კულტურის სამინისტრომ 12 ახალგაზრდა ხელოვანს საქართველოში და საზღვარგარეთ სწავლის დაფინანსებაში ხელი შეუწყო

ჩვენ ვართ გამორჩეული ქრისტიანული ტრადიციების, კულტურის მქონე ქვეყანა 1700 წლოვანი ისტორიით და შესაბამისად, ნებისმიერი მცდელობა საქართველოში, დაინერგოს ყალბი იდეოლოგიები, ქრისტიანობის ნაცვლად, არის წარუმატებლობისთვის განწირული, –  ამის შესახებ საქართველოს პრემიერ-მინისტრმა ირაკლი კობახიძემ „იმედი LIVE“-ში განაცხადა.როგორც მთავრობის მეთაურმა აღნიშნა, ყველაფერი უნდა გაკეთდეს იმისათვის, რომ საზოგადოება კიდევ უფრო მეტად გაძლიერდეს რწმენაში, გაძლიერდეს ქრისტიანული ფასეულობები ქვეყანაში, კიდევ უფრო მეტად გაძლიერდეს ეკლესია და ეს ყველაფერი საბოლოო ჯამში ნიშნავს სახელმწიფოებრიობის გაძლიერებას და განმტკიცებას.„ჩვენს საზოგადოებაში ცდილობდნენ გარდა სიძულვილისა, ყალბი იდეოლოგიის დანერგვას და ამის ნაწილი იყო პირდაპირი ბრძოლა ეკლესიის წინააღმდეგ, მათ შორის კამპანიები, რომლებიც წარმოებდა ეკლესიის წინააღმდეგ, პირადად პატრიარქის წინააღმდეგ, სასულიერო პირების წინააღმდეგ. ეს კამპანიები დამარცხდა ამ დღეების განმავლობაში და ამის გამოხატულებაც იყო ის ყველაფერი, რაც ვიხილეთ ჩვენ ამ დღეებში. ეს დღეები იყო კონკრეული ნიშანი ჩვენთვის და არა მარტო ჩვენთვის, ყველასთვის, ვინც აკვირდება ჩვენს ქვეყანაში მოვლენების განვითარებას. ეს არის ნიშანი იმისა, რომ არა მარტო სიძულვილი ვერ დაამარცხებს სიყვარულს და პირიქით იქნება აუცილებლად, არამედ ვერავითარი ყალბი იდეოლოგია ვერ დაამარცხებს საქართველოში ქრისტიანობას.ჩვენ ვართ გამორჩეული ქრისტიანული ტრადიციების, კულტურის მქონე ქვეყანა 1700 წლოვანი ისტორიით და შესაბამისად, ნებისმიერი მცდელობა საქართველოში, დაინერგოს ყალბი იდეოლოგიები, ქრისტიანობის ნაცვლად, არის წარუმატებლობისთვის განწირული. ამ კამპანიებს კიდევ ერთხელ გავიხსენებ. მიზანმიმართული იყო ეს კამპანიები, კონკრეტული მიზანი ჰქონდა, ზოგადად ავტორიტეტებს ებრძვიან, ეს არის დამახასიათებელი ამ იდეოლოგიისთვის მთელი მსოფლიოს მასშტაბით არ უნდა არსებობდეს არავითარი ავტორიტეტი. თქვენ იცით, რომ ამ წლების განმავლობაში და დღემდე პატრიარქი, დედა ეკლესია სარგებლობდა გამორჩეული ავტორიტეტით და ამიტომ იყო ერთ-ერთი მთავარი სამიზნე ამ კამპანიების სწორედ ეკლესია, სასულიერო პირები, თუმცა საბოლოო ჯამში ყველამ დავინახეთ, რომ აბსოლუტურად გამორიცხულია ასეთი კამპანიების წარმატება ჩვენს ქვეყანაში. თუმცა ეს არ ნიშნავს იმას, რომ არ უნდა ვიყოთ ფრთხილად და ფხიზლად. ყველაფერი უნდა გაკეთდეს იმისათვის, რომ ჩვენი საზოგადოება კიდევ უფრო მეტად გაძლიერდეს რწმენაში, გაძლიერდეს ქრისტიანული ფასეულობები ჩვენს ქვეყანაში, კიდევ უფრო მეტად გაძლიერდეს ეკლესია და ეს ყველაფერი საბოლოო ჯამში ნიშნავს ჩვენი სახელმწიფოებრიობის გაძლიერებას და განმტკიცებას“, – განაცხადა პრემიერ-მინისტრმა.

