„დიდი შვიდეულის“ იუსტიციის მინისტრებმა ვლადიმირ პუტინის მიერ ზამთრის ომის იარაღად გამოყენება დაგმეს

აშშ-ის პრეზიდენტმა, დონალდ ტრამპმა და უკრაინის პრეზიდენტმა ვოლოდიმირ ზელენსკიმ სატელეფონო საუბარი გამართეს. ამის შესახებ ზელენსკი სოციალურ ქსელში წერს.„ახლახან ვესაუბრე აშშ-ის პრეზიდენტს, დონალდ ტრამპს. ასევე, სატელეფონო საუბარში მონაწილეობდნენ პრეზიდენტ ტრამპის წარმომადგენლები, სტივ უიტკოფი და ჯარედ კუშნერი. ჩვენი გუნდები ახლა აქტიურად მუშაობენ და მადლობა გადავუხადე ყველა ძალისხმევისთვის და მოლაპარაკებებში აქტიური ჩართულობისთვის. ჩვენ ასევე დიდად ვაფასებთ PURL ინიციატივას. ეს ზამთარი ყველაზე რთული იყო უკრაინისთვის, მაგრამ აშშ-სგან შეძენილი საჰაერო თავდაცვის სისტემების რაკეტები გვეხმარება ყველა ამ გამოწვევის გადალახვაში და სიცოცხლის დაცვაში“,- წერს ზელენსკი.უკრაინის პრეზიდენტმა აღნიშნა, რომ სატელეფონო საუბრისას განიხილეს საკითხები, რომლებსაც ორივე ქვეყნის წარმომადგენლები ხუთშაბათს, ჟენევაში განიხილავენ.ამასთან, ზელენსკის თქმით, უკრაინას, აშშ-სა და რუსეთს შორის შემდეგი სამმხრივი შეხვედრა მარტის დასაწყისშია დაგეგმილი.„ჩვენ განვიხილეთ საკითხები, რომლებზეც ჩვენი წარმომადგენლები ხვალ, ჟენევაში იმუშავებენ ორმხრივ შეხვედრაზე, ასევე განვიხილეთ სამმხრივი მოლაპარაკებებისთვის მზადება, რომელიც მარტის დასაწყისში გაიმართება. ვიმედოვნებთ, რომ ეს შესაძლებლობას მოგვცემს, გადავიდეთ მოლაპარაკებებზე ლიდერების დონეზე. პრეზიდენტი ტრამპი მხარს უჭერს ნაბიჯების ამ თანმიმდევრობას. ეს არის ერთადერთი გზა ყველა რთული და მგრძნობიარე საკითხის გადასაჭრელად და საბოლოოდ ომის დასასრულებლად“,- წერს ზელენსკი.   

