დავით ზურაბიშვილი: რატომ ჰგონია ბატონ ბიძინას, რომ ოთხ ტურას კიდევ ხუთს თუ მიუმატებს, ცხრა ტურის ნაცვლად ლომების პარადს მიიღებს – ვერაფრით ვერ ვხსნი

უნდა მივდიოდეთ ქრისტესკენ და არასდროს შეგვეპაროს ეჭვი, რომ უფალი დაგვეხმარება ყველა განსაცდელში, ისევე როგორც პეტრე მოციქულს დაეხმარა, – ამის შესახებ სრულიად საქართველოს კათოლიკოს-პატრიარქმა, შიო მესამემ დღევანდელი ქადაგებისას განაცხადა.პატრიარქმა საზოგადოებას პეტრე-პავლობის დღესასწაული მიულოცა.შიო მესამის თქმით, წმინდა მოციქულმა პეტრემ მოგვცა დიდი მაგალითი რწმენისა, ასევე, პავლე მოციქულს ღრმად ესმოდა ქრისტიანული სიყვარულის მნიშვნელობა.პატრიარქის განცხადებით, ჩვენ უნდა მივბაძოთ პეტრე და პავლე მოციქულებს წმინდა ჯვრის ამ სიყვარულში და შევიგრძნოთ ჯვარი უფლისა.„გილოცავთ პეტრე-პავლობის დღესასწაულს. ძალიან სასიხარულო იყო დღეს თქვენთან ერთად წირვა. ისეთი წესრიგი იყო და ამაღლებული სულიერი განწყობა, რომ ვართ ძალიან გახარებული და მადლობლები. გაგახაროთ და დაგლოცოთ უფალმა. დღეს ჩვენ ვადიდებთ ღმერთს, რომ ცოდვილი სამყაროს წინაშე უფალმა აღმართა ასეთი საოცარი სვეტები და მნათობები, რომლებმაც არა მხოლოდ თავისი დიდებული ეპისტოლეებით, არამედ თავიანთი ცხოვრებითაც უქადაგეს მთელ მსოფლიოს ჭეშმარიტება, მაგალითი მოგვცეს ღვთის რწმენის და დიდი სიყვარულის. ისინი დღესაც აგრძელებენ ქადაგებას. წმინდა მოციქულმა პეტრემ მოგვცა დიდი მაგალითი რწმენისა, როდესაც ნავიდან გადმოვიდა და ზღვაზე მოსიარულე უფალ იესო ქრისტესკენ გაემართა სვლით. ასე უნდა მივდიოდეთ ქრისტესკენ და არასდროს შეგვეპაროს ეჭვი, რომ უფალი დაგვეხმარება ყველა განსაცდელში, ისევე როგორც პეტრე მოციქულს დაეხმარა, რომელმაც შემდეგ ჩაძირვა დაიწყო.პეტრე მოციქულმა ასევე გამოავლინა საოცარი სიმამაცე, როდესაც არ შეეშინდა და გეთსემანიის ბაღში მღვდელმთავრის მონას მოუქნია მახვილი. თქვენ გახსოვთ, შემდეგ უფალმა განკურნა ის მონა. ჩვენი თანდასწრებით როდესაც შეურაცხყოფას აყენებენ უფალს, აგინებენ დედაღვთისმშობელს, ჩვენ გაბედული სიტყვით, ისევე, როგორც პეტრემ, უნდა ვამხილოთ ასეთი ადამიანები. მოციქული პეტრესგან ჩვენ უნდა ვისწავლოთ საოცარი სინანულიც. ის მთელი სიცოცხლე ინანიებდა თავის მძიმე ცოდვას — უფალი იესო ქრისტეს სამგზის უარყოფას.