შალვა პაპუაშვილი – საგანგაშოა, როცა ბრიტანეთის ელჩი ჩართულია დეზინფორმაციის გავრცელებაში და ამას აკეთებს სტუდენტებთან შეხვედრაზე, ეს არის პოლიტიკური კამპანია საქართველოს ხელისუფლების წინააღმდეგ

დღეს ჩემი სიტყვა განათლების რეფორმაზე უნდა ყოფილიყო, რომელიც „ნაცების“ დროს ციხეების უფროსმა, მიქანაძემ და „იგლ ჰილსის“ გაყიდვების მენეჯერმა, კობახიძემ წარადგინეს. მაგრამ გუშინ თქვენი გუნდის წევრების კომენტარები მოვისმინე, რომ საგამოძიებო კომისიის შექმნის საფუძველი თურმე აღარ არსებობს „ბიბისის“ სიუჟეტთან დაკავშირებით, რადგან თურმე თქვენივე თავი ობიექტურად გამოგიძიებიათ და დაგისკვნიათ, რომ მშვიდობიანი აქციის დარბევის დროს წყალში „კამიტი“ კი არა, სხვა ნივთიერება გაგირევიათ, – ასე მიმართა პარტია „გახარია საქართველოსთვის“ წევრმა, ტატა ხვედელიანმა პარლამენტში უმრავლესობის წევრებს.ხვედელიანის თქმით, ვინც საგამოძიებო კომისიის ინიციატივას მხარს არ დაუჭერს, გადაინაწილებს იმ პასუხისმგებლობას, რაც წყლის ჭავლში დამატებითი ნივთიერების გარევას ეხება.„თქვენი ურთიერთ გამომრიცხავი განცხადებები რომ გვერდით გადავდოთ, ჯერ დასანქცირებულმა გომელაურმა, შემდეგ თქვენმა პრემიერ-მინისტრმა კობახიძემ, შემდეგ კი სუს-მა თავისი ბრიფინგით აღიარეს, რომ წყალში ნივთიერების გარევა მოხდა მშვიდობიანი აქციის დარბევისთვის, რაც უკვე დანაშაულია. როგორც ვხვდები, ეს თქვენმა დეპუტატებმა ინფორმაციის დონეზე არ იციან. არ იციან, რომ წყლის ჭავლში ნებისმიერი სხვა ნივთიერების გარევა დანაშაულია. თქვენივე პირით ნაღიარები ჩადენილი დანაშაულის გადაფარვას კი ახლა იმით ცდილობთ, თითქოს ეს ნივთიერება „კამიტი“ არ ყოფილა. არც მე ვამბობ, რომ ეს „კამიტი“ იყო. მაგრამ თქვენც და ჩვენც ვთანხმდებით, რომ ნივთიერების გარევა მოხდა, ანუ დანაშაული უკვე ჩადენილია, აი, რა ნივთიერება იყო და რა დოზებით, ამაზე თქვენს გამოძიებას ვერ ვენდობით, იცით, რატომ? რადგან თქვენ ხართ ხელისუფლება, რომელმაც მშვიდობიანი მოქალაქეები ნიღბიან ზონდერებს აცემინეთ, ახალგაზრდები ძვლებში დალეწეთ, ჟურნალისტებს კისერი მოტეხეთ და სასიკვდილოთ გაიმეტეთ, დაკავებულ ადამიანებს, დაკავების შემდეგ მანქანებში სცემდით, ახალგაზრდებს ჯერ სახლებში ტელეფონებზე ურეკავდით, აგინებდით, აშინებდით და შემდეგ სადარბაზოებთან ხვდებოდით და სცემდით. არ ინდობდით არც ბავშვებს და არც ქალებს. თქვენ ხართ ხელისუფლება, რომელმაც არცერთი მსგავსი ფაქტი არ გამოიძია, ხოლო შინაგან საქმეთა სამინისტროს წარმომადგენლები ხალხის ცემისთვის დააჯილდოვა. თქვენ ხართ ხელისუფლება, რომლის პირობებშიც შინაგან საქმეთა მინისტრი და მოადგილეები „მაგნიტსკის სიაში“ შევიდნენ. თუ თქვენ გგონიათ, რომ დრო გავიდა და ეს ძალადობის კადრები გაქრა ან ხალხს დაავიწყდა? თუ ასე გგონიათ, ძალიან ცდებით, „ნაცების“ მაგალითზე მაინც უნდა იცოდეთ, რომ ესეთები ქართველი ხალხის გონებიდან არ იშლება.და ამ ყველაფრის მერე, თქვენ გინდათ, რომ სიტყვაზე გენდოთ, რა ნივთიერება გაურიეთ წყალში, როცა მშვიდობიანი მოქალაქეები მოწამლეთ? თან მას შემდეგ, როცა თქვენ თვითონვე აღიარებთ დანაშაულს, რომ წყალში ნივთიერება იყო გარეული? ამას თქვენ ვერ გამოიძიებთ. ამიტომ დავაინიცირეთ საგამოძიებო კომისია, რომელიც თქვენს ინტერესშიც უნდა იყოს, რადგან საქმე მოქალაქეების ჯანმრთელობის რისკებს ეხება. და უნდა იცოდეთ, რომ თითოეული თქვენგანი, ვინც ამ საგამოძიებო კომისიის ინიციატივას მხარს არ დაუჭერს, გადაინაწილებს იმ პასუხისმგებლობას, რაც წყლის ჭავლში დამატებითი ნივთიერების გარევას ეხება. ვინც გეუბნებათ, რომ წყალში „კამიტი“ არ იყო გარეული და ამით გამშვიდებთ, უბრალოდ გატყუებთ. ხოლო თქვენს პრემიერ-მინისტრს ოდნავი პოლიტიკური ალღო რომ უმუშავებდეს, ახლა თავისი ნებით უნდა იყოს გადამდგარი. თუნდაც მისი გადადგომის ტექსტი, ისევ სხვისი წასაკითხი გახდეს“, – განაცხადა ტატა ხვედელიანმა.

