ვიქტორ ყიფიანი: ბანკმა არც მეტი და არც ნაკლები, გადაგვიყვანა ისეთ პროცედურულ ხლართებში, რომლებიც თავისი სირთულით, ვადიანობითა და კომპლექსურობით უტოლდება სინგაპურსა და ბერმუდაზე სასამართლო დავებს

პროფესიულ პროგრამებზე რეგისტრაციის წესი შეიცვალა — სიახლეზე გადაცემაში „ახალი დღე“ თბილისის სახელმწიფო უნივერსიტეტის მედიისა და ტელეხელოვნების კოლეჯის დირექტორის მოვალეობის შემსრულებელმა, ზურა ოშხნელმა და კოლეჯ „მოდუსის“ დირექტორმა, ნინო ქავთარაძემ ისაუბრეს.ზურა ოშხნელის განმარტებით, 2026 წლიდან კოლეჯებში, განსაკუთრებით სახელმწიფო დაწესებულებებში, მეოთხე და მეხუთე დონის პროფესიულ პროგრამებზე რეგისტრაცია და გამოცდები შეფასებისა და გამოცდების ეროვნული ცენტრის მეშვეობით ჩატარდება.მისივე თქმით, მეოთხე დონის პროგრამები ძირითადად ერთწლიანი კურსებია, რომლებიც სრულად ფინანსდება სახელმწიფოს მიერ, დიპლომით დასტურდება და სამხედრო სამსახურის გადავადების შესაძლებლობას იძლევა. მეხუთე დონის პროგრამები კი უმაღლესი პროფესიული პროგრამებია, უმეტესად ორწლიანი, ასევე სრულად დაფინანსებული და იგივე შეღავათებით.როგორც ოშხნელი აღნიშნავს, მეხუთე დონის ყველა პროგრამაზე გამოცდების ჩატარება მთლიანად ეროვნულმა ცენტრმა აიღო თავის თავზე, ხოლო მეოთხე დონის ნაწილზე — კოლეჯების გადაწყვეტილების მიხედვით. აპლიკანტებმა რეგისტრაცია 11 მაისის 18:00 საათამდე უნდა გაიარონ, თუმცა გამოცდის საფასური — 10 ლარი — 6 მაისის 18:00 საათამდე უნდა გადაიხადონ.პროფესიულ პროგრამებზე ჩარიცხვისთვის აბიტურიენტებს ერთ-ერთი განსაზღვრული საგნის არჩევა მოუწევთ. მაგალითად, „მულტიმედია რეპორტიორობის“ პროგრამაზე ჩასაბარებლად კანდიდატს შეუძლია აირჩიოს სამოქალაქო განათლება, გეოგრაფია, ლიტერატურა, მათემატიკა ან ისტორია — ამ საგნებიდან ერთის წარმატებით ჩაბარების შემთხვევაში ის პროგრამაზე ჩაირიცხება.ზურა ოშხნელი ასევე აღნიშნავს, რომ აბიტურიენტებს შეუძლიათ პარალელურად აირჩიონ როგორც საბაკალავრო, ისე პროფესიული პროგრამები, თუმცა აუცილებელია, რომ უნივერსიტეტისთვის არჩეული მესამე საგანი შეესაბამებოდეს პროფესიული პროგრამის მოთხოვნებს.ნინო ქავთარაძის განცხადებით, ახალი სისტემა აპლიკანტებისთვის დამატებით შესაძლებლობებს ქმნის. მისი თქმით, წელს პირველად გახდა შესაძლებელი ერთდროულად როგორც უნივერსიტეტში, ისე პროფესიულ სასწავლებელში ჩაბარება, რაც ახალგაზრდებს აძლევს შანსს, განათლების სისტემის მიღმა არ დარჩნენ და უკეთ დაგეგმონ საკუთარი კარიერა.მისივე თქმით, პროფესიულ პროგრამებზე ჩარიცხვისას გადამწყვეტი სწორედ არჩევითი საგნის ქულაა, ხოლო მინიმალური ბარიერი შედარებით დაბალია, რაც ჩარიცხვის შანსებს ზრდის. ქავთარაძე ასევე აღნიშნავს, რომ კოლეჯები მზად არიან აპლიკანტებს გაუწიონ კონსულტაცია და დაეხმარონ სწორი არჩევანის გაკეთებაში.რეგისტრაცია 11 მაისამდე გაგრძელდება, ხოლო დაინტერესებულ პირებს დეტალური ინფორმაციის მიღება შესაბამის გზამკვლევებსა და კოლეჯებში შეუძლიათ. 

პოლონეთში საქართველოს მოქალაქე მოკლეს.თელავის მკვიდრის, 37 წლის გიორგი ჭილაშვილის ცხედარს, პოლიციამ 25 აპრილს მიაგნო.ახლობლების ინფორმაციით, ახალგაზრდა კაცს სხეულზე დანით მიყენებული მრავლობითი ჭრილობები აღენიშნება.გიორგი ჭილაშვილი პოლონეთში პერიოდულად სამუშაოდ დადიოდა.მომხდარ ფაქტზე, პოლონელმა სამართალდამცველებმა გამოძიება დაიწყეს, გარდაცვლილი კი, ამ დროისათვის, ექსპერტიზაზეა გადასვენებული.გიორგი ჭილაშვილის საქართველოში გადმოსვენება მხოლოდ ექსპერტიზის პასუხის შემდეგ იქნება შესაძლებელი.

