადგენს სამარცხვინო ფაქტს და არ შეიძლება გამოყენებულ იქნეს იარლიყად ადამიანების ან ჯგუფების დისკრედიტაციისთვის. თუმცა სრულიად მიუღებელია, როდესაც უსაფრთხოების ინსტიტუცია და უნივერსიტეტი ერთ კონტექსტში წარმოჩენილია როგორც სადამსჯელო ან რეპრესიული მექანიზმი, ხოლო სტუდენტები, როგორც ამ მექანიზმის აქტიური შემსრულებლები. მსგავსი მიდგომა არის არა მხოლოდ კონკრეტული პირების, არამედ სახელმწიფო ინსტიტუტებისა და თავად სახელმწიფოს ავტორიტეტის შეურაცხყოფაც.საზოგადოებრივ დისკუსიაში პასუხისმგებლიანი მედიის როლი სწორედ ფაქტებზე დაფუძნებული, დაბალანსებული და ეთიკური გაშუქებაა. აღნიშნული მასალა არღვევს ჟურნალისტური ეთიკის ფუნდამენტურ პრინციპებს, კერძოდ: სიზუსტის, ფაქტების გადამოწმების, მიუკერძოებლობისა და ადამიანთა ღირსების პატივისცემის სტანდარტებს. მედიის დამოუკიდებლობა არ შეიძლება იქცეს საფუძვლად ცილისწამების, იარლიყების მიკერებისა და ინსტიტუციების დისკრედიტაციისთვის.ხაზგასმითაა აღსანიშნავია ისიც, რომ საქართველოს ტექნიკურ უნივერსიტეტს აღნიშნულ საკითხზე ოფიციალური პოზიცია ჯერ არ გამოუქვეყნებია, რადგან მიმდინარეობს შიდა საკონსულტაციო პროცესი. ამ ფონზე მსგავსი შინაარსის მასალის გავრცელება კიდევ უფრო ზრდის დეზინფორმაციისა და საზოგადოებრივი პოლარიზაციის რისკს. მედიას მოვუწოდებთ თავი შეიკავონ მსგავსი უპასუხისმგებლო განცხადებებისგან“, - აღნიშნულია საქართველოს ტექნიკური უნივერსიტეტის განცხადებაში.

მთავარი მიზანი იმის, რომ გაიხსნას დისკუსიები სხვადასხვა თემაზე, არის საზოგადოების კონსოლიდაციის უზრუნველყოფა, – ამის შესახებ საქართველოს პრემიერ-მინისტრმა, ირაკლი კობახიძემ „რუსთავი 2“-ის ეთერში განაცხადა.როგორც კობახიძემ აღნიშნა, მთელი მსოფლიოს მასშტაბით ძალიან მძიმე ტენდენციებია.„სხვადასხვა ქვეყანაში, მათ შორის ევროპის ქვეყნების უმრავლესობაში თვალსაჩინოა, რომ გარკვეული ძალები ცდილობენ საზოგადოების გახლეჩას და ეს პრინციპში, სამწუხაროდ, წარმატებით გამოსდით. არის პოლარიზაციის ძალიან მაღალი ხარისხი, არის სიძულვილის დათესვის კონკრეტული ტენდენციები, რასაც ჩვენს მაგალითზეც თვალსაჩინოდ ვხედავდით და ჩვენ გვინდა, ამას დავუპირისპირდეთ. მთავარი მიზანი იმის, რომ გაიხსნას დისკუსიები სხვადასხვა თემაზე, არის საზოგადოების კონსოლიდაციის უზრუნველყოფა. რა თქმა უნდა, აქ არ იგულისხმება, რომ ყველა ერთ აზრზე უნდა იყოს“, – განაცხადა ირაკლი კობახიძე.მისივე თქმით, დებატები სწორედ იმისთვის არის, რომ განსხვავებული აზრი წარმოადგინონ ადამიანებმა და ამის საფუძველზე საზოგადოებამ შეიქმნას უკვე საკუთარი დამოკიდებულება კონკრეტულ საკითხებთან დაკავშირებით.„იმ პირობებში, როდესაც არ არსებობს სივრცე დებატებისთვის, ბუნებრივია, იზრდება დისტანცია საზოგადოების ორ მხარეს შორის. მნიშვნელოვანია, რომ ამ პოზიციებთან დაკავშირებით მუდმივი დისკუსიები არსებობდეს იმისათვის, რომ განსხვავებული მოსაზრებები არ იქცეს უარყოფითი გაგებით, კონფლიქტის მიზეზი. ჩვენი მთავარი ამოცანაა დეპოლარიზაცია ამ ხელოვნურად თავსმოხვეული სიძულვილის თავიდან არიდება ჩვენი საზოგადოებისთვის. ეს არის ბუნებრივი ამოცანა და სწორედ ამას ემსახურება ის ინიციატივა, რომლითაც ჩვენ გამოვედით“, – განაცხადა ირაკლი კობახიძემ.

