თამარ მახარობლიძე: დაიღალა საზოგადოება ამ არხის ,,სანდო წყაროს“ მოპოვებული ინფორმაციებით, რომელიც სრულიად აცდენილია სინამდვილეს

საქართველოში მიწისძვრა მოხდა.ეპიცენტრი დაბა ლენტეხი, სოფელი თეკალი იყო.მიწისძვრის სიძლიერემ 3.2 მაგნიტუდა შეადგინა.ინფორმაციას დედამიწის შემსწავლელ მეცნიერებათა ინსტიტუტი და სეისმური მონიტორინგის ეროვნული ცენტრი ავრცელებს.

წმინდა სინოდი გაიმართება და მიიღებს ისეთი გადაწყვეტილებას, რაც ღვთისთვის სათნო იქნება, – ამის შესახებ ჩრდილოეთ ამერიკის ეპისკოპოსმა, მეუფე საბა ინწკირველმა განაცხადა.მისივე თქმით, წმინდა სინოდის საქმიანობაში არანაირი ჩარევა არ არის.„წინა სინოდის სხდომაზე იყო განხილული რაღაც საკითხები, რაღაც დარჩა განსახილველი, რომლებსაც 28-ში განვიხილავთ. 28-ში პატრიარქობის სამი კანდიდატი დასახელდება.არანაირი ჩარევა ჩემთან არ ყოფილა, არანაირი ჩარევა არ არის. წმინდა სინოდი გაიმართება და მიიღებს გადაწყვეტილებას. დაელოდეთ, ვლოცულობთ და ღვთის შეწევნით იქნება ისეთი გადაწყვეტილება, რაც ღვთისთვის სათნო იქნება“, – აღნიშნა მეუფე საბამ.ჟურნალისტის კითხვაზე, გამოკვეთილია თუ არა სავარაუდო კანდიდატები, მეუფე საბამ აღნიშნა: „ეს ფარული კენჭისყრაა და წინასწარ მე არ ვამბობ“.

ისრაელის პრემიერ-მინისტრმა, ბენიამინ ნეთანიაჰუმ ლიბანში „ჰეზბოლას“ სამიზნეებზე ძლიერი დარტყმების ბრძანება გასცა.ამის შესახებ ისრაელის პრემიერ-მინისტრის ოფისის განცხადებაშია ნათქვამი.განცხადების თანახმად, ნეთანიაჰუმ ისრაელის არმიას დაავალა ინტენსიურად შეუტიონ „ჰეზბოლას“ სამიზნეებს, სხვა დეტალები უცნობია.მედიის ცნობით, ამ გადაწყვეტილებას წინ უძღვოდა „ჰეზბოლას“ სარაკეტო და დრონებით თავდასხმები ისრაელის ჩრდილოეთსა ლიბანის სამხრეთით ისრაელის სახმელეთო ჯარებზე.ისრაელმაც დღეს არაერთი დარტყმა განახორციელა ლიბანის სამხრეთით, რის შედეგადაც, გავრცელებული ინფორმაციით, „ჰეზბოლას“, სულ მცირე, ექვსი წევრი დაიღუპა.

ორბანმა უარი თქვა უნგრეთიs პარლამენტში მანდატზე. ამის შესახებ უნგრეთის ყოფილმა პრემიერ-მინისტრმა, ვიქტორ ორბანმა სოციალურ ქსელში გამოქვეყნებულ ვიდეოში განაცხადა.ორბანის განცხადებით, დასრულდა მისი პარტია „ფიდესის” პრეზიდიუმის სხდომა, და მათ საპარლამენტო ფრაქციის “კარდინალურად რეფორმირება” გადაწყვიტეს, რომელიც 27 აპრილს იქნება ფორმირებული. მისი ხელმძღვანელი გერგეი გულიაში გახდება, ხოლო თავად ორბანი საპარლამენტო მანდატზე უარის თქმას აპირებს.„მანდატი, რომელიც როგორც „ფიდესი”-„ქრისტიან-დემოკრატები” სიის ლიდერმა მივიღე, რეალურად „ფიდესის” საპარლამენტო მანდატია, ამიტომ მისი დაბრუნება გადავწყვიტე. ახლა ის საჭიროა არა პარლამენტში, არამედ ეროვნული მოძრაობის რეორგანიზაციისთვის,” - განაცხადა ორბანმა.მან აღნიშნა, რომ მომდევნო კვირას პარტია ეროვნულ სხდომას გამართავს, ხოლო ხელმძღვანელობის ასარჩევად სხდომა ივნისისთვის გადაიდო. ამ მომენტისთვის პარტია „ფიდესის” პრეზიდენტის თანამდებობას თავად ორბანი იკავებს.

გუშინ ტელეკომპანია ობიექტივის ეთერში ბატონმა დავით თარხან-მოურავმა გააკეთა განცხადება, რომლის მიხედვითაც „მინაბში გოგონათა სკოლის წინააღმდეგ ამერიკის მიერ განხორციელებული თავდასხმა სიმართლეს არ შეესაბამება“.მე, როგორც ჩემი ქვეყნის ელჩი, მზად ვარ დავფარო თქვენი მოგზაურობის ყველა ხარჯი, რათა თავად გაემგზავროთ და ადგილზე დაათვალიეროთ და დაითვალოთ 168 ბავშვის საფლავი და სიმართლე პირადად გადაამოწმოთ.ასეთი განცხადებები, ადამიანის სიცოცხლესთან დაკავშირებული თემების განსაკუთრებული სენსიტიურობის გათვალისწინებით, საჭიროებს ზუსტ, დოკუმენტურ და მიუკერძოებელ გადამოწმებას. ადამიანის ღირსება აღემატება ნებისმიერ პოლიტიკურ ან მედია- კონკურენციას და არ უნდა გადაიქცეს დაპირისპირების ან დაუსაბუთებელი ინტერპრეტაციების იარაღად.განა არ უნდა ვცეთ პატივი ქართველი ხალხის გონიერებასა და საზოგადოებრივ შეგნებას?განა არ უნდა შევინარჩუნოთ მედიის სიწმინდე და პასუხისმგებლობა?განა სოციალური ეთიკა და რწმენა ქრისტესადმი, რომელსაც ჩვენ მუსლიმებიც და თქვენ, ქრისტიანებიც, ვაღიარებთ, არ უნდა იყოს მსჯელობისა და შეფასების საფუძველი?თუკი ამერიკისა და ისრაელის მიერ ისფაჰანში განხორციელებული თავდასხმისას დაღუპულ შვიდ ქართველთან მიმართებით სოლიდარობისა და თანაგრძნობის გამოხატვა არ მოხდა, მინიმუმ იმის მოლოდინი მაინც გვაქვს, რომ ადამიანის სიცოცხლესთან, განსაკუთრებით კი ომის დროს ბავშვებთან დაკავშირებული საკითხების განხილვისას, დაცული იყოს სიზუსტე, პასუხისმგებლობა და მეტი ანგარიში გაეწიოს საზოგადოებრივ აზრს.- წერა მოუჯანი თავის facbook გვერდზე