საქართველოს ეკონომიკური ზრდის მარტის თვის მაჩვენებლები ადასტურებს, რომ, გლობალურად ეკონომიკური ზრდის პერსპექტივების გაუარესების მიუხედავად, ჩვენს ქვეყანაში ეკონომიკური ზრდის მაჩვენებლები ძლიერდება, – ამის შესახებ საქართველოს ეკონომიკისა და მდგრადი განვითარების მინისტრის მოადგილემ, ვახტანგ ცინცაძემ დღეს გამოქვეყნებული ეკონომიკური ზრდის მაჩვენებლების შეფასებისას განაცხადა.მისი თქმით, მარტში ეკონომიკური ზრდის მაჩვენებელმა 10.7% შეადგინა, ხოლო პირველი კვარტლის საშუალო ეკონომიკური ზრდა 9.1%-ით განისაზღვრა.ამასთან, მარტის თვისა და პირველი კვარტლის ეკონომიკური ზრდის ტენდენციებზე საუბრისას მინისტრის მოადგილემ ხაზი გაუსვა, რომ ეკონომიკური ზრდა სექტორულად საკმაოდ დივერსიფიცირებულია – მასში მნიშვნელოვანი პოზიტიური წვლილი შეიტანა როგორც დამამუშავებელი მრეწველობის, ასევე ინფორმაციისა და კომუნიკაციების, მშენებლობის, ტრანსპორტისა და დასაწყობების და სხვა სერვისების მიმართულებით ეკონომიკური აქტივობის ზრდამ.ვახტანგ ცინცაძემ ისაუბრა მიმდინარე წლის პირველ კვარტალში საგარეო ვაჭრობის კუთხით დაფიქსირებულ დადებით ტენდენციებზე, რაც, მისი შეფასებით, ეკონომიკური ზრდის მნიშვნელოვანი მხარდამჭერი ფაქტორია.„იანვარ-მარტში ექსპორტის დაახლოებით 23%-იანი ზრდა გვქონდა, ხოლო ადგილობრივი ექსპორტი, რომელიც  ქვეყანაში წარმოებული პროდუქციის ექსპორტს მოიცავს, 75%-ზე მეტად გაიზარდა. პირველი კვარტალის ჭრილში ასევე რეკორდული მაჩვენებელები ფიქსირდება ქვეყანაში ტურიზმიდან მიღებული შემოსავლების კუთხით, რომლის მოცულობამ  829.8 მლნ აშშ  დოლარი შეადგინა“, – აღნიშნა ვახტანგ ცინცაძემ.ეკონომიკის მინისტრის მოადგილის შეფასებით, ზემოაღნიშნული მონაცემები ხელს უწყობს ქვეყანაში ბიზნესაქტივობის გაძლიერებას, რაც თავისთავად აისახება ეკონომიკური ზრდის მაჩვენებლებზე.ცინცაძის პროგნოზით, ქვეყნის ეკონომიკა მდგრადობას შემდგომი თვეების განმავლობაშიც შეინარჩუნებს.„ჩვენი მოლოდინია, რომ ეკონომიკური ზრდის აღნიშნული ტენდენციები მომავალ თვეებშიც შენარჩუნდება და საქართველოს ექნება უფრო მაღალი ეკონომიკური ზრდის მაჩვენებლები, ვიდრე ამას პროგნოზირებენ საერთაშორისო საფინანსო ინსტიტუტები თუ სხვა ორგანიზაციები“, – აღნიშნა ვახტანგ ცინცაძემ.