ელენე ხოშტარიას განაჩენი არაპროპორციული და გაუმართლებელია, - ამის შესახებ საქართველოში ნორვეგიის ელჩი, ბერლიო ჰოვლანდი სოციალურ ქსელში წერს.როგორც ელჩი აღნიშნავს, სასამართლოს გადაწყვეტილება საქართველოში ოპოზიციური ლიდერების დაპატიმრების პრობლემურ მოდელს ამყარებს.“ელენე ხოშტარიას განაჩენი არაპროპორციული და გაუმართლებელია. სასამართლოს გადაწყვეტილება ამყარებს საქართველოში ოპოზიციური ლიდერების დაპატიმრების პრობლემურ პატერნს და შლის გამოხატვის თავისუფლებასა და დემოკრატიულ ინსტიტუტებისადმი საზოგადოებრივ ნდობას”, - წერს ჰოვლანდი.ცნობისთვის, კახა კალაძის საარჩევნო ბანერის დაზიანებაში ბრალდებული პოლიტიკოსი, „დროას“ ლიდერი, ელენე ხოშტარია სასამართლომ დამნაშავედ ცნო. გადაწყვეტილება თბილისის საქალაქო სასამართლოს მოსამართლემ გიორგი არევაძემ მიიღო. არევაძის განაჩენით, ელენე ხოშტარიას 1 წლითა და 6 თვის ვადით თავისუფლების აღკვეთა მიესაჯა. შესაბამისად, ხოშტარია პენიტენციურ დაწესებულებას 1 წელში დატოვებს.

უკრაინის პრეზიდენტმა, ვოლოდიმირ ზელენსკიმ განაცხადა, რომ აშშ კიევს უსაფრთხოების გარანტიებს იმ პირობით სთავაზობს, თუ უკრაინის არმია გავა დონეცკისა და ლუგანსკის ოლქების იმ ნაწილებიდან, რომლებიც რუსეთს ჯერ ოკუპირებული არ აქვს.ამის შესახებ უკრაინის პრეზიდენტმა „როიტერთან“ ინტერვიუში ისაუბრა.ზელენსკის თქმით, აშშ-ის პრეზიდენტმა, დონალდ ტრამპმა აირჩია ზეწოლის სტრატეგია არა რუსეთზე, არამედ უკრაინაზე. ზელენსკიმ აღნიშნა, რომ ამერიკული მხარე მზადაა, უსაფრთხოების გარანტიების შესახებ დოკუმენტის გაფორმება მხოლოდ იმ შემთხვევაში დაასრულოს, თუ უკრაინა დონბასიდან ჯარების გაყვანას დათანხმდება.„ამერიკელები მზად არიან ეს გარანტიები უმაღლეს დონეზე დააფიქსირონ, როგორც კი უკრაინა მზად იქნება დონბასიდან ჯარების გაყვანისთვის“, – თქვა ზელენსკიმ.მისივე თქმით, ასეთი ნაბიჯი საფრთხეს შეუქმნის როგორც უკრაინის, ისე მთლიანად ევროპის უსაფრთხოებას. უკრაინის პრეზიდენტმა ასევე განაცხადა, რომ აშშ ამჟამად ირანთან კონფლიქტზეა კონცენტრირებული, რის გამოც ტრამპი ზეწოლას ახდენს უკრაინაზე, რათა ომი სწრაფად დასრულდეს.ზელენსკის შეფასებით, რუსეთი, რომელიც უკრაინული ჯარების აღმოსავლეთიდან გაყვანას ითხოვს, იმაზე აკეთებს გათვლას, რომ ვაშინგტონი დაკარგავს ინტერესს მოლაპარაკებების მიმართ და საბოლოოდ პროცესიდან გავა.აღსანიშნავია, რომ იანვარში გამოცემა „ფაინენშალ თაიმსი“ წერდა, რომ აშშ-ის უსაფრთხოების გარანტიები უკრაინისთვის დამოკიდებული იქნება იმაზე, დათანხმდება თუ არა კიევი დონბასიდან ჯარების სრულად გაყვანას. მაშინ თეთრი სახლის პრესსპიკერის მოადგილემ, ანა კელიმ ამ ინფორმაციას ტყუილი უწოდა.