რაც შეეხება პავლე მოციქულს, ალბათ ზედმეტია ლაპარაკი, რა დიდი მნიშვნელობა აქვს მის ეპისტოლეებს ჩვენი რწმენისთვის, ჩვენი სულის ცხონებისთვის. დღეს საკმარისია ისიც, რომ ვახსენოთ, როგორ ღრმად ესმოდა მას ქრისტიანული სიყვარულის მნიშვნელობა. ის წერს, წინასწარმეტყველების მადლიც რომ მქონდესო, ყველა საიდუმლოც რომ ვიცოდე და ისეთი რწმენა მქონდესო, რომ მთების დაძვრა შემეძლოსო, სიყვარული თუ არ მაქვს, არარაობა ვარო. მთელი ჩემი ქონება გლახაკებს რომ დავურიგო და სხეული მივცე დასაწვავადო, სიყვარული თუ არ მაქვს, არას მარგებსო. პავლე მოციქული ამ სიყვარულზე მარტო კი არ წერდა, არამედ ასეც ცხოვრობდა. იწვოდა ქრისტეს სიყვარულით, როგორც სხვა არავინ. იგი იმდენად შეძრა ქრისტეს ჯვარცმამ, რომ სხვა ყველაფერმა მისთვის ამ დედამიწაზე აზრი დაკარგა. ის წერს ასეთ სიტყვებს – ამიერიდან ჩემთვის ჯვარცმულია ეს ქვეყანა და ქვეყნისთვის კიდეც მე ვარ ჯვარცმული. ისე გრძნობდა იესო ქრისტეს ჯვარცმას, მის ჭრილობებს, ამბობს, რომ მე ჩემი სხეულით დამაქვს ქრისტეს ჭრილობებიო. ჩვენ უნდა მივბაძოთ წმინდა პეტრე მოციქულს, ასევე წმინდა პავლე მოციქულს, წმინდა ჯვრის ამ სიყვარულში და ასევე შევიგრძნოთ ჯვარი უფლისა. ვეცადოთ, რომ არცერთი დღე ჩვენს ცხოვრებაში არ გადიოდეს ქრისტეს ჯვრის გახსენების, მისი მნიშვნელობის გააზრებისა და პირჯვრის გადასახვის გარეშე. არ დაგვავიწყდეს პავლე მოციქულის სიტყვები, რომ რჯულის აღსრულება სიყვარულშია. და აი, თუ ჩვენ ასე ვიცხოვრებთ, თუ ვეცდებით, ასე ვიცხოვროთ, მაშინ ჩვენს გულებშიც გამოისახება ქრისტეს ჯვარი და მივემსგავსებით მცირედით მაინც მოციქულებს, რომელთა გულებშიც ის გამოისახა და ზეციური ნათლით ანათებდა. გილოცავთ დღევანდელ დღეს. მადლობას მოგახსენებთ ამ დიდი სიხარულისთვის, ერთობლივი მსახურებისთვის. ღმერთმა დაგლოცოთ და გაგაძლიეროთ. წმინდა მოციქულთა პეტრე და პავლეს ლოცვით ღმერთმა აკურთხოს, გააძლიეროს, გაახაროს ეს წმინდა ტაძარი, ამ ტაძრის მამები, ამ ტაძრის წინამძღვარი დეკანოზი არჩილი. მოციქულთა, პეტრე და პავლეს ლოცვით გაამთლიანოს და გადაარჩიონოს სრულიად საქართველო“, – განაცხადა შიო მესამემ.

