ეკატერინე ტიკარაძე: აღდგომის დღესასწაულის აღნიშვნა წელსაც მოკრძალებულად მოგვიწევს

ჩვენთვის ძალიან მნიშვნელოვანია, რომ თანხმობა შედგეს იმ ადამიანებთან, რომლებიც წელიწადზე მეტია, უწყვეტად იდგნენ და მონაწილეობას იღებდნენ პროტესტში, – ამის შესახებ „ოპოზიციური ალიანსის“ ერთ-ერთმა ლიდერმა, გიორგი ვაშაძემ სამოქალაქო საზოგადოებასთან შეხვედრამდე განაცხადა.მისივე თქმით, ქვეყანაში მოქმედ ბოროტების მანქანა სიკეთის ძალით უნდა დამარცხდეს.„ამ ხალხთან ბევრი საერთო გვაქვს, ვიცავთ ჩვენ ქვეყანას, გვინდა, რომ დასრულდეს ამ ქვეყანაში უსამართლობა და აღდგეს სამართლიანობა. გვსურს, ხელი გავუწოდოთ აბსოლუტურად ყველა ადამიანს და იმ ბოროტების მანქანას, რომელიც დღეს ქვეყანაში მოქმედებს, ერთიანი ძალებით დავუპირისპირდეთ. დავუპირისპირდეთ არა ბოროტებით, არამედ სიკეთით, რადგან ბოროტებას მხოლოდ სიკეთე ამარცხებს და ეს არის ჩვენი შინაგანი განწყობა. დღეს, რა თქმა უნდა, პირველი ნაბიჯია ამ ტიპის შეხვედრის, მოვისმენთ მოსაზრებებს, მოვისმენთ მათ პოზიციებს. ჩვენთვის ძალიან მნიშვნელოვანია, რომ, პირველ რიგში, თანხმობა შედგეს იმ ადამიანებთან, ვინც დღეს ამ შეხვედრაზე არიან; იმ ადამიანებთან, ვინც წელიწადზე მეტია, უწყვეტად იდგნენ და მონაწილეობას იღებდნენ იმ პროტესტში, რომლის საბოლოო მიზანიც არის ერთიანი, ძლიერი, ევროკავშირის წევრი საქართველო“, – განაცხადა ვაშაძემ.

რადიკალური ოპოზიციის განცხადებებსა და პოლიტიკურ შეფასებებზე ისაუბრა საპარლამენტო პოლიტიკური ჯგუფის "ხალხის ძალის" თავმჯდომარემ დიმიტრი ხუნდაძემ და განაცხადა, რომ მსგავსი ბრალდებები ქვეყნის წინააღმდეგ მიმართულ ქმედებებს წარმოადგენს. „ეს არის მუდმივად უბედურების მაძიებელი რადიკალური ოპოზიციის დამოკიდებულება - ამ უბედურებაზე საკუთარი პოლიტიკური სარგებელი ნახონ,“ — აღნიშნა დეპუტატმა და განმარტა, რომ ოპოზიციის ნაწილი ცდილობს სხვადასხვა ბრალდებების გავრცელებას, რათა ქვეყნის საერთაშორისო იმიჯს ზიანი მიაყენოს.„ეს არის მუდმივად უბედურების მაძიებელი რადიკალური ოპოზიციის დამოკიდებულება — ამ უბედურებაზე საკუთარი პოლიტიკური სარგებელი ნახონ. ამისთვის მზად არიან ქვეყანა ომისთვისაც კი გასწირონ. გიორგი კანდელაკი იმ გუნდის წარმომადგენელია, რომელიც ღიად აჟღერებდა, რომ ომი სურდა. დიახ, მათ ომი სურთ და სწორედ ამიტომ ხაზავენ სხვადასხვა „სამიზნეებს“ — თითქოს საქართველოში ტერორისტული სკოლები ფუნქციონირებს, თითქოს ბაქო–ჯეიჰანის მილსადენი სარგებლიანი იქნება თუ დაიბომბება და თითქოს ქვეყანაში ირანიზაციის პროცესი მიმდინარეობს. როდესაც რუსეთუმეობის თემამ ქვეყანაში ვერ იმუშავა, ახლა ირანიზაციაზე გადაერთვნენ. ამის არავითარი მტკიცებულება არ არსებობს და ეს არის პირდაპირი მტრობა საკუთარი ქვეყნის წინააღმდეგ,"—განაცხადა დიმიტრი ხუნდაძემ.