„საქართველოს ეკლესიის ავტოკეფალიის აღდგენისა და მისი საერთაშორისო აღიარების საქმეში განუზომელია ახლად შესვენებული სრულიად საქართველოს კათოლიკოს-პატრიარქის, მცხეთა-თბილისის მთავარეპისკოპოსის, ბიჭვინთისა და ცხუმ-აფხაზეთის მიტროპოლიტის, უწმინდესისა და უნეტარესის - ილია მეორის ისტორიული როლი. მისი ავტორიტეტი, დიპლომატიური გამჭრიახობა, მტკიცე ეკლესიური პოზიცია და საერთაშორისო ავტორიტეტი გადამწყვეტი აღმოჩნდა ავტოკეფალიის სამართლიანი აღიარების პროცესსა და საქართველოს დამოუკიდებლობისთვის ბრძოლაში. ილია მეორემ შეძლო ქვეყნის მართლმადიდებელი ეკლესიის შიდა კონსოლიდაცია და ერთიანობის განმტკიცება, რაც აუცილებელი წინაპირობა იყო ამ უმნიშვნელოვანესი მიზნის მისაღწევად. პარტიარქის ლოცვა-კურთხევით გაძლიერებულმა ეკლესიამ მნიშვნელოვანი როლი შეასრულა საზოგადოების ზნეობრივი საფუძვლების გამყარებაში, განათლებისა და კულტურის მხარდაჭერაში, რაც საბოლოოდ აისახა ქვეყნის სულიერ და ინტელექტუალურ განვითარებაზე“, - ამის შესახებ საქართველოს ტექნიკური უნივერსიტეტის რექტორმა, აკადემიკოსმა დავით გურგენიძემ ავტოკეფალიის აღდგენის დღესთან დაკავშირებით განაცხადა.ინფორმაციას საქართველოს ტექნიკური უნივერსიტეტი ავრცელებს.სტუ-ის ცნობით, საქართველოს ტექნიკური უნივერსიტეტის წმინდა გიორგის სახელობის სამლოცველოში, ავტოკეფალიის აღდგენის დღისადმი მიძღვნილი სამადლობელი პარაკლისი აღავლინა და პატრიარქის სულის მოსახსენიებელი პანაშვიდი ჩაატარა სტუ-ის პროფესორმა, დეკანოზმა მიქაელმა (მაჭარაძე). მსახურებას ესწრებოდნენ უნივერსიტეტის პროფესორ-მასწავლებლები, სტუდენტები, ადმინისტრაციის წარმომადგენლები და თანამშრომლები.როგორც დეკანოზმა აღნიშნა, საქართველოს ტექნიკური უნივერსიტეტი ყოველთვის იყო და რჩება სულიერებისა და ზნეობრივი განათლების ერთ-ერთ კერად. მამა მიქაელის თქმით, უნივერსიტეტი მნიშვნელოვან როლს ასრულებს ახალგაზრდებში ისტორიული ცნობიერების გაღრმავების, ასევე მართლმადიდებლური კულტურისა და ტრადიციებისადმი პატივისცემის განმტკიცებაში.„მართლმადიდებლური სწავლება ყოველთვის ეფუძნებოდა ადამიანის ჰოლისტურ განვითარებას არა მხოლოდ ინტელექტუალური, არამედ ზნეობრივი და სულიერი სრულყოფის გზით. თანამედროვე განათლების სისტემაშიც კი, ეკლესიის მიერ დანერგილი ღირებულებები - ადამიანთა შორის თანასწორობა, პასუხისმგებლობა, პატივისცემა, სოლიდარობა, ჭეშმარიტების ძიება - რჩება უმნიშვნელოვანეს საყრდენად. ამ თვალსაზრისით, მართლმადიდებლობის როლი განათლებაში შეიძლება შეფასდეს, როგორც ფუნდამენტური - იგი ქმნის იმ ღირებულებით ჩარჩოს, რომლის გარეშეც ცოდნა კარგავს თავის ჰუმანურ დანიშნულებას. ჩემთვის, როგორც საქართველოს ტექნიკური უნივერსიტეტის პროფესორისთვის, მნიშვნელოვანია უნივერსიტეტის რექტორისა და ადმინისტრაციის მიდგომები. მადლობას მოვახსენებ რექტორს, აკადემიკოს დავით გურგენიძეს, რომლის ინიციატივითაც უნივერსიტეტის თეოლოგიის სასწავლო-სამეცნიერო ცენტრს, რომელიც უწმინდესისა და უნეტარესის, ილია მეორის ლოცვა-კურთხევით 24 წლის წინ დაფუძნდა, დღეს მისი სახელი ეწოდა“, - აღნიშნა დეკანოზმა მიქაელმა.