,,ირანის ისლამური რესპუბლიკის მთავრობამ თავის ოფიციალურ ვებგვერდზე გამოაქვეყნა ფაილი, რომელიც ირანის მასშტაბით ბოლო მოვლენების შედეგად დაღუპული ყველა პირის სახელებს მოიცავს, ხოლო მათი საერთო რაოდენობა 2986 ადამიანს შეადგენს. პრეზიდენტის ადმინისტრაციის განცხადებაში ნათქვამია, რომ ირანის ისლამური რესპუბლიკის მთავრობის შეფასებით, ამ ტრაგიკული მოვლენების შედეგად დაღუპულები მხოლოდ ციფრები არ არიან და თითოეული ეს მსხვერპლი წარმოადგენს უდიდეს დანაკარგს საზოგადოებისათვის. თითოეული ირანელი ჩვენთვის მთელი ირანის ტოლფასია. პრეზიდენტი, იმ ზნეობრივი ვალისა და აღთქმის საფუძველზე, რომელიც მან ხალხს მისცა, საკუთარ თავს მათი უფლებების დამცველად მიიჩნევს. ამ მოვლენებისა და ბოლო არეულობების ყველა მსხვერპლი ამ ქვეყნის შვილები იყვნენ. არც ერთი დაღუპულის ოჯახის წევრი არ უნდა დარჩეს უნუგეშოდ და უყურადღებოდ''-ამის შესახებ საქართველოში ირანის ელჩი სეიედ ალი მოჯანი სოციალურ მედიაში წერს.https://dolat.ir/detail/476864

სირიის მთავრობამ და ქურთულმა „სირიის დემოკრატიულმა ძალებმა“ ყოვლისმომცველი ცეცხლის შეწყვეტის და ინტეგრაციის შეთანხმებას მიაღწიეს. შეთანხმებას წინ უძღოდა რამდენიმეკვირიანი სამხედრო დაპირისპირება.შეთანხმების თანახმად, სირიის შინაგან საქმეთა სამინისტროს უსაფრთხოების ძალები, სავარაუდოდ, ჩრდილო-აღმოსავლეთ ქალაქებში, ჰასაკასა და კამიშლიში განლაგდებიან, რაც ნიშნავს, რომ „სირიის დემოკრატიული ძალების“ მიერ კონტროლირებული ტერიტორიები სახელმწიფო მმართველობას დაუბრუნდება.მედიის ცნობით, შეთანხმება ასევე ითვალისწინებს სამხედრო ძალების რესტრუქტურიზაციას, მათ შორის ახალი დივიზიის შექმნას, რომელიც გააერთიანებს „სირიის დემოკრატიული ძალების“ სამ ბრიგადას, ასევე კობანის მებრძოლების ცალკე ბრიგადას, რომელიც ადმინისტრაციულად ალეპოს პროვინციას დაუკავშირდება.სირიის ოფიციალურმა პირებმა განაცხადეს, რომ პროცესი თანდათანობით განხორციელდება და აღიარებენ, რომ ადგილზე შესაძლოა გარკვეული, სირთულეები შეიქმნას.

აშშ-ის პრეზიდენტმა, დონალდ ტრამპმა განაცხადა, რომ ამერიკის სამხედრო ხომალდები ირანთან ახლოს არიან. შეერთებული შტატების პრეზიდენტს კითხვა დაუსვეს ირანის სულიერი ლიდერის განცხადებასთან დაკავშირებით, რომელმაც აღნიშნა, რომ აშშ-ის შეტევამ შესაძლოა, რეგიონული ომი გამოიწვიოს.„რა თქმა უნდა, ასე იტყვის, მაგრამ ჩვენ მსოფლიოში ყველაზე დიდი და ძლიერი ხომალდები გვყავს იქ, ძალიან ახლოს. იმედი მაქვს, შეთანხმებას მივაღწევთ. შეთანხმება თუ არ შედგება, მაშინ გავიგებთ, მართალი იყო თუ არა ის“, – უპასუხა დონალდ ტრამპმა ჟურნალისტებს.ამასთან, დონალდ ტრამპა ისაუბრა კუბასთან შესაძლო შეთანხმებაზეც. ტრამპის თქმით, შეერთებული შტატები კუბის წარმომადგენლებთან მოლაპარაკებებს აწარმოებს.„ჩვენ ვსაუბრობთ კუბის ხალხთან, კუბის უმაღლეს პირებთან. ვნახავთ, რა მოხდება. მინდა, იმ ადამიანებს, რომლებიც აქ მოვიდნენ და კუბა საშინლად მოეპყრო, მოვუაროთ, შეძლონ დაბრუნება და გააკეთონ ის, რაც უნდათ. მათ იქ ოჯახი ჰყავთ. წლების განმავლობაში ვერ ხედავდნენ მათ. ასე რომ, ვფიქრობ, კუბასთან შეთანხმებას მივაღწევთ. ის ცუდ მდგომარეობაშია. კუბას ჰუმანიტარული პრობლემა აქვს“, – განაცხადა ტრამპმა.