დღევანდელი შეხვედრის მთავარი მიზანიც ესაა, პოლიტიკური პარტიებისა და სამოქალაქო სექტორის ერთმანეთთან ინტეგრირება, – ამის შესახებ „ოპოზიციის ალიანსის“ წევრმა, ანა წითლიძემ სამოქალაქო საზოგადოებასთან შეხვედრამდე განაცხადა.მისივე თქმით, ოპოზიციის ერთიანობა საზოგადოების დაკვეთაა.„ოპოზიციური ერთობა არ არის ფუფუნება, ეს არის აუცილებლობა და საზოგადოების დაკვეთა. ყველა პოლიტიკური პარტია, რომელიც აქ ვართ გაერთიანებულები, სწორედ ამ პასუხისმგებლობით ვუყურებთ ამ ერთობას, რომ, მათ შორის, პოლიტიკური პატიმრების, საზოგადოების, საქართველოს მოქალაქეების მთავარი მოთხოვნა თითოეული პოლიტიკური პარტიისადმი არის გაერთიანება. განსხვავებებისა და პრეტენზიების მიუხედავად, მიზანი ყველასი ერთია – რუსული რეჟიმის დამარცხება. ამ მხრივ ეს არის პოზიტიური ნაბიჯი, როგორ გააგრძელებს ალიანსი მუშაობას და რამდენად მიაღწევს შედეგს, ეს დამოკიდებულია პროცესზე. ამ შეხვედრის მთავარი მიზანიც ესაა, რომ გამოწვევებზე ვისაუბროთ. ეს მხოლოდ პოლიტიკური პარტიების ბრძოლა არ არის, ეს არის ყველას ბრძოლა, რადგან ერთ მხარეს არის რუსული საოკუპაციო რეჟიმი და მეორე მხარეს არის ყველა ის ადამიანი, ვისაც ამ ქვეყნის თავისუფლება უნდა. ამიტომ ეს დამოკიდებული იქნება თითოეული ჩვენგანის მუშაობაზე, ბრძოლაზე. შეხვედრის მთავარი მიზანიც ესაა, პოლიტიკური პარტიებისა და სამოქალაქო სექტორის ერთმანეთთან ინტეგრირება“, – განაცხადა წითლიძემ.

პოლონეთის პრემიერ-მინისტრი დონალდ ტუსკი სოციალურ ქსელში ახლო აღმოსავლეთში მიმდინარე მოვლენებს ეხმაურება.როგორც ტუსკი აღნიშნავს, რეგიონში ომი გრძელდება და ქაოსი ვრცელდება.„ახლო აღმოსავლეთში ომი გრძელდება და ქაოსი ვრცელდება. ნავთობის ფასები იზრდება. ვაშინგტონმა, შესაძლოა, რუსული ნავთობის წინააღმდეგ სანქციები მოხსნას. ვინ არის აქ ნამდვილი გამარჯვებული?“- წერს ტუსკი.ცნობისთვის, მანამდე აშშ-ის სახაზინო მდივანმა, სკოტ ბესენტმა განაცხადა, რომ ვაშინგტონი რუსულ ნავთობზე დაწესებული სანქციების მოხსნას განიხილავს. აშშ-ის სახაზინო მდივნის განმარტებით, უამრავი ტანკერია სანქციების გამო გაჩერებული და ეს სანქციები თუ მოიხსნება, ნავთობი ბაზარზე გამოვა და გლობალური მიწოდება გაიზრდება. 

თურქეთი კვიპროსში F-16-ის ტიპის ავიაგამანადგურებლების განლაგების საკითხს განიხილავს, – ამის შესახებ „როიტერი“ თურქეთის თავდაცვის სამინისტროს წარმომადგენელზე დაყრდნობით წერს.საკითხთან დაკავშირებული წყაროს ცნობით, F-16-ის ტიპის ავიაგამანადგურებლების განლაგება ერთ-ერთი ღონისძიებაა, რომელიც კვიპროსის უსაფრთხოების უზრუნველყოფის მიზნით განიხილება.მანამდე იტალიამ, ესპანეთმა, საფრანგეთმა და ნიდერლანდებმა განაცხადეს, რომ კვიპროსს თავდაცვისთვის სამხედრო-საზღვაო ძალებს გაუგზავნიან. 2 მარტს კვიპროსზე მდებარე ბრიტანეთის ავიაბაზაზე თავდასხმა ირანული დრონით განხორციელდა.