დავით სონღულაშვილი: ევროპარლამენტარებისგან ბევრი პოზიტუური განცხადება მოვისმინეთ იმ ევროპული გზის მიმართ, რომელიც არჩეული აქვს ჩვენს ქვეყანას

მე მინდა, მადლობა გადავუხადო ჩვენს ეკლესიას, ჩვენს დედა ეკლესიას, რომელიც დგას ჩვენი ეროვნული ინტერესების სადარაჯოზე, - ამის შესახებ საქართველოს პრემიერ-მინისტრმა ირაკლი კობახიძემ პარლამენტში ყოველწლიური მოხსენებით გამოსვლისას განაცხადა.მთავრობის მეთაურმა მადლობა გადაუხადა წუმინდესსა და უნეტარეს შიო მესამეს, ასევე საპატრიარქოს თითოეულ წარმომადგენელს.„დღეს არ შეიძლება, კიდევ ერთხელ განსაკუთრებული მადლიერება არ გამოვხატოთ უწმინდესისა და უნეტარესი პატრიარქის ილია მეორის მიმართ.ის, რომ დღეს ჩვენი ერი, ჩვენი ხალხი არის მტკიცე, ასეთი მტკიცე საკუთარი ეროვნული იდენტობის, ეროვნული ინტერესების დაცვაში, არის იმ ნახევარსაუკუნოვანი მოღვაწეობის დამსახურება, რომელიც ჩვენს ქვეყანას აჩუქა უწმინდესმა და უნეტარესმა ილია მეორემ და მინდა კიდევ ერთხელ მადლიერება გამოვხატო მის მიმართ. მე მინდა მადლიერება გამოვხატო უწმინდესისა და უნეტარესი შიო მესამის მიმართ, რომელიც აგრძელებს ამ ძალიან მნიშვნელოვან საქმეს. დღეს, ამ ურთულესი გლობალური და ეროვნული გამოწვევების ფონზე, როგორც არასდროს მნიშვნელოვანია სახელმწიფოსა და ეკლესიის ერთად დგომა. და რა თქმა უნდა, მე მინდა თქვენ გადაგიხადოთ მადლობა, საპატრიარქოს თითოეულ წარმომადგენელს, თქვენ უწმინდესო და უნეტარესო, უდიდესი თანადგომისთვის ქართული სახელმწიფოს მიმართ. უღრმესი მადლობა თქვენ“, - განაცხადა ირაკლი კობახიძემ.

ერთადერთი, რაც შეიძლება, ჩვენ გამოვხატოთ ქართული ჯარის მიმართ, ეს არის მადლიერება და ერთდაერთი რა გრძნობაც შეიძლება, დაგეუფლოს, როდესაც საუბარია ქართულ ჯარზე და ქართულ ჯარისკაცეზე, სიამაყის განცდაა, – ამის შესახებ საქართველოს პრემიერ-მინისტრმა, ირაკლი კობახიძემ პარლამენტში ყოველწლიური მოხსენებით გამოსვლისას განაცხადა.როგორც მთავრობის მეთაურმა აღნიშნა, იყო არაერთი შემთხვევა, როდესაც პოლიტიკოსების უღირსობა გამოასწორა სწორედ ქართული ჯარის თავდადებამ.„საუბარი იყო ქართულ ჯარზე, არ ვიცი კონკრეტულად ვისი ციტატა იყო მოყვანილი. ჩვენ ძალიან დიდი პატივს ვცემთ ქართულ ჯარს და ჩვენი პატივისცემა ქართული ჯარის მიმართ არის განსაკუთრებულზე განსაკუთრებული. იყო არაერთი შემთხვევა, როდესაც პოლიტიკოსების უღირსობა გამოასწორა სწორედ ქართული ჯარის თავდადებამ. ასეთი არაერთი შემთხვევა იყო და ჩვენ მხოლოდ და მხოლოდ მადლიერება შეიძლება, გამოვხატოთ ქართული ჯარის მიმართ. ერთადერთი, რაც შეიძლება, ჩვენ გამოვხატოთ ქართული ჯარის მიმართ, ეს არის მადლიერება და ერთადაერთი რა გრძნობაც შეიძლება, დაგეუფლოს, როდესაც საუბარია ქართულ ჯარზე და ქართულ ჯარისკაცზე, ეს არის სიამაყის განცდა“, – განაცხადა ირაკლი კობახიძემ.

უკრაინამ და რუსეთმა ტყვეები 160/160-ზე ფორმულით გაცვალეს, – ამის შესახებ სოციალურ ქსელში უკრაინის პრეზიდენტი ვოლოდიმირ ზელენსკი წერს.მისი თქმით, გათავისუფლებული პირები, რომელთა შორისაც სამხედროები, ეროვნული გვარდიის წევრები, კონტრაქტორები და ტრანსპორტის სამსახურის წარმომადგენლები არიან, 2022 წლიდან იმყოფებოდნენ ტყვეობაში.ვოლოდიმირ ზელენსკის თქმით, ისინი იცავდნენ მარიუპოლსა და „აზოვსტალს“, დონეცკს, ლუგანსკს, ზაპოროჟიეს, კიევს, ჩერნიგოვსა და სუმის მიმართულებით უკრაინის ტერიტორიებს.როგორც „ბიბისი“ იტყობინება, რუსეთისთვის გადაცემულ ტყვეთა შორის 93% კონტრაქტორია და 64%-ს ან ნასამართლეობა ჰქონდა, ან გამოძიების ობიექტია. 160 გათავისუფლებულიდან უმეტესობას ტყვეობაში ექვს თვეზე ნაკლები დრო ჰქონდა გატარებული.