აშშ უკრაინის ფინანსური მხარდაჭერის შემცირებას გეგმავს. ინფორმაციას Politico ერთ-ერთ ევროპელ დიპლომატზე დაყრდნობით ავრცელებს.გამოცემის ცნობით, ვაშინგტონი უკრაინის მხარდაჭერას მას შემდეგ შეამცირებს, რაც „დიდი შვიდეულის“ ფარგლებში ბოლო ტრანშს გადაურიცხავს.ტრანშის გამოყოფასთან დაკავშირებით გადაწყვეტილება ჯერ კიდევ 2024 წელს ჯო ბაიდენის პრეზიდენტობის დროს იყო მიღებული.როგორც Politico წერს, მომავალ წელს უკრაინას 71,7 მილიარდი დოლარის ოდენობის საბიუჯეტო დეფიციტი ექნება. კიევი იძულებული იქნება აპრილიდან სახელმწიფო ხარჯები შეამციროს, თუ მანამდე მას დაფინანსების ახალი წყარო არ გამოუჩნდება.

საქართველოს იუსტიციის მინისტრის მოადგილე გიორგი დგებუაძემ სისხლის სამართლის საერთაშორისო სასამართლოს (ICC) წესდების ხელშემკვრელ სახელმწიფოთა ასამბლეის (ASP) რიგით 24-ე სესიაში მიიღო მონაწილეობა, რომელიც ქალაქ ჰააგაში გაიმართა. ასამბლეა 1 დეკემბერს საზეიმო ღონისძიებით გახსნეს სისხლის სამართლის საერთაშორისო სასამართლოს პრეზიდენტმა - ტომოკო აკნემ და ხელშემკვრელ სახელმწიფოთა ასამბლეის პრეზიდენტმა - პეივი კაუკორანტამ. იუსტიციის მინისტრის მოადგილე გენერალური დებატების სესიაზე მოხსენებით წარსდგა. სიტყვით გამოსვლისას გიორგი დგებუაძემ დაადასტურა საქართველოს თანამშრომლობა სისხლის სამართლის საერთაშორისო სასამართლოსთან და ხაზი გაუსვა მის განსაკუთრებულ როლს საერთაშორისო დანაშაულებთან ბრძოლის მიმართულებით. იუსტიციის მინისტრის მოადგილემ ყურადღება გაამახვილა სისხლის სამართლის საერთაშორისო სასამართლოს მიერ 2008 წლის რუსეთ-საქართველოს ომის ფარგლებში ჩადენილი დანაშაულების გამოძიებასა და მასთან დაკავშირებულ სასამართლო გადაწყვეტილების აღსრულების საკითხებზე, აგრეთვე მსხვერპლთა ინტერესების დაცვის განსაკუთრებულ მნიშვნელობაზე. იუსტიციის მინისტრის მოადგილემ ასევე აღნიშნა ადამიანის უფლებათა ევროპული სასამართლოს (ECHR) გადაწყვეტილება საქართველო რუსეთის წინააღმდეგ (IV) ე.წ. განგრძობადი ოკუპაციის საქმეზე, სადაც სასამართლომ საქართველოს მთავრობის მიერ წარდგენილი პოზიცია გაიზიარა და შედეგად რუსეთის ფედერაციას საქართველოს დაზარალებული მოქალაქეების სასარგებლოდ კომპენსაციის გადახდის ვალდებულება დააკისრა. იუსტიციის მინისტრის მოადგილემ ასამბლეის ფარგლებში გამართა შეხვედრები რომის სტატუტის ხელშემკვრელ სახელმწიფოთა წარმომადგენლებთან, სისხლის სამართლის საერთაშორისო სასამართლოს მოსამართლეებთან, პროკურორებთან, აგრეთვე მონაწილეობა მიიღო სამართლებრივ დისკუსიებში სასამართლოს საქმიანობის საკითხებზე.

