ვოლოდიმი ზელენსკი – რუს სამხედროებს მხოლოდ ორი ვარიანტი აქვთ, ჩვენი მიწიდან გაქცევა ან ტყვეობა

თბილისის ვაკის მაცხოვრის ფერისცვალების სახელობის ტაძრის წინამძღვარი, მამა შალვა კეკელია ათონის მთიდან კადრებს აზიარებს და მორწმუნეებს მიმართავს.„ახლა წმინდა მთაზე ვიმყოფები და ისეთი ადგილი უნდა განახოთ, რომელიც ყველას ძალიან გიყვართ. ვინც უყურეთ წმინდა პაისის სერიალს და ბევრმა მისი ცხოვრება ისედაც იცით, მინდა საოცარი ადგილი განახოთ - ულამაზესი ადგილი, სადაც წმინდა პაისი ათონელი მის მოძღვართან ერთად მოღვაწეობდა... ამ ბილიკებზე დადიოდა წმინდა პაისი, ეს არის მისი კელია. ალბათ, რამდენჯერ აუვლია ეს კიბეები და რამდენი ადამიანი გადაურჩენია... შეეწიოს ჩვენს ქვეყანას, ჩვენს ერს, ჩვენს სამშობლოს, ღმერთმა შეგვაძლებინოს ყველას, წმინდა, პატიოსანი და ერთგული მსახურება ღვთის წინაშე“, - ამბობს მამა შალვა კეკელია.ვრცლად, ნახეთ ვიდეო:

რა ვითარებაა სოფელ კურსებში და მოსალოდნელია თუ არა მიწის განმეორებითი ჩამოსვლა - სტიქიის ზონაში, ამ დრომდე რჩებიან გეოლოგები.მეწყერმა, რომელიც გუშინ ჩამოწვა, სოფელში მთლიანად გაანადგურა 10 საცხოვრებელი სახლი, ევაკუირებულია 45 ოჯახი. საერთო ჯამში, სტიქიამ 58 ჰექტარი ფართობი მოიცვა. დანგრეული სახლების გარდა, ეზოებში დიდი ნაპრალებია, წაქცეულია ხეები, დაზიანებულია ავტომობილები და გზები. დაშავებული არავინაა. გეოლოგებთან ერთად, სოფელ კურსებში რჩებიან შსს-ს სხვადასხვა დანაყოფის წარმომადგენლები და შესაბამისი ტექნიკა. შექმნილია საგანგებო შტაბი.ტყიბულის მუნიციპალიტეტის მერის, დავით კუბლაშვილის განცხადებით, გეოლოგების პირველადი დასკვნა უახლოეს დღეებში იქნება ცნობილი."ადგილზე მუშაობენ გეოლოგების ჯგუფი, რომელსაც დაემატათ დამატებით სპეციალისტები. სავარაუდოდ, ძალიან მალე გვექნება ჩვენი გეოლოგების პირველადი, შემაჯამებელი დასკვნა.საგანგებო შტაბი 24-საათიან რეჟიმში აგრძელებს მუშაობას. აქტიურ კომუნიკაციაში ვართ ევაკუირებულ მოსახლეობასთან. ისინი, ვისაც ამის საჭიროება გააჩნდა, უკვე განთავსებულნი არიან სასტუმროებში", - განაცხადა დავით კუბლაშვილმა.

ირანმა სპარსეთის ყურეში დარტყმები უნდა შეწყვიტოს, – ამის შესახებ არაბთა გაერთიანებული საამიროების სახელმწიფო მინისტრმა, ლანა ნუსეიბეჰმა „ბიბისისთან“ ინტერვიუში განაცხადა.ნუსეიბეჰმა მოუწოდა ირანს, შეწყვიტოს შეტევები რეგიონის ქვეყნებზე და აღნიშნა, რომ ქვეყანა ეკონომიკურად სწრაფად აღდგება.ნუსეიბეჰმა განაცხადა, რომ ომის დაწყებიდან არაბთა გაერთიანებული საამიროების მიმართულებით 1800-ზე მეტი დრონი და რაკეტა იყო გაშვებული. მისივე თქმით, თავდასხმების მასშტაბი ქვეყნისთვის „შოკისმომგვრელი“ იყო. თავდასხმების შედეგად, დაზიანდა ცნობილი შენობები, მათ შორის სასტუმრო Fairmont The Palm-ი და სასტუმრო Burj Al Arab-ი. დრონები ჩამოვარდა დუბაის საერთაშორისო აეროპორტთან, რამაც გამოიწვია ათასობით ფრენის გაუქმება. თუმცა, ნუსეიბეჰმა არ უპასუხა კითხვას, აპირებდა თუ არა მისი ქვეყანა სამხედრო საპასუხო ზომების მიღებას ირანის წინააღმდეგ.„ამ ესკალაციის დაწყებამდე ჩვენ ნათლად ვიცოდით, რომ არაბთა გაერთიანებული საამიროები არ დაუშვებდნენ მისი ტერიტორიის ან საჰაერო სივრცის გამოყენებას ირანის წინააღმდეგ რამე თავდასხმისთვის“, – განაცხადა ნუსეიბეჰმა.კითხვაზე, იყო თუ არა საპასუხო დარტყმები გამორიცხული, ნუსეიბეჰმა უპასუხა: „ჩვენ ვიტოვებთ კოლექტიური თავდაცვის უფლებას საერთაშორისო სამართლის შესაბამისად“.ამასთან, არაბთა გაერთიანებული საამიროების სახელმწიფო მინისტრმა განაცხადა, რომ ირანი პასუხისმგებელია მიყენებულ ზარალზე – ქალაქების ინფრასტრუქტურაზე, სასტუმროებსა და პორტებზე, თუმცა აღნიშნა, რომ გაერთიანებული საამიროების ეკონომიკა, რომელიც წინა წელს 5.1 პროცენტით გაიზარდა, სწრაფად აღდგება.

აშშ ფაქტობრივად აღიარებს, რომ რუსული ნავთობის გარეშე გლობალური ენერგეტიკული ბაზარი სტაბილური ვერ დარჩება, – ამის შესახებ რუსეთის პრეზიდენტის სპეციალურმა წარმომადგენელმა, კირილ დმიტრიევმა განაცხადა.დმიტრიევის განცხადებით, აშშ-ის სახაზინო მდივანმა, სკოტ ბესენტმა გამოაცხადა არა მხოლოდ ინდოეთის მიერ რუსული ნავთობის შესყიდვაზე შეზღუდვების შემსუბუქების, არამედ ტრანზიტში მყოფი დაახლოებით 100 მილიონ ბარელ რუსულ ნავთობზე შეზღუდვების მოხსნის შესახებ.რუსეთის პრეზიდენტის სპეციალური წარმომადგენლის თქმით, მზარდი ენერგეტიკული კრიზისის ფონზე, ევროკავშირის ბიუროკრატიის ზოგიერთი წევრის წინააღმდეგობის მიუხედავად, რუსულ ენერგეტიკულ პროდუქტებზე შეზღუდვების შემდგომი შემსუბუქება სულ უფრო გარდაუვალი ჩანს.ცნობისთვის, აშშ-მა რუსული ნავთობის შეძენაზე სანქციები 11 აპრილამდე მოხსნა. როგორც სახაზინო მდივანმა,  სკოტ ბესენტმა განმარტა, აშშ-მა ქვეყნებს მისცა უფლება, შეიძინონ გემებზე უკვე დატვირთული სანქცირებული რუსული ნავთობი და ნავთობპროდუქტები.

ირანის ენერგეტიკულ ინფრასტრუქტურასა და პორტებს თუ თავს დაესხმებიან, რეგიონის ნავთობისა და გაზის ინფრასტრუქტურა განადგურდება, – ამის შესახებ „ირანის ისლამური რევოლუციის გუშაგთა კორპუსი“ აცხადებს.„ჩვენ ვაფრთხილებთ აგრესორ მთავრობას და მის ყველა მოკავშირეს, რომ ირანის ენერგეტიკულ ინფრასტრუქტურასა და პორტებზე პატარა თავდასხმასაც კი, მოჰყვება ჩვენი გამანადგურებელი და დამანგრეველი პასუხი. ასეთი აგრესიის შემთხვევაში, რეგიონის ყველა ნავთობისა და გაზის ინფრასტრუქტურა, რომელშიც შეერთებულ შტატებსა და მის დასავლელ მოკავშირეებს პირადი ინტერესი აქვთ, განადგურდება“, – ნათქვამია განცხადებაში.ამასთან, როგორც „სიენენი“ წერს, აშშ-ის ცენტრალური სარდლობის განცხადებაში ნათქვამია, რომ ირანთან ომის დაწყებიდან აშშ-მა ირანის 5 500-ზე მეტ სამიზნეს დაარტყა, მათ შორის 60-ზე მეტ გემს.