სამწუხაროდ, მდგომარეობა კვლავ უარესდება და ეს სწრაფად ხდება. რა თქმა უნდა, ჩემმა ჩანაწერებში იგივე ციტატა შევიტანე კომისიიდან, რადგან მათზე უკეთ ვერ ვიტყვი საქართველოს მდგომარეობაზე, 2025 წლის მოხსენება ისტორიაში კანდიდატი ქვეყნისთვის ოდესმე მომზადებულ ყველაზე ცუდ მოხსენებად არის დახასიათებული, – ამის შესახებ ევროპარლამენტარმა, რასა იუკნევიჩიენემ განაცხადა.როგორც ევროპარლამენტის საგარეო საქმეთა კომიტეტის სხდომაზე ევროპარლამენტარმა განაცხადა, ევროპული საბჭოს 2024 წლის 19 დეკემბრის დასკვნების შესაბამისად, მოხსენება ნათლად ადასტურებს, რომ საქართველო ახლა კანდიდატი ქვეყანაა მხოლოდ სახელდებით.„ჩემს მოხსენების პროექტში განზრახ გავამახვილეთ ყურადღება ახალ მოვლენებზე და თავი შევიკავეთ წინა მოხსენებებში უკვე ნათქვამის გამეორებისგან. ღრმა იმედგაცრუებით აღვნიშნავთ, რომ „ქართულმა ოცნებამ“ არა მხოლოდ შეაჩერა, არამედ ფაქტობრივად შეცვალა საქართველოს ევროპული გეზი. რეგრესი დაფიქსირდა ყველა იმ ცხრა პრიორიტეტზე, რომლებიც კანდიდატის სტატუსის მინიჭების პირობებს წარმოადგენდა. მაშინ, როდესაც მთავრობის უმაღლესი წარმომადგენლები აცხადებენ, რომ საქართველოს ევროინტეგრაცია სტრატეგიულ მიზნად რჩება, მთავრობასთან დაკავშირებული მედია სისტემატურ ანტიევროპულ კამპანიას აწარმოებს, რომელიც დეზინფორმაციასა და შეთქმულების თეორიებზეა დაფუძნებული. მოხსენებაში ხაზგასმულია იმ პირთა მიმართ მიზნობრივი სანქციების მნიშვნელობა, რომლებიც პასუხისმგებელნი არიან დემოკრატიულ უკუსვლაზე, საარჩევნო თაღლითობაზე, ადამიანის უფლებების დარღვევასა და პოლიტიკური ოპონენტების დევნაზე. არ მაკვირვებს, რომ ვიქტორ ორბანმა ამ პრორუსულ მთავრობას მხარი დაუჭირა, თუმცა ძალიან ვნანობ, რომ ევროკავშირის დიდმა წევრმა სახელმწიფოებმა სანქციები დროულად ვერ მიიღეს. ეს სერიოზული შეცდომა იყო“, – განაცხადა იუკნევიჩიენემ.მისივე თქმით, ევროკავშირმა ვერ იმოქმედა, როდესაც ეს მნიშვნელოვანი იყო.„მოხსენებაში არის გაფრთხილება, რომ განგრძობადმა რეპრესიებმა, ოპოზიციური პარტიების აკრძალვის მცდელობებმა და სამოქალაქო საზოგადოების შეზღუდვებმა საბოლოოდ შეიძლება გამოიწვიოს უვიზო მიმოსვლის შეჩერება, რისთვისაც სრული პასუხისმგებლობა მმართველ ხელისუფლებას დაეკისრება. ბოლოს, მინდა, მადლობა გადავუხადო კომისარ მარტა კოსს კარგი თანამშრომლობისთვის და საქართველოსა და გაფართოებასთან დაკავშირებით მისი პრინციპული პოზიციისთვის. ასევე, მადლობა ევროპარლამენტს, რომ მტკიცედ დგას ქართველი ხალხის გვერდით და საქართველო მის პოლიტიკურ დღის წესრიგში მოწინავე ადგილს ინარჩუნებს. გავიხსენოთ სახაროვის პრემიის კანდიდატი და შევახსენოთ ყველას, მისი ლაურეატი მზია ამაღლობელი კვლავ პატიმრობაშია. ჩვენ არ შევწყვეტთ მისი და სხვების თავისუფლებისთვის ბრძოლას“, – განაცხადა იუკნევიჩიენემ ევროპარლამენტის საგარეო ურთიერთობათა კომიტეტში გამოსვლისას, სადაც ის საქართველოში არსებული მდგომარეობის შესახებ ანგარიშის მომხენებელია.

დიდი ბრიტანეთის მიერ თავისუფალ მედიაზე თავდასხმას, პარლამენტის თავმჯდომარის მოადგილე, თეა წულუკიანი სოციალურ ქსელში ეხმიანება და აღნიშნავს, რომ შედეგი "იმედისა" და "პოს ტვ"-ის რეიტინგის კიდევ უფრო მეტი ზრდა იქნება.წულუკიანის განცხადებით, იმას, თუ რატომ დადგა ყველა ხუმრობის ხასიათზე, ვერ გაიგებენ ისინი, ვინც მიტაცებული "ერორით" ინარჩუნებდნენ ხელისუფლებას და გაცილებით მცირე რესურსის მქონე "მაესტროს" მაყურებელმა დაამარცხა."იმპოტენტური თავდასხმა გამოხატვის თავისუფლებაზე ბრიტანული დემოკრატიის სახელით. შედეგი ორი არხის რეიტინგის ზრდა და კიდევ მეტი პოპულარობა იქნება. იმას, თუ რატომ დავდექით ყველა ხუმრობის ხასიათზე, ვერ გაიგებენ ისინი, ვინც მიტაცებული ერორით ინარჩუნებდნენ ხელისუფლებას და დამარცხებულ იქნენ მიკრომედია მაესტროს მაყურებლის მიერ," - წერს თეა წულუკიანი.

