დავით ზურაბიშვილი: რატომ ჰგონია ბატონ ბიძინას, რომ ოთხ ტურას კიდევ ხუთს თუ მიუმატებს, ცხრა ტურის ნაცვლად ლომების პარადს მიიღებს – ვერაფრით ვერ ვხსნი

დღეს, როდესაც პროფესორ ჯონ მირშაიმერის გამოსვლას ვუსმენდი თბილისის მდგრადი განვითარების მე-16 რეგიონულ კონფერენციაზე, ჩემი ყურადღება ერთმა ამბავმა მიიპყრო: გერმანიამ ვერ მოიპოვა საჭირო ხმები გაეროს უშიშროების საბჭოს არამუდმივი წევრობისთვის. ამ ცნობამ კიდევ ერთხელ გამიჩინა ძველი კითხვა: რა არის დღეს საერთაშორისო სისტემაში გავლენის, ავტორიტეტისა და აღიარების რეალური საზომი? ნუთუ ეკონომიკური ძალა და პოლიტიკური წონა საკმარისია გლობალური მხარდაჭერის მოსაპოვებლად? თუ სახელმწიფოები საერთაშორისო კენჭისყრების დროს უფრო ფართო ფაქტორებსაც ითვალისწინებენ — საგარეო პოლიტიკას, დიპლომატიურ მიდგომებს, ნდობის შექმნის უნარსა და მსოფლიო საზოგადოებრივი აზრის აღქმებს? შესაძლოა, ამ კითხვაზე პასუხი ძალაუფლების ტრადიციულ მაჩვენებელთა მიღმა უნდა ვეძიოთ. დღევანდელი მსოფლიო სულ უფრო ნათლად გვიჩვენებს, რომ ლეგიტიმურობა, დიალოგი, ურთიერთპატივისცემა და კონსენსუსის შექმნის უნარი ის კაპიტალია, რომელიც ზოგჯერ „მყარ ძალაზეც“ კი უფრო ეფექტიანად მოქმედებს. მართლაცდა, რატომ?

ხორვატიის ჩრდილო-დასავლეთ ისტრიის რეგიონში, ქალაქ მედულინთან ახლოს მცირე ზომის თვითმფრინავის ჩამოვარდნის შედეგად, სულ მცირე, ოთხი ადამიანი დაიღუპა.ინფორმაციას ხორვატიის სახელმწიფო საინფორმაციო სააგენტო Hina პოლიციაზე დაყრდნობით ავრცელებს.მათივე ცნობით, ამ დროისთვის მაშველები კიდევ ორ ადამიანს ეძებენ.მედიის ინფორმაციით, მცირე ზომის თვითმფრინავი გერმანიიდან ხორვატიის მიმართულებით მიფრინავდა.ადგილობრივმა პილოტმა, ნიჯაზ დელიჩმა საინფორმაციო პორტალ Index-ს განუცხადა, რომ თვითმფრინავი „ჰაერში სპირალურად შემობრუნდა და მიწას შეეჯახა“.

დღევანდელი ფორუმი იმართება რთულ საერთაშორისო გარემოში, გლობალური უსაფრთხოების არქიტექტურა მნიშვნელოვანი გამოცდის წინაშეა. იზრდება გეოპოლიტიკური კონკურენცია, მძაფრდება კონფლიქტები, ეკონომიკური და ენერგეტიკული გამოწვევები კი გავლენას ახდენს როგორც სახელმწიფოებზე, ისე თითოეული მოქალაქის ყოველდღიურ ცხოვრებაზე, – ამის შესახებ საქართველოს პარლამენტის თავმჯდომარემ, შალვა პაპუაშვილმა თბილისის მდგრადი განვითარების XVI რეგიონულ ფორუმზე სიტყვით გამოსვლისას განაცხადა.შალვა პაპუაშვილის განცხადებით, საერთაშორისო პოლიტიკაში საქართველო გამოირჩევა მიზანდასახულობით, პრაგმატიზმით და პასუხისმგებლობით.„ამ ვითარებაში განსაკუთრებულ მნიშვნელობას იძენს სახელმწიფოს უნარი, იხელმძღვანელოს საკუთარი ეროვნული ინტერესებით, სწორად შეაფასოს გარემო და მიიღოს პასუხისმგებლიანი გადაწყვეტილებები. საქართველოს არჩევანი სწორედ ასეთ მიდგომას ეფუძნება. საერთაშორისო პოლიტიკაში საქართველო გამოირჩევა მიზანდასახულობით, პრაგმატიზმით და პასუხისმგებლობით. გვჯერა, რომ სახელმწიფოს მთავარი ვალდებულებაა საკუთარი მოქალაქეების უსაფრთხოების, კეთილდღეობისა და განვითარების უზრუნველყოფა. სწორედ ამ პრინციპით ვაფასებთ საერთაშორისო პროცესებს და სწორედ ამ პრინციპით ვაშენებთ პარტნიორულ ურთიერთობებს მსოფლიოს ქვეყნებთან. ეროვნული ინტერესების ერთგულება და საერთაშორისო ძალთა განაწილების გათვალისწინება სახელმწიფოს მთავარი ორიენტირი უნდა იყოს. გასაოცარია, როდესაც თანამედროვე მსოფლიოში ამ რეალისტური ჭეშმარიტების მასობრივ იგნორირებას ვხედავთ და ეს ხდება იდეოლოგიური ერთგვაროვნების დამკვიდრების, კრიტიკული აზროვნების ჩახშობის მოწოდებების ფონზე. საკმარისია, გლობალურ იდეოლოგიას მოერგო და მისი უპირობო ჭეშმარიტება აღიარო, რომ წითელ ხალიჩებს გაგიგებენ, ქება-დიდებას არ დაიშურებენ, არჩევნებშიც „დაგეხმარებიან“ და კანონის უზენაესობის თუ ადამიანის უფლებების დარღვევებზეც თვალს დაგიხუჭავენ. სამაგიეროდ, ყველა, ვინც კი ლიბერალური ინტერნაციონალიზმის იდეოლოგიურ მარწუხებს არ ერგება, სტიგმატიზირდება, ბათილდება და იდევნება“, – განაცხადა შალვა პაპუაშვილმა.

