რატომ აწუხებთ ვიღაცებს და რატომ ეხამუშებათ ყოველთვის, როდესაც მშვიდობაზე კეთდება აქცენტი, რატომ უნდათ რომ მაინც და მაინც რაღაც იყოს ცუდად, იყოს არეულობა და შფოთი, ეს მგონი სხვა ტიპის პრობლემაა, ამაზე ჩვენ არ უნდა ვისაუბროთ. ვისაც ეს ქვეყანა და ქალაქი უყვარს, მათ უნდა უხაროდეთ, რომ მშვიდობის შენარჩუნება შესაძლებელი გახდა, ჩვენ ეს შევძელით და იმედი გვაქვს, რომ ასე გაგრძელდება მომავალი წლის განმავლობაში. ვისაც ეს აწუხებს, ეს მეტყველებს მათ განწყობაზე, რომ კი, ისინი ვერ იტანენ, რომ აქ მშვიდობა შენარჩუნდა, – ამის შესახებ საპარლამენტო უმრავლესობის წევრმა ბექა დავითულიანმა ჟურნალისტებს განუცხადა. მისი თქმით, „მშვიდობის ქალაქი“ ძალიან აქტუალური და სწორი სლოგანია, იმიტომ, რომ ამ გამოწვევების, უსაფრთხოების რისკის ასეთი ზრდის პირობებში, რუსეთის აგრესიული თავდასხმის პირობებში უკრაინისადმი, მშვიდობის შენარჩუნება მნიშვნელოვანია.
„ჩემი აზრით, „მშვიდობის ქალაქი“ ძალიან აქტუალური და სწორი სლოგანია, იმიტომ, რომ ამ გამოწვევების, უსაფრთხოების რისკის ასეთი ზრდის პირობებში, რუსეთის აგრესიული თავდასხმის პირობებში უკრაინისადმი, მშვიდობის შენარჩუნება რა თქმა უნდა მნიშვნელოვანია და რა თქმა უნდა, მნიშვნელოვანია, რომ საქართველო არის მშვიდობის წერტილი, თბილისი არის მშვიდობის ქალაქი, რომელიც კარს უხსნის პირველ რიგში უკრაინიდან დევნილებს და მერე ყველა იმ ადამიანს, ვისთვისაც მშვიდობა მნიშვნელოვანია და ვინც აქ ჩამოდის იმისთვის, რომ შეხვდეს ახალ წელს მშვიდობიან გარემოში. ეს ძალიან მნიშვნელოვანია როგორც შინაარსობრივი თვალსაზრისით და დატვირთვით, ასევე ტურისტების მოზიდვის კუთხითაც, იმიტომ, რომ თბილისი ახალ წელს იქნება ძალიან კარგად განათებული, იქნება მშვიდობიანი ქალაქი.
იმედი მაქვს, რომ ჩვენ მთელი მომავალი წელი მშვიდობით გავაგრძელოთ ამ ქვეყნის და ქალაქის შენება და შევძლოთ იმ ეკონომიკური მაჩვენებლების გაზრდა, რომელიც დღეს გვაქვს. ეს რატომ აწუხებთ ვიღაცებს და რატომ ეხამუშებათ ყოველთვის, როდესაც მშვიდობაზე კეთდება აქცენტი და რატომ უნდათ რომ მაინც და მაინც რაღაც იყოს ცუდად, იყოს არეულობა და შფოთი, ეს მგონი სხვა ტიპის პრობლემაა, ამაზე ჩვენ არ უნდა ვისაუბროთ. ვისაც ეს ქვეყანა და ქალაქი უყვარს, მათ უნდა უხაროდეთ, რომ მშვიდობის შენარჩუნება შესაძლებელი გახდა, ჩვენ ეს შევძელით და იმედი გვაქვს, რომ ასე გაგრძელდება მთელი მომავალი წლის განმავლობაში. ვისაც ეს აწუხებს, ეს მეტყველებს მათ განწყობაზე, რომ კი, ისინი ვერ იტანენ, რომ აქ მშვიდობა შენარჩუნდა. მაშინ ახსნან, რატომ აწუხებთ ეს საკითხი, რომ დღეს თბილისი მშვიდობის ქალაქია და რატომ არ უხარიათ“, – განაცხადა დავითულიანმა.