საქართველოს ტექნიკური უნივერსიტეტის რექტორი, საქართველოს რექტორთა მუდმივმოქმედი კონფერენციის თავმჯდომარე, აკადემიკოსი დავით გურგენიძე, საუნივერსიტეტო საზოგადოების სახელით, მწუხარებას გამოთქვამს სამთო-გეოლოგიური და მთის მდგრადი განვითარების ფაკულტეტის ღვაწლმოსილი მეცნიერისა და პედაგოგის, გამოყენებითი გეოლოგიის დეპარტამენტის პროფესორის, საქართველოს მეცნიერებათა ეროვნული აკადემიის ალექსანდრე თვალჭრელიძის სახელობის პრემიის ლაურეატის, საქართველოს საინჟინრო აკადემიის წევრის - ვაჟა გელეიშვილის გარდაცვალების გამო და სამძიმარს უცხადებს მის ოჯახს, ახლობლებს, კოლეგებსა და აღზრდილებს.სამძიმრის წერილს საქართველოს ტექნიკური უნივერსიტეტი ავრცელებს.„86 წლის ასაკში გარდაიცვალა საქართველოს ტექნიკური უნივერსიტეტის ღვაწლმოსილი მეცნიერი, გამორჩეული პედაგოგი, ღირსეული მოქალაქე, პროფესორი ვაჟა გელეიშვილი - სხვადასხვა თაობის ინჟინერ-გეოლოგთა და მკვლევართა აღმზრდელი, რომლის მრავალწლიანი სამეცნიერო, საგანმანათლებლო და პროფესიული საქმიანობა ორგანულად უკავშირდებოდა საქართველოს ტექნიკურ უნივერსიტეტსა და ქვეყანაში გეოლოგიის დარგის განვითარებას.განსაკუთრებულია მისი წვლილი გამოყენებითი გეოლოგიისა და მინერალური რესურსების კვლევის თანამედროვე მიმართულებების გაძლიერება-სრულყოფაში. მაღალი პროფესიონალიზმით და სამეცნიერო ავტორიტეტით მან მნიშვნელოვანი კვალი დატოვა როგორც ქართულ მეცნიერებაში, ისე მრავალი თაობის სპეციალისტთა პროფესიულ დახელოვნებასა და პიროვნულ ჩამოყალიბებაში, ხოლო საერთაშორისო საგანმანათლებლო და კვლევით სივრცეში პროფესორი ვაჟა გელეიშვილი ღირსეულად წარმოაჩენდა საქართველოსა და თავის ალმა-მატერს.საქართველოს ტექნიკური უნივერსიტეტის და მისი სამეცნიერო-აკადემიური საზოგადოების სახელით, სამძიმარს ვუცხადებთ ბატონი ვაჟა გელეიშვილის ოჯახს, ახლობლებს, კოლეგებს, მის აღზრდილებს, ასევე სამთო-გეოლოგიური და მთის მდგრადი განვითარების ფაკულტეტის პროფესორ-მასწავლებლებს, თანამშრომლებს, სტუდენტებს. პატივს მივაგებთ ჩვენი ღვაწლმოსილი პროფესორის სამეცნიერო მემკვიდრეობასა და მის განსაკუთრებულ ღვაწლს უნივერსიტეტისა და ქვეყნის წინაშე“, - აღნიშნულია სტუ-ის რექტორის, აკადემიკოს დავით გურგენიძის სამძიმრის წერილში.