დამცირებული მტერი სამხედრო დამარცხების შემდეგ ჰიბრიდული ომის ტაქტიკაზე გადადის, – ამის შესახებ აღნიშნულია ირანის სულიერი ლიდერის, აიათოლა მოჯტაბა ხამენეის განცხადებაში.ხამენეის თქმით, „ბოროტმა“ მტერმა ირანის შეიარაღებულ ძალებთან დაპირისპირებისას დამარცხება, ღრმა დამცირება განიცადა და ახლა ჰიბრიდული ომის სტრატეგიით ცდილობს კომპენსაციას.„ბოროტი მტერი, რომელიც დამარცხდა შეიარაღებულ ძალებში მყოფ თქვენს მამაც შვილებთან დაპირისპირებაში და განიცადა ღრმა, მნიშვნელოვანი დამცირება როგორც ბრძოლის ველზე, ასევე საჯარო ასპარეზზე, ჰიბრიდული ომის ფარგლებში ორ მიზანზე კონცენტრირდა: ხალხის მდგრადობის შესუსტება და ქვეყნის ჩინოვნიკებში არასწორი გათვლების შექმნა. დომინირების სისტემას, რომელმაც თითქმის 80 წლის წინ შექმნა სამხედრო ფორპოსტი, სახელწოდებით ისრაელი, არ შეუძლია შეეგუოს ძლიერი და დამოუკიდებელი ირანის არსებობას, რომელიც მრავალი უპირატესობითა და შესაძლებლობებით არის აღჭურვილი დიდი ისრაელის ცრუ და გამოგონილი გეოგრაფიის აღმოსავლეთ საზღვარზე, ანუ ევფრატის აღმოსავლეთით. ამიტომ ის ყველა ღონეს იღონებს მისი (ირანის) პროგრესის შესაჩერებლად“, – აღნიშნა აიათოლა ხამენეიმ.

ამერიკასთან განახლებული ურთიერთობებისთვის მზად ვართ, ოღონდ პრინციპულად მნიშვნელოვანია, ის სამართლიანობას ეფუძნებოდეს, – ასე გამოეხმაურა კახა კალაძე მედიასთან ამერიკის შეერთებული შტატების სახელმწიფო მდივნის, მარკო რუბიოს განცხადებას, რომელიც შეეხებოდა საქართველოს და აშშ-ის ურთიერთობებს.თბილისის მერმა განმარტა, რომ მმართველი გუნდის პოზიცია აღნიშნულ საკითხზე ღიაა.მისი თქმით, მმართველი პარტია მიესალმება აშშ-თან ახალი ფურცლიდან სამართლიანი ურთიერთობების დაწყებას.„დელეგაცია როდესაც იმყოფებოდა საქართველოში, პრემიერ-მინისტრმა ღიად ისაუბრა ჩვენი გუნდის პოზიციაზე. ეს დასამალი არ არის. მზად ვართ, ურთიერთობები ახალი ფურცლიდან დავიწყოთ, შესაბამისი გზამკვლევით, ოღონდ ეს სამართლიანობას უნდა ეფუძნებოდეს. ახლანდელ ადმინისტრაციას, პრეზიდენტ ტრამპის ხელმძღვანელობით, აქვს შესაძლებლობა, გამოასწოროს ის არასწორი გადაწყვეტილებები, რაც ბაიდენის ადმინისტრაციამ საქართველოს წინააღმდეგ მიიღო“, – განაცხადა კახა კალაძემ.მისივე თქმით, საქართველოს ხელისუფლება სამომავლოდაც გაატარებს ხალხის ინტერესებზე მორგებულ პოლიტიკას, რაც, ასევე, უზრუნველყოფს ქვეყნის მშვიდობას.„მსოფლიოში დაძაბული სიტუაციაა. ჩვენი სურვილიცაა, რაც შეიძლება მალე დასრულდეს ომი, კონფლიქტები. ეს გამოწვევა მსოფლიო ეკონომიკაზეც ახდენს გავლენას. ჩვენ მუდამ ხელს შევუწყობთ ქვეყანაში მშვიდობის შენარჩუნებას. ყოველთვის იმ პოლიტიკას გავატარებთ, სადაც საქართველოს და ხალხის ინტერესები იქნება გათვალისწინებული“, – აღნიშნა კახა კალაძემ.აშშ-ის წარმომადგენელთა პალატის საგარეო ურთიერთობათა კომიტეტის წინაშე გამოსვლის აშშ-ის სახელმწიფო მდივანმა, მარკო რუბიომ განაცხადა: „საქართველოს ხელისუფლებამ გარკვეული ნაბიჯები გადადგა, რაც მიანიშნებს, რომ სურთ ურთიერთობების გაუმჯობესება, ვიმედოვნებთ, ამის საფუძველზე შევძლებთ წინსვლას და შევძლებთ, დავინახოთ ტრაექტორიის ცვლილება“.