საქართველოს ტექნიკური უნივერსიტეტის საგამოცდო ცენტრში, ინფორმატიკისა და მართვის სისტემების ფაკულტეტის ორგანიზებით, მათემატიკაში იმიტირებული ეროვნული გამოცდა ჩატარდა, რომელშიც მონაწილეობა 220-მა აბიტურიენტმა მიიღო.ინფორმაციას საქართველოს ტექნიკური უნივერსიტეტი ავრცელებს.სტუ-ის ცნობით, იმიტირებული გამოცდის მიზანი აბიტურიენტებისთვის ერთიანი ეროვნული გამოცდების რეალურ გარემოსთან მაქსიმალურად მიახლოებული პირობების შეთავაზება და მათთვის თავიანთი ცოდნისა და უნარების შეფასების შესაძლებლობის მიცემაა.სტუ-ის ინფორმატიკისა და მართვის სისტემების ფაკულტეტის დეკანის თქმით, მონაწილეებს მათემატიკის იმიტირებული ტესტები შესთავაზეს, რომლებიც შეფასებისა და გამოცდების ეროვნული ცენტრის მიერ ოფიციალურად გამოქვეყნებული საგამოცდო ტესტების ნიმუშების მიხედვით მომზადდა. როგორც პროფესორი თალიკო ჟვანია აცხადებს, იმიტირებული გამოცდა სრულად შეესაბამებოდა ეროვნული გამოცდების ფორმატს და პროცედურებს, რაც აბიტურიენტებს დაეხმარა როგორც საგამოცდო გარემოსთან ადაპტაციაში, ისე დროის მართვისა და ტესტზე მუშაობის პრაქტიკული გამოცდილების მიღებაში.„მოხარული ვართ, რომ მათემატიკის იმიტირებულ ეროვნულ გამოცდაში 220 აბიტურიენტი ჩაერთო. მსგავსი ფორმატის გამოცდებს უკვე მესამე წელია ვატარებთ. იმიტირებული გამოცდები ახალგაზრდებს შესაძლებლობას აძლევს, ერთიანი ეროვნული გამოცდების წინ საკუთარი ცოდნა რეალურ საგამოცდო გარემოში შეამოწმონ, უკეთ შეაფასონ საკუთარი მზადყოფნა და მიიღონ მნიშვნელოვანი პრაქტიკული გამოცდილება.ჩვენთვის მნიშვნელოვანია, აბიტურიენტებს შევუქმნათ ისეთი პირობები, რომლებიც მაქსიმალურად იქნება მიახლოებული ეროვნული გამოცდების რეალურ გარემოსთან. სწორედ ამიტომ, ტესტები შეფასებისა და გამოცდების ეროვნული ცენტრის მიერ ოფიციალურად გამოქვეყნებული ნიმუშების საფუძველზე მომზადდა, ხოლო გამოცდა სპეციალურად ორგანიზებულ საუნივერსიტეტო საგამოცდო სივრცეში ჩატარდა.მათემატიკა ერთ-ერთი ფუნდამენტური დისციპლინაა როგორც საინჟინრო, ისე ტექნოლოგიური მიმართულებებისთვის. გვინდა მომავალ სტუდენტებს დავეხმაროთ არა მხოლოდ გამოცდებისთვის მზადებაში, არამედ იმ უნარების განვითარებაში, რომლებიც მათ შემდგომ პროფესიულ საქმიანობაშიც გამოადგებათ.მადლობას ვუხდი საუნივერსიტეტო საგამოცდო ცენტრს, ფაკულტეტის თანამშრომლებსა და ყველა მონაწილეს აქტიური ჩართულობისთვის. განსაკუთრებული მადლობა საქართველოს ტექნიკური უნივერსიტეტის ნიკო მუსხელიშვილის სახელობის გამოთვლითი მათემატიკის კვლევით ინსტიტუტს, სადაც იმიტირებული საგამოცდო ტესტები შეადგინეს და დაამუშავეს. დარწმუნებული ვართ, მიღებული გამოცდილება აბიტურიენტებს ეროვნული გამოცდების წარმატებით ჩაბარებაში დაეხმარება“, - აცხადებს თალიკო ჟვანია.სტუ-ის ნიკო მუსხელიშვილის სახელობის გამოთვლითი მათემატიკის ინსტიტუტის ხელმძღვანელის თქმით, იმიტირებული გამოცდები ახალგაზრდებს შესაძლებლობას აძლევს ობიექტურად შეაფასონ ძლიერი და სუსტი მხარეები, განსაზღვრონ დამატებითი მუშაობის საჭირო მიმართულებები და ეროვნული გამოცდების ეტაპს უფრო მომზადებული შეხვდნენ. როგორც პროფესორი ვახტანგ კვარაცხელია აცხადებს, კვლევითი ინსტიტუტისთვის განსაკუთრებით მნიშვნელოვანია ახალგაზრდების მათემატიკით დაინტერესება, რადგან სწორედ მათზეა დამოკიდებული ქვეყნის სამეცნიერო, ტექნოლოგიური და ინოვაციური განვითარების მომავალი.„მათემატიკის იმიტირებული ეროვნული გამოცდების ჩატარება მნიშვნელოვანი საგანმანათლებლო ინიციატივაა, რომელიც მნიშვნელოვნად უწყობს ხელს როგორც თვითშეფასების უნარის განვითარებას, ისე საგამოცდო პროცესის ეფექტიან დაგეგმვას. იმიტირებულ გამოცდაზე მუშაობის პროცესში განსაკუთრებული ყურადღება დაეთმო არა მხოლოდ ფორმალურ შესაბამისობას, არამედ იმასაც, რომ ტესტები ორიენტირებული ყოფილიყო ანალიტიკური აზროვნების, ლოგიკური მსჯელობისა და პრობლემის გადაჭრის უნარების შეფასებაზე.მათემატიკა არის უნივერსალური ენა, რომლის საშუალებითაც ადამიანი სწავლობს კანონზომიერებების აღმოჩენას, რთული პროცესების ანალიზსა და დასაბუთებული გადაწყვეტილებების მიღებას. მათემატიკური აზროვნება აყალიბებს ლოგიკურობას, სიზუსტეს, არგუმენტირების კულტურასა და ინტელექტუალურ დისციპლინას, რაც აუცილებელია როგორც საინჟინრო და ტექნოლოგიურ სფეროებში, ისე ეკონომიკაში, მედიცინაში, სოციალურ მეცნიერებებსა და თანამედროვე კვლევით საქმიანობაში.დღეს, როდესაც მსოფლიო სწრაფად ვითარდება ხელოვნური ინტელექტის, მონაცემთა მეცნიერების, კიბერუსაფრთხოების, ციფრული ტექნოლოგიებისა და მაღალი ტექნოლოგიების მიმართულებით, მათემატიკის როლი კიდევ უფრო მზარდია. პრაქტიკულად შეუძლებელია ამ სფეროებში კონკურენტუნარიანი სპეციალისტის მომზადება მათემატიკური საფუძვლების გარეშე. სწორედ ამიტომ, მათემატიკის სწავლება უნდა განვიხილოთ არა როგორც გამოცდის ჩაბარების საშუალება, არამედ როგორც მომავალი პროფესიული და სამეცნიერო წარმატების საფუძველი.მოხარული ვართ, რომ უკვე მესამე წელია შესაძლებლობა გვაქვს წვლილი შევიტანოთ ამ მნიშვნელოვანი საგანმანათლებლო პროექტის განხორციელებაში“, - აცხადებს ვახტანგ კვარაცხელია.

