თამარ მახარობლიძე: დაიღალა საზოგადოება ამ არხის ,,სანდო წყაროს“ მოპოვებული ინფორმაციებით, რომელიც სრულიად აცდენილია სინამდვილეს

კრემლმა რუსეთის პრეზიდენტის, ვლადიმერ პუტინის ჩინეთში ვიზიტი დააანონსა, – ამის შესახებ ინფორმაციას „ბიბისი“ ავრცელებს.მედიის ინფორმაციით, ვიზიტის თარიღი ჯერ არ დასახელებულა, თუმცა ვლადიმერ პუტინი ქვეყანას ძალიან მალე ეწვევა.კრემლის პრესსპიკერმა, დიმიტრი პესკოვმა განაცხადა, რომ ყველანაირი მოსამზადებელი სამუშაო დასრულებულია.მანამდე რუსული მედია იუწყებოდა, რომ პუტინის ვიზიტი, შესაძლოა, მომავალ კვირას შედგეს.ცნობისთვის, რუსეთის პრეზიდენტის ბოლო ვიზიტი ჩინეთში 2025 წლის სექტემბერში შედგა, როდესაც ის პეკინში სამხედრო აღლუმს და სამიტს დაესწრო.

ფინანსთა სამინისტროს სათამაშო ბიზნესის პოლიტიკის სამმართველოს ხელმძღვანელმა ლაშა პიტნავამ გადაცემაში „კომერსანტის თემა“ ახალ კანონპროექტზე ისაუბრა, რომელიც სათამაშო ბიზნესისთვის ჯარიმების რაოდენობის ზრდას ითვალისწინებს.მისი თქმით, აღნიშნული ცვლილებები შესაძლებლობას მოგვცემს, რომ ბიზნესმა სანებართვო პირობები კეთილსინდისიერად შეასრულოს.„დღესდღეობით პარლამენტში არის წარდგენილი საკანონმდებლო ინიციატივა, რომელიც ითვალისწინებს სანებართვო პირობების დარღვევაზე ჯარიმების ზრდას. დღეს კანონში გვაქვს ორი დაშვება. ერთია სანებართვო პირობების ვადის გადაცილებაზე ჯარიმა, მეორე გვაქვს სანებართვო პირობების დარღვევაზე ჯარიმა. ამ შემთხვევაში ჩვენ სანებართვო პირობების ვადის გადაცილების ჯარიმას ვუთანაბრებთ სანებართვო პირობების დარღვევას.ხშირ შემთხვევაში ბიზნესს უღირდა, რომ როცა შეგვითანხმებდა სანებართვო პირობებს, დაერღვია ის და ჯარიმა გადაეხადა, რომელიც, მაგალითად, სათამაშო აპარატის შემთხვევაში იყო 1 000 ლარი. მაგალითად, რომ ავიღოთ თბილისი. დედაქალაქში რომ სათამაშო აპარატის სალონი გავხსნათ, ამისთვის  ბიზნესმა უნდა აიღოს 5 წლიანი ლიცენზია და წელიწადში მოუწევს 1 მილიონი ლარის გადახდა სანებართვო მოსაკრებლის სახით. გარდა ამისა, განთავსებულ ყოველ სათამაშო აპარატზე კვარტარულად სათამაშო ბიზნესის მოსაკრებელი უნდა გადაიხადოს, რომელიც თბილისში არის 4000 ლარი თითო აპარატზე. როდესაც ამ მოცულობის თანხაა გადასახდელი აპარატზე, ბიზნესს ერჩივნა, რომ ჯარიმა გადაეხადა 1 000 ლარის ოდენობით და უფრო მეტი აპარატი განეთავსებინა ობიექტზე, ვიდრე ამას ნებართვა ითვალისწინებს. მთელი ამ ცვლილებების მიზანია, ბიზნესმა სანებართვო პირობები კეთილსინდისიერად შეასრულოს და ჩვენც შესაბამისად ზედამხედველობა განვახორციელოთ“.- განაცხადა ლაშა პიტნავამ.