11 ივლისს - შაბათსდასავლეთ საქართველოში - დროგამოშვებით  ღრუბლიანობის  მომატება. ზოგან ხანმოკლე  წვიმა და ელჭექი, მთიან რაიონებში დღისით  ზოგან შესაძლებელია ძლიერი. დასავლეთის  ქარი 10-15 მ/წმ.  ჰაერის ტემპერატურა: დაბლობში ღამით  +20, +25°,დღისით  25,  +30°;  მთაში ღამით  +16, +21°,დღისით  +23, +28°; მაღალმთაში ღამით +9, +14°, დღისით +22, +27°.აღმოსავლეთ საქართველოში - დროგამოშვებით ღრუბლიანობის მომატება. ზოგან ხანმოკლე წვიმა და ელჭექი.  შესაძლებელია სეტყვა. დასავლეთის ქარი 10-15მ/წმ, დღისით ზოგან  ძლიერი 17-22მ/წმ. ჰაერის ტემპერატურა: ბარში ღამით +17, +22°, დღისით  +28, +33°; მთაში ღამით +13, +18°, დღისით  +25, +30°; მაღალმთაში ღამით +10, +15°, დღისით +20, +25°.12 ივლისი -კვირადასავლეთ საქართველოში - დროგამოშვებით  ღრუბლიანობის  მომატება. ზოგან ხანმოკლე  წვიმა და ელჭექი.დასავლეთის  ქარი 10-15 მ/წმ.  ჰაერის ტემპერატურა:  დაბლობში ღამით  +17, +22°,დღისით  27,  +32°;  მთაშიღამით  +14, +19°,დღისით  +26, +31°; მაღალმთაში ღამით +8, +13°, დღისით +24, +29°.აღმოსავლეთ საქართველოში - დროგამოშვებით ღრუბლიანობის მომატება. ღამით ზოგიერთ, დღისით უმეტეს რაიონში  ხანმოკლე წვიმა და ელჭექი, დღისით ზოგან ძლიერი, შესაძლებელია სეტყვა. დასავლეთის  ქარი10-15 მ/წმ ელჭექის დროს შესაძლებელია ქარის გაძლიერება. ჰაერის ტემპერატურა: ბარში ღამით +17, +22°, დღისით  +27, +32°; მთაში ღამით +13, +18°, დღისით  +25, +30°; მაღალმთაში ღამით +10, +15°, დღისით  +17, +22°, ზოგან +26°.13 ივლისს - ორშაბათსდასავლეთ საქართველოში - დროგამოშვებით  ღრუბლიანობის  მომატება. ზოგან ხანმოკლე  წვიმა და ელჭექი. ცვალებადი მიმართულების  ქარი 10-15 მ/წმ. ჰაერის ტემპერატურა: დაბლობში ღამით +17, +22°,დღისით  27,  +32°;  მთაში ღამით  +14, +19°,დღისით  +26, +31°; მაღალმთაში ღამით +10, +15°, დღისით +25, +30°.აღმოსავლეთ საქართველოში - დროგამოშვებით ღრუბლიანობის მომატება. ზოგან  ხანმოკლე წვიმა და ელჭექი, ღამით ზოგან ძლიერი, შესაძლებელია სეტყვა. ცვალებადი მიმართულების ქარი 10-15მ/წმ.  ჰაერის ტემპერატურა: ბარში ღამით +17, +22°, დღისით  +29, +34°; მთაში ღამით +13, +18°, დღისით  +27, +32°;მაღალმთაში ღამით +9, +14°, დღისით +16, +21°, ზოგან +28°,

12 ივლისს განსაკუთრებული ადგილი უკავია მართლმადიდებლურ კალენდარში - ამ დღეს ეკლესია პატივს მიაგებს წმინდა მოციქულებს, პეტრესა და პავლეს. ქრისტეს ეს ორი დიდი მოწაფე რწმენის, გამბედაობისა და ღვთაებრივი ჭეშმარიტებისადმი ერთგულების სიმბოლოდ იქცა, რამაც ქრისტიანული ეკლესიის მყარი საფუძველი ჩაუყარა. მათი სულიერი ღვაწლი მილიონობით მორწმუნეს შთააგონებს და მათთვის ლოცვითი მიმართვები სულს სიმშვიდითა და იმედით ავსებს. ამ დღეს განსაკუთრებით მნიშვნელოვანია წმინდანთა მიმართვა ჯანმრთელობის, ოჯახის კეთილდღეობის, პრობლემებისგან დაცვისა და რწმენის განმტკიცების გულწრფელი თხოვნებით.