იმ შემთხვევაში, თუ არ არის აქციის მონაწილეთა საკმარისი რაოდენობა, არ უნდა შეაფერხონ სხვა მოქალაქეების ფეხით გადაადგილება. პოლიციას შესაძლებლობა ექნება, მათ სხვა გეზი მიუთითოს, –  ამის შესახებ პარლამენტის თავმჯდომარემ, შალვა პაპუაშვილმა განაცხადა.პაპუაშვილს  კითხვა დაუსვეს „შეკრებებისა და მანიფესტაციების შესახებ“ კანონში დაგეგმილ მორიგ ცვლილებებზე, რომლის მიხედვითაც, „სატრანსპორტო გზის გადაკეტვის ანალოგიურად, დაუშვებელი იქნება ხალხის სავალი ნაწილის ხელოვნურად გადაკეტვა, თუ ამას შეკრება-მანიფესტაციის მონაწილეთა რაოდენობა არ მოითხოვს. ასევე დაუშვებელი იქნება ხალხის სავალი ნაწილის ავტომანქანებით, სხვადასხვა კონსტრუქციით და საგნით გადაკეტვაც“.შალვა პაპუაშვილის განცხადებით, ცვლილება სრულად შესაბამისობაშია როგორც კონსტიტუციურ სტანდარტთან, ასევე სტრასბურგის სასამართლოს პრაქტიკასთან.„შესაბამისად, რაიმე სამართლებრივი წუნი ამ პროექტს არ აქვს. რაც შეეხება მთლიანად კანონპროექტს, შინაარსს, ვრცელდება იგივე პრინციპი, რაც არის მანქანების სავალ გზასთან დაკავშირებით. იგივე შეეხება მოქალაქეების გადაადგილებისთვის შეფერხების არშექმნას. შეტყობინების წესი დღესაც მოქმედებს ყველა ასეთ შეკრებასთან დაკავშირებით. შესაბამისად, იმ შემთხვევაში, თუ ამგვარი შეკრება ხელს უშლის, შეაფერხებს მოქალაქეების გადაადგილების შესაძლებლობას, პოლიციას შესაძლებლობა ექნება, სხვა გეზი მიუთითოს. ზუსტად იგივე პრინციპია, როცა მანქანით მოძრავ მოქალაქეებს არ უნდა შეექმნათ ზედმეტი დისკომფორტი, როდესაც საკმარისი რაოდენობა არ არის ადამიანებისა და გზა არ უნდა იკეტებოდეს. კარგია, რომ ამაზე შეთანხმდა მთლიანად საზოგადოება, მათ შორის ის ადამიანები, ვინც აქციებში არიან ჩართული, ამ მხრივ კანონს ემორჩილებიან და სრული გაგება არსებობს, თუ რა სტანდარტი უნდა მოქმედებდეს. იგივე ეხება ფეხით მოსიარულეების უფლებებსაც. იმ შემთხვევაში, თუ არ არის საკმარისი რაოდენობა, მათ არ უნდა შეაფერხონ სხვა მოქალაქეების ფეხით გადაადგილება. საკმარისი რაოდენობა არც იმისთვის იყო, რომ საავტომობილო გზა გადაეკეტათ, მაგრამ ხელოვნურად კეტავდნენ. გახსოვთ, ჯაჭვს შექმნიდნენ ხოლმე და ასე კეტავდნენ. ხელოვნურად არ უნდა მოხდეს გადაკეტვა, ამაზეა საუბარი“, – განაცხადა შალვა პაპუაშვილმა.

სურსათის ეროვნულმა სააგენტომ ბათუმში საბავშვო ბაღის კვების ბლოკს საწარმოო პროცესი შეუჩერა, – ინფორმაციას ამის შესახებ სურსათის ეროვნული სააგენტო ავრცელებს.მათივე ცნობით, შემოწმებისას კრიტიკული შეუსაბამობები გამოვლინდა.„სურსათის ეროვნული სააგენტოს აჭარის დეპარტამენტის ინსპექტორებმა, მიღებული შეტყობინების საფუძველზე, არაგეგმური ინსპექტირება განახორციელეს ბათუმში, ტბელ აბუსერიძის ქ N1-ში მდებარე საბავშვო ბაღში – „სტარ ბათუმი“ (ს/კ 345682692).შემოწმებისას გამოვლინდა კრიტიკული შეუსაბამობები, არასათანადო რეცხვა-დეზინფექცია და წყალმომარაგების პრობლემა. ასევე დადგინდა, რომ ბიზნესოპერატორი საქმიანობდა ეკონომიკურ საქმიანობათა რეესტრში რეგისტრაციის გარეშე.აღნიშნული შეუსაბამობების გამო ბიზნესოპერატორი დაჯარიმდა და შეუჩერდა საწარმოო პროცესი დარღვევების გამოსწორებამდე.სურსათის ეროვნული სააგენტო მოუწოდებს მომხმარებლებს, რომ დარღვევის აღმოჩენის შემთხვევაში, ინფორმაცია დატოვონ ცხელ ხაზზე – 15-01.სამომხმარებლო ბაზრის ერთობლივი მონიტორინგი და მოსახლეობის აქტიური ჩართულობა სურსათის ეროვნულ სააგენტოს საშუალებას მისცემს, დროულად გამოავლინოს და აღმოფხვრას შეუსაბამობები“, – აღნიშნულია ინფორმაციაში.