ორი დღის წინ ოპოზიციამ შანსი არ გამოიყენა, როცა კათოლიკოს-პატრიარქის აღსაყდრება იყო, იქ არ მივიდნენ. ვნახეთ, რომ რადიკალური ოპოზიცია საქართველოს ისტორიაში მნიშვნელოვან მომენტს არ დაესწრო, – ამის შესახებ საქართველოს პარლამენტის თავმჯდომარემ, შალვა პაპუაშვილმა განაცხადა.მისი თქმით, მათ შანსი ჰქონდათ, თანამონაწილენი ყოფილიყვნენ დიდი მოვლენის, რომელიც ქვეყნის ისტორიაში იშვიათად ხდება.„26 მაისის აღნიშვნას დილით არ აპირებენ, როგორც მთელი ქვეყანა აღნიშნავს, როცა წვევამდელები ფიცს დადებენ? – როგორც ჩანს, არც ამის მონაწილეები, უნდათ, იყვნენ. ჩვენი ქვეყნის არც სულიერი მხარე აინტერესებთ და არც სახელმწიფოებრივი. მათი ინტერესია, ქვეყნის გარეთ მათ თავებს როგორ დათვლიან. მათი მიზანია, რომ ქვეყნის გარეთ პატრონებს დაენახონ, რათა მათ მიმართ მოწყალება გაიღონ, ერთი-ორი ცენტი გამოიყონ. ოპოზიციისთვის მთავარია, რომ ევროკავშირის ელჩმა ხელი ჩამოართვას. ისინი 9 მაისს ელჩებთან კარგად ჩახუტებულები ვნახეთ. ისიც ვნახეთ, მათ როგორ არ იხუტებს ქართველი ხალხი. მათ უცხოელები ყალბ იმედებს უქმნიან, რომ მათი მხარდაჭერით, ხელისუფლებაში ქართველი ხალხის ნების წინააღმდეგ მოიყვანენ. ამას ვხედავთ კიდეც, 2024 წლიდან მოყოლებული, რომ გარედან ქართველი ხალხის ნების გადატეხას ცდილობენ იმისთვის, რომ რამენაირად ხელისუფლებაში სააკაშვილი და მსგავსი ჯგუფები მოიყვანონ. ის, ვინც ქართველ ხალხს ზურგს აქცევს, მათ ზურგს ქართველი ხალხიც აქცევს“, – განაცხადა პაპუაშვილმა.

ანტიოქიისა და სრულიად აღმოსავლეთის ბერძენი მართლმადიდებელი პატრიარქი იოანე X სრულიად საქართველოს კათოლიკოს-პატრიარქს, შიო მესამეს მისალოც წერილს უგზავნის.„ღრმა და გულწრფელი სიხარულით მივიღეთ თქვენი ამაღლების ამბავი საქართველოს საპატრიარქო ტახტზე, ჩვენი ძმის, სამგზის ნეტარხსენებული კათოლიკოს-პატრიარქის, ილია II-ის შემდეგ. ჩვენი სახელით და ანტიოქიისა და მთელი აღმოსავლეთის ბერძნული მართლმადიდებლური ეკლესიის მორწმუნეთა სახელით, თქვენს უწმინდესობას ვუგზავნით ჩვენს გულთბილ მილოცვებს. ვთხოვთ ქრისტე ღმერთს, მოწყალე უფალს და ყოველგვარი ნუგეშის წყაროს, რომ თქვენ გვერდით დადგეს თქვენ მიერ მისი კურთხეული სამწყსოს გაძღოლის დროს და ღვთაებრივი ხსნის წყაროებისკენ წარმართვისას. ასევე ვლოცულობთ ღვთაებრივი წყალობისთვის ჩვენი გარდაცვლილი ძმის, კათოლიკოს-პატრიარქ ილია II-ის სულისთვის.ვლოცულობთ თქვენთვის და საქართველოს ეკლესიისთვის, რომელთანაც ქრისტიანობის დასაბამიდან ისტორიული კავშირები გვაკავშირებს. თქვენ და თქვენი კეთილი ხალხი ყოველთვის იმყოფებით ანტიოქიის ეკლესიის შვილთა ლოცვებში, ეკლესიისა, რომელმაც მსოფლიოს „ქრისტიანები“ უწოდა და რომელმაც ყოველთვის შეინარჩუნა ყველაზე მჭიდრო და თბილი ურთიერთობა საქართველოს ეკლესიასთან, ეკლესიასთან, რომელიც ქრისტეს მოწმეა და სამოციქულო რწმენა ყველაზე ბნელ დროსაც კი შეინარჩუნა. განვაახლებთ ჩვენს ლოცვებს და ვთხოვთ ზეციურ სიძეს, რომ ყველანი ღირსნი გვყოს, აღვადგინოთ პანმართლმადიდებლური თანამშრომლობა იმ რთულ ვითარებაში, რომელსაც ჩვენი სამყარო განიცდის“, – აღნიშნულია მისალოც წერილში.

გარდაბანში მომხდარი ავარიის შედეგად, გარდაცვლილთა რიცხვი 7-მდე გაიზარდა.  ერთი  დაშავებულის მდგომარეობა მძიმეა, ის კი კლინიკაშია გადაყვანილი.ვრცელდება კადრები რა მოხდა, ავარიამდე რამდენიმე წამით ადრე.გავრცელებული ინფორმაციით, BMW-ს მარკის ავტომობილის მძღოლმა საჭე ვერ დაიმორჩილა და ხეს შეეჯახა. მანქანას ცეცხლი გაუჩნდა.