როგორ აღვნიშნოთ პეტრეპავლობა12 ივლისს მართლმადიდებელი ქრისტიანები აღნიშნავენ მოციქულთა პეტრესა და პავლეს ხსენების დღეს, სახარების უდიდესი მქადაგებლებისა, რომელთა მსახურებაც ქრისტეს ეკლესიის დაარსების ქვაკუთხედად იქცა. ეს დღე განსაკუთრებული მნიშვნელობითაა სავსე და მორწმუნეებს აძლევს შესაძლებლობას, ჩაუღრმავდნენ სულიერ რეფლექსიას, ლოცვასა და კეთილ საქმეებს.1. ტაძრის მონახულება დაიწყეთ დილა ღვთისმსახურებაში მონაწილეობით. განსაკუთრებით საზეიმოა მოციქულთა პეტრესა და პავლეს პატივსაცემად აღვლენილი ლიტურგია. წმინდა ზიარების მიღება, წმინდანთა ხატების წინაშე ლოცვა და საყოველთაო საეკლესიო ლოცვაში მონაწილეობა დაგეხმარებათ ღმერთთან ერთიანობის ძალის შეგრძნებაში და თქვენი რწმენის განმტკიცებაში.2. სახლში ლოცვა ტაძრიდან დაბრუნების შემდეგ, გამონახეთ დრო განმარტოებული ლოცვისთვის. წაიკითხეთ აკათისტი ანუ სპეციალური ლოცვები, რომლებიც მიმართულია მოციქულთა პეტრესა და პავლესადმი და ითხოვენ მათ შუამდგომლობას ოჯახის, მშვიდობის, ჯანმრთელობისა და სულიერი დაცვის საკითხებში.3. ოჯახური სუფრა ოჯახთან ერთად სადღესასწაულო ვახშამი დღეს განსაკუთრებულ სითბოს მატებს. ტრადიციულად, სუფრაზე შეიძლება თევზის ან ზღვის პროდუქტების კერძები იყოს, რაც მოციქულ პეტრეს მეთევზეობის პროფესიის შეხსენებას აღნიშნავს. მნიშვნელოვანია არა მხოლოდ საკვები, არამედ სიყვარულის, მადლიერებისა და კომუნიკაციის ატმოსფეროც.4. გააზიარეთ სიკეთე მოციქულების ხსოვნა ასევე შეხსენებაა მოყვასისადმი მსახურების შესახებ. დაეხმარეთ მათ, ვისაც ეს სჭირდება: გაიღეთ შემოწირულება ტაძრისთვის, მხარი დაუჭირეთ გაჭირვებულებს, მოინახულეთ მარტოხელა ან ავადმყოფი. ამ დღეს გაკეთებული ნებისმიერი კეთილი საქმე ნამდვილი ქრისტიანული სიყვარულის გამოვლინება იქნება.5. წმინდანთა ცხოვრების შესწავლაპეტრე და პავლე ის პიროვნებები არიან, რომელთა სულიერი გზები გვაძლევს შთაგონებას, ხელახლა დავფიქრდეთ ჩვენს ცხოვრებაზე. დღის ნაწილი დაუთმეთ წმინდა წერილის, წმინდანთა ცხოვრების ან სულიერი ლიტერატურის კითხვას, რათა უფრო ღრმად გაიგოთ მათი როლი ქრისტიანობის განვითარებაში.

მერაბ დვალიშვილმა თბილისში, Real American Freestyle-ში (RAF) ჰენრი სეხუდო 11:8 დაამარცხა.დვალიშვილი თავისუფალ ჭიდაობაში ოლიმპიური ჩემპიონის წინააღმდეგ 0:8 მარცხდებოდა, თუმცა საოცრად იასპარეზა და გამარჯვება მოიპოვა.მერაბ დვალიშვილი და ჰერნი სეხუდო აქამდე ერთხელ ერთმანეთს UFC-ში შეხვდნენ და ის ბრძოლაც დვალიშვილმა მოიგო.აღსანიშნავია, რომ თბილისში გამართულ RAF-ის ღონისძიებაზე გენო პეტრიაშვილმა, გივი მაჭარაშვილმა და ვლადიმერ ხინჩეგაშვილმაც მოიგეს.