როდესაც შენ ხარ პოლიტიკაში და ემსახურები უცხო ქვეყანას, წარმოადგენ აგენტურას, რა თქმა უნდა, არანაირი პოლიტიკური შესაძლებლობები და შანსები არ გაქვს, – ასე უპასუხა თბილისის მერმა, კახა კალაძემ ჟურნალისტის კითხვას ოპოზიციური ალიანსის შანსებისა და რეგიონებში გამართული შეხვედრების შესახებ.მერის თქმით, ქართველი ხალხი ყველაფერს სწორად აფასებს და, შესაბამისად, ოპოზიციურ გაერთიანებას წარმატების არანაირი რესურსი არ გააჩნია.„მგონი, ყველა ვხედავთ, რომ ოპოზიციას არანაირი რესურსი არ გააჩნია. ყველანაირად განულებულები არიან, რასაც აქვს თავისი ახსნა: როდესაც ხარ პოლიტიკაში და ემსახურები უცხო ქვეყანას, წარმოადგენ აგენტურას, რა თქმა უნდა, არანაირი პოლიტიკური შესაძლებლობები და შანსები არ გაქვს. ქართველი ხალხი ძალიან კარგად ხედავს, აფასებს არსებულ სიტუაციას, აფასებს იმას, ვინ რითია დაკავებული, ვის რა დამოკიდებულება აქვს საქართველოსთან მიმართებით, ვის რა ინტერესი აქვს. შესაბამისად, ყველამ კარგად ვიცით, ეს ადამიანები საიდან იმართებიან, ვინ არიან მათი პატრონები, რა მითითებებს აძლევენ. მათ პოლიტიკურად არანაირი რესურსი და შანსი არ გააჩნიათ, რომ რამე წარმატებას მიაღწიონ. დიდად არ ვინტერესდები მათი აქტივობებით, თუმცა იმ ადამიანებს, რომლებიც შემჩნეულები არიან ქვეყნისთვის მტრულ საქმიანობაში, წარმოადგენენ აგენტურას, დაკავებულები არიან მოღალატეობრივი ქმედებებით, არანაირი შანსი არ აქვთ. სადაც უნდა, იქ იარონ“, – განაცხადა კახა კალაძემ.ამასთან, რაც შეეხება კითხვას ალიანსში არსებულ დაპირისპირებასთან დაკავშირებით, მერი პასუხობს, რომ ბოლო წლებში არაერთი ოპოზიციური გაერთიანება ვნახეთ, რომლებიც მალევე იშლება.„არსებითი მნიშვნელობა არ აქვს, ისინი ერთ პლატფორმაზე იქნებაინ თუ დაიშლებიან. ბევრჯერ გვინახავს ბოლო წლების განმავლობაში სხვადასხვა გაერთიანება, რომელიც მალევე იშლებოდა. ზოგადად, თუ შევხედავთ ამ ადამიანებს, ვინ არიან, რას წარმოადგენენ, რა წარსული აქვთ, რით ცხოვრობენ დღევანდელ დღეს, ყველამ ყველაფერი ვიცით: საიდან იმართებიან, რა არის მათი მთავარი მოტივაცია და მიზნები – ქვეყნისა და ქართველი ხალხის საკეთილდღეოდ არაფერი. მათ აქვთ თავიანთ ამოცანა, ჰყავთ თავიანთი პატრონები, იმ პატრონებს კი საქართველოსთან მიმართებით აქვთ თავიანთი კონკრეტული ინტერესი. აგერ, რამდენიმე ხნის წინ პირდაპირ მოწოდებები იყო ომში ჩართვასთან დაკავშირებით, პირდაპირ რეზოლუციები მიიღეს სანქციებთან მიერთებასთან დაკავშირებით. ჩვენ ხომ ყველამ ვიცით, ეს რას მოუტანდა საქართველოს და ჩვენი ქვეყნის ხვალინდელ დღეს. ქვეყანას რომ ჰყოლოდა ისეთი ხელისუფლება, რომელიც გარედან მართული იქნებოდა, ყველაფერს გააკეთებინებდნენ და ეს იქნებოდა დამღუპველი ჩვენი ქვეყნისთვის. ამიტომ ხალხი ძალიან კარგად ხედავს, ვინ ვინ არის. ამ ადამიანებს არანაირი რესურსი და შანსი არ აქვთ. თავიანთ ერთობას ვერ აკონტროლებენ. გუშინ შეიკრიბნენ, გაერთიანდნენ, ერთმანეთს ვერ ენდობიან, გარედან უთხრეს, რომ ასე უნდა გააკეთოთ და ხედავთ, როგორ მთავრდება ეს ყველაფერი“, – განაცხადა კახა კალაძემ.

დონალდ ტრამპი აცხადებს, რომ ნებისმიერმა პირმა, რომელიც აშშ-ის პრეზიდენტობის ან ვიცე-პრეზიდენტობისთვის აპირებს ბრძოლას, აუცილებლად უნდა ჩააბაროს კოგნიტური უნარების გამოცდა.მისივე თქმით, მსგავსი გამოცდა რომ ჰქონოდათ ბარაკ ობამას და ჯო ბაიდენის, ისინი მას ვერ ჩააბარებდნენ.ტრამპის თქმით, კოგნიტური უნარების გამოცდა თავად სამჯერ ჩააბარა.„პრეზიდენტობის ან ვიცე-პრეზიდენტობის ყველა კანდიდატი ვალდებული უნდა იყოს, რბოლაში ჩართვამდე კოგნიტური უნარების გამოცდა ჩააბაროს! ამით ჩვენ არ გაგვიკვირდება, თუ ბარაკ ჰუსეინ ობამას ან მძინარა ჯო ბაიდენის მსგავსი ადამიანები „აირჩევიან“. ჩვენი ქვეყანა გაცილებით უკეთესი ადგილი იქნებოდა! პრეზიდენტობის ჩემი („სამი!“) ვადის განმავლობაში გამოცდა სამჯერ ჩავაბარე და სამივეჯერ წარმატებით – მიღწევა, რომელიც ექიმების თქმით, ერთ გამოცდაზეც კი იშვიათად თუ განხორციელებულა!”,- წერს დონალდ ტრამპი.