მენშევიკებმა მიატოვეს არმია, როგორც ამათმა 2008 წელს მიატოვეს ჯარი და ხალხი გორში და წითელ ხიდზე გაიქცნენ ისე მენშევიკები გაიქცნენ ღალატით - ამის შესახებ „ქართული დასის“ ლიდერმა, ჯონდი ბაღათურიამ გადაცემა „ვახო ხუზმიაშილის თავისუფალ სივრცეში“ განაცხადა.„მე მინდა გავიხსენო ოკუპაცია, ეს არ იყო რუსული ოკუპაცია, ეს იყო ლიბერალების კომუნისტური პარტიის ოკუპაცია, ლიბერალებმა მოახდინეს სახელმწიფო გადატრიალება უცხო ქვეყნის დაფინანსებით და მხარდაჭერით რუსეთში, შემდგომში კომუნისტური პარტიის ყრილობაზე მოხდა განხეთქილება და გაიყო ორ ნაწილად, ერთი რომლებიც მეტნი აღმოჩნდნენ იმათ დაერქვათ ბოლშევიკები, ხოლო ვინც ნაკლები იმათ მენშევიკები, მენშევიკები მოვიდნენ საქართველოს ხელისუფლებაში, ბოლშევიკები მოვიდნენ რუსეთის ხელისუფლებაში, შემდეგ რუსმა ბოლშევიკებმა ქართველი ბოლშევიკების დახმარებით აქ მოახდინეს სამხედრო გადატრიალება, მენშევიკებმა მიატოვეს არმია, როგორც ამათმა 2008 წელს მიატოვეს ჯარი და ხალხი გორში და წითელ ხიდზე გაიქცნენ ისე მენშევიკები გაიქცნენ ღალატით...“, - განაცხადა ჯონდი ბაღათურიამ.

უნგრეთის პრემიერ-მინისტრი ვიქტორ ორბანი აცხადებს, რომ უკრაინული საფრთხეებისგან ენერგეტიკული ობიექტების დასაცავად სამხედროებს გააგზავნის. უნგრული მედიის ცნობით, ამის შესახებ ორბანმა თავდაცვის საბჭოს სხდომის დასრულების შემდეგ განაცხადა.უნგრეთის პრემიერ-მინისტრი აცხადებს, რომ უკრაინა ახალ ქმედებებს გეგმავს, რითიც უნგრეთის ენერგოსისტემას ახალ ზიანს მიაყენებს და ის საპასუხო ზომებს მიიღებს.„მე გავცემ განკარგულებას ენერგეტიკული ინფრასტრუქტურის დასაცავად. ჩვენს ენერგეტიკულ ობიექტებთან სამხედროებს და საჭირო საშუალებებს განვალაგებთ, რათა თავდასხმების პრევენცია მოხდეს. პოლიცია იმორიგევებს კონკრეტულ ელექტროსადგურებთან, გამანაწილებელ სადგურებთან და სადისპეტჩერო ცენტრებთან“, – განაცხადა ორბანმა.უნგრეთის პრემიერ-მინისტრმა ასევე თქვა, რომ უკრაინის მოსაზღვრე რეგიონებში დრონების გამოყენება აიკრძალება.მანამდე უნგრეთის საგარეო საქმეთა მინისტრმა განაცხადა, რომ ნავთობსადენი „დრუჟბა“, რომლითაც უნგრეთს რუსული ნავთობი მიეწოდება, რუსეთის თავდასხმის შედეგად არ დაზიანებულა და უკრაინამ პოლიტიკური მოტივებით შეაჩერა რუსული ნავთობის მიწოდება უნგრეთში, რათა მხარი დაუჭიროს უნგრეთში დაგეგმილ არჩევნებში ოპოზიციას. მისივე თქმით, ამის გამო ბუდაპეშტი გააგრძელებს რუსეთის წინააღმდეგ ევროკავშირის მიერ შემუშავებული სანქციების მეოცე პაკეტისა და კიევისთვის გამოყოფილი 90 მილიარდი ევროს სესხის ბლოკირებას.