ძალიან მნიშვნელოვანია ის პროგრამები, რომლებიც არის განკუთვნილი მეწარმეობის მხარდაჭერისთვის, პირველ რიგში,„აწარმოე საქართველოში“, – ამის შესახებ საქართველოს პრემიერ-მინისტრმა, ირაკლი კობახიძემ პარლამენტში ყოველწლიური მოხსენებით გამოსვლისას განაცხადა.პრემიერ-მინისტრმა აღნიშნა, რომ საანგარიშო პერიოდში ამ პროგრამის ფარგლებში დაფინანსდა 1 279 მეწარმე სუბიექტი.„ასევე ძალიან მნიშვნელოვანია საკრედიტო-საგარანტიო სქემის სახელმწიფო პროგრამა. აქ დაფინანსდა 303 კომპანიის 345 პროექტი. ამ ყველაფრის შედეგად შეიქმნება 1 900 ახალი სამუშაო ადგილი. „აწარმოე საქართველოს“ ინდუსტრიული ნაწილი – აქ დაფინანსდა 467 კომპანიის 543 პროექტი. ჯამური საინვესტიციო მოცულობა შეადგენდა 824 მილიონ ლარს, შეიქმნება 4 000 სამუშაო ადგილი. მიკრომეწარმეობის მხარდაჭერის პროგრამით 31 მილიონი ლარის 686 სესხი გაიცა. აქტიურად ვმუშაობთ ინოვაციების და ტექნოლოგიების მიმართულებით და აქ ხაზს გავუსვამ ქუთაისის ტექნოლოგიური ჰაბის პროექტს, რომელიც ძალიან აქტიურად ხორციელდება და ძალიან მალე შეიქმნება ეს ჰაბი ძალიან მნიშვნელოვან ქალაქში, ქუთაისში“, – აღნიშნა ირაკლი კობახიძემ.