ლევან იოსელიანი: ნათქვამია, რომ საარჩევნო უბნების 70%-ში ჩატარდება ელექტრონული არჩევნები, ამის გადატანა უნდა მოხდეს კანონმდებლობაში, რომ შემდგომში ვერცერთმა ხელისუფლებამ მარტივად ვერ თქვას უარი ელექტრონულ არჩევნებზე
Read Time:35 Second
იმ შემთხვევაში დავუჭერ მხარს, თუ ჩვენი შენიშვნები იქნება გათვალისწინებული, – ამის შესახებ პარტია „მოქალაქეების“ ერთ-ერთმა ლიდერმა, ლევან იოსელიანმა საარჩევნო კოდექსსა და მოქალაქეთა პოლიტიკური გაერთიანებების შესახებ კანონში ცვლილებების საკითხზე საუბრისას განაცხადა.
„ეს შენიშვნები ეხება საოლქო-საარჩევნო კომისიაში ოპოზიციის ჩართულობას და მონაწილეობას არჩევის დროს და მეორე, რაც ჩემი სურვილია და მინდა იყოს გათვალისწინებული – ნათქვამია, რომ მინიმუმ 70%-ში ჩატარდება ელექტრონული არჩევნები, ამის გადატანა უნდა მოხდეს კანონმდებლობაში, რომ შემდგომში ვერცერთმა ხელისუფლებამ მარტივად ვერ თქვას უარი ელექტრონულ არჩევნებზე“, – ამბობს იოსელიანი.
ევრორეკომენდაციის მეორე პუნქტის მიხედვით მომზადებული პროექტების საკომიტეტო განხილვა დაიწყო. საარჩევნო კოდექსსა და მოქალაქეთა პოლიტიკური გაერთიანებების კანონში ცვლილებებზე იურიდიული კომიტეტის სხდომაზე მსჯელობენ. მმართველი გუნდის გადაწყვეტილებით, 2024 წლიდან საქართველო ელექტრონულ საარჩევნო სისტემაზე გადავა. ამომრჩევლის, სულ მცირე, 70% ხმას ელექტრონული აპარატურის გამოყენებით მისცემს.
Happy
0 %
Sad
0 %
Excited
0 %
Sleepy
0 %
Angry
0 %
Surprise
0 %
Comments
0
0