საქართველოს ტექნიკური უნივერსიტეტის რექტორმა ავტოკეფალიის აღდგენის დღე მიულოცა მართლმადიდებელ ეკლესიას და მრევლს. როგორც აკადემიკოსი დავით გურგენიძე აღნიშნავს, უნივერსიტეტის მიზანია, აღზარდოს თაობები, რომლებიც ერთდროულად იქნებიან მაღალკვალიფიციური სპეციალისტები და სულიერი ფასეულობების მატარებელი ღირსეული მოქალაქეები.„ამ მნიშვნელოვან დღეს განსაკუთრებული პატივითა და მადლიერებით ვიხსენებთ ახლადშესვენებულ საქართველოს პატრიარქს, ილია მეორეს, რომლის ღვაწლი განუზომელია ქართული ეკლესიისა და საზოგადოების წინაშე. მისი დამოკიდებულება განათლების მიმართ გამოირჩეოდა განსაკუთრებული სიღრმითა და წინდახედულობით. ის მუდმივად წარმოაჩენდა განათლებისა და სულიერების განუყოფელ კავშირს; მიიჩნევდა, რომ ცოდნა უნდა ემსახურებოდეს ადამიანის სულიერ ამაღლებას და საზოგადოების კეთილდღეობას. საქართველოს ტექნიკურ უნივერსიტეტში პატრიარქის ინიციატივითა და მხარდაჭერით არაერთი საგანმანათლებლო პროექტი განხორციელდა. კიდევ ერთხელ გილოცავთ ავტოკეფალიის აღდგენის დღეს! ვუსურვებ საქართველოს მართლმადიდებელ ეკლესიას, ჩვენს ქვეყანას და თითოეულ მოქალაქეს მშვიდობას, ერთიანობას, სულიერ სიმტკიცესა და გამარჯვებას“, - განაცხადა რექტორმა დავით გურგენიძემ.

საზოგადოებას ძალიან დიდი მადლობა ეკუთვნის იმ ერთსულოვნებისა და ერთიანობისთვის, რომელიც ვიხილეთ ჩვენ ამ დღეების განმავლობაში და ამ ყველაფრის მიზანი არ იყო მხოლოდ პატრიარქისთვის პატივის მიგება, ეს იყო ბევრად უფრო მეტი, ეს იყო სიყვარულის ძალიან დიდი მანიფესტი, – ამის შესახებ პრემიერ-მინისტრმა ირაკლი კობახიძემ გადაცემა „იმედი live“-ში განაცხადა.მისივე თქმით, საქართველოში შეუძლებელია, რომ სიძულვილმა გაიმარჯვოს და ეს დღეები იყო ამის კიდევ ერთი დადასტურება.„ჩვენ ხშირად გვისაუბრია, რომ წლების განმავლობაში, ჩვენს ქვეყანაში ცდილობდნენ, დაეთესათ და გაეღვივებინათ მაქსიმალურად სიძულვილი, განსაკუთრებით, ბოლო 20 წლის განმავლობაში ვხედავდით ამ პროცესებს და, საბოლოო ჯამში, ამ 20 წლის განმავლობაში გაღვივებული სიძულვილი დაამარცხა პატრიარქის მიერ 50 წლის განმავლობაში გაღვივებულმა სიყვარულმა, რასაც თესავდა ნახევარი საუკუნის განმავლობაში ჩვენს საზოგადოებაში, რა ღირებულებებსაც ქადაგებდა, იმ ღირებულებებმა გადაძალა 20-წლიანი მცდელობა სიძულვილის გაღვივებისა, ეს იყო ნამდვილი სიყვარულის მანიფესტი და მნიშვნელოვანი იყო ჩვენი საზოგადოების ერთიანობის ხილვა. ეს არის ძალიან მნიშვნელოვანი ნიშანი ალბათ ბევრისთვის. ჩვენთვის უნდა იყოს ძალიან მნიშვნელოვანი ნიშანი იმისა, რომ ჩვენს ქვეყანაში, რომელსაც აქვს ქრისტიანობის უძველესი ტრადიცია, წელს, აღინიშნება 1700-წლოვანი იუბილე ქრისტიანობის სახელმწიფო რელიგიად გამოცხადების, ჩვენს ქვეყანაში შეუძლებელია, გაიმარჯვოს სიძულვილმა და ეს დღეები იყო ამის კიდევ ერთი დასტური პირადად ჩემთვის,“- აღნიშნა პრემიერმა.