მიხეილ ყაველაშვილი – სატელეფონო საუბარი გავმართე თურქეთის პრეზიდენტთან, ამ მძიმე წუთებში თურქი ხალხის გვერდით ვართ, ვიზიარებთ თქვენს ტკივილსა და მწუხარებას

მონაწილე ვიყავი მაშინდელი დარბევის და კითხვები მქონდა ბატონ გახარიასთან, ოღონდ მაშინ მქონდა კითხვები, – განაცხადა პარტია „კანონისა და სამართლის“ ლიდერმა, თაკო ჩარკვიანმა საქართველოს პირველი არხის გადაცემაში „დღის თემა“.„დღეს რომ გახარიას პარტიის წევრები არიან, ისინი მაშინ კითხვებს არ სვამდნენ, თვალები რომ დათხარეს პატრიოტებს. დღეს კითხვები მაქვს უკვე ხელისუფლებასთან. იმიტომ, რომ პარადოქსია ასეთი ცინიზმი, რაც დღეს მოხდა. დღეს აღარ მაქვს ეს კითხვები, მართლა არ მაქვს ახლა გახარიასთან კითხვები, ახლა მაქვს ხელისუფლებასთან. იმიტომ, რომ ის დააწინაურეს. იმ საქციელის გამო, რაც მან ჩაიდინა, ხელისუფლებამ ის პირველ პირად დანიშნა, პრემიერ-მინისტრად, მას შემდეგ, რაც ეს დანაშაული მოხდა. იყო დათვის ტყვიების გამოყენება და ასე შემდეგ. ამიტომ, ასეთი რაღაცები მიმაჩნია უბრალოდ დაცინვად და სახელმწიფოებრიობის აბუჩად აგდებად ხელისუფლების მხრიდან”, – განაცხადა ჩარკვიანმა.გადაცემის წამყვანმა სტუმარს შეახსენა ხელისუფლების არგუმენტი, რომ სტრასბურგის სასამართლომ ხელისუფლებას ხელახლა დაავალა გამოძიების ჩატარება 2024 წლის მაისის გადაწყვეტილებით და ამ გამოძიების, საგამოძიებო ექსპერიმენტების შემდეგ ახალი გარემოებები გამოიკვეთა, რაზეც თაკო ჩარკვიანმა განაცხადა, რომ დღევანდელი ხელისუფლება აბსოლუტურად არასდროს არ უწევს ანგარიშს არცერთ დასავლურ ინსტიტუციას და ოპოზიციას, შეიძლება, დასჭირებოდა და მართლებიც იყვნენ, მაგრამ ხელისუფლებას არ უნდა დასჭირებოდა ეს არგუმენტი, რაც ახლა მოჰყავთ.„დასავლეთის ინსტიტუციებს ისინი ანგარიშს არ უწევენ. მაინტერესებს, კითხვები მაქვს, იმ საქციელის გამო რატომ დააწინაურეს მაშინ გახარია? პირველ პირად აქციეს ის ადამიანი და ეს ისეთი ნონსენსია, ისეთი პარადოქსია, რომ, შეურაცხყოფის გარდა, არაფერს არ იწვევს. ამიტომ ვამბობ, რომ უკვე მეც კი, ვისაც ძალიან ცუდი განწყობა მაქვს, ზოგადად, გახარიას მიმართ, თავს ვაძლევ უფლებას, ვთქვა, რომ დიახ, ეს პოლიტიკურია უკვე დღეს. იმიტომ, რომ მანამდე ხელისუფლებას ეს აქვს გაკეთებული“, – განაცხადა ჩარკვიანმა.თამთა სანიკიძის შეკითხვაზე, ხედავს თუ არა ის უშუალოდ 20 ივნისის მოვლენებთან დაკავშირებით პოლიტიკურ და სამართლებრივ ნაწილში შს მაშინდელი მინისტრის პასუხისმგებლობას, გვერდით რომ გადავდოთ ექვსი წლის შემდეგ ასეთი გადაწყვეტილების მიღება, გამოძიების ხელახლა დაწყება და ასე შემდეგ, თაკო ჩარკვიანმა განაცხადა, რომ ის ყოველთვის ხედავდა მის პასუხისმგებლობას.„მე ყოველთვის ვხედავდი, მაშინ როდესაც სხვები ვერ ხედავდნენ. მე, ზოგადად, ამ პარტიისგან არაფერი არ მიკვირს, მაგრამ დღეს „ლელოს“ არაერთი წარმომადგენლის გამოსვლა მოვისმინე და გამიკვირდა. ისინი პარტნიორები არიან, ერთად გადაწყვიტეს არჩევნებში მონაწილეობის მიღება, ლეგიტიმაცია შეუქმნეს იმ ხელისუფლებას, რომლის მიმართაც უკვე ყველას პრეტენზიები გვაქვს და დღეს, როდესაც სისხლის სამართლის საქმე აღიძრა გახარიას წინააღმდეგ, უცებ გამოაცხადეს, რომ მათაც აქვთ თურმე კითხვები. მე არ მომისმენია „ლელოსგან“ გახარიას მიმართ კითხვები. მე სულ მქონდა ეს კითხვები, სულ მქონდა, რადგან ეს იყო საზიზღრობა, რაც მაშინ მოხდა, მაგრამ დღეს ვწყვეტ ამ შეკითხვებს და დღეს კითხვებს მხოლოდ ხელისუფლებას ვუსვამ“, – განაცხადა ჩარკვიანმა.თაკო ჩარკვიანმა ასევე განაცხადა, რომ გახარიას პარტიის მიმართ სისხლის სამართლის საქმეა აღძრული, მის წევრებს კი კითხვები არ აქვთ და ხელისუფლებას ლეგიტიმაცია შეუქმნეს.„ეს, იცით, რა არის? რასაც მე ვამბობდი მუდამ და მივმართავდი, რომ ეს მოძრაობები და თამაშ-თამაშით რაღაც გარიგებები, რომ ჩვენ შემოვალთ და ხელისუფლება ხელს არ გვახლებს, არ არის ნამდვილი ბრძოლა. გულწრფელი ბრძოლა, იცით, როდის არის? როდესაც ხელისუფალს ეუბნები, მე შენთან პრეტენზია მაქვს, აი, ამაზე, მე შენთან პრეტენზია მაქვს კორუფციაზე და ასე შემდეგ“, – განაცხადა ჩარკვიანმა.

“ერთიანი ნაციონალური მოძრაობის” პოლიტიკური მდივანი, გიორგი ბარამიძე მესამე პრეზიდენტის, მიხეილ სააკაშვილის ციხეში გადაყვანას „პუტინის დავალებას“ უწოდებს. მისი თქმით, მიხეილ სააკაშვილის თანამებრძოლები გააგრძელებენ ბრძოლას. “დღეს, რამდენიმე საათის წინ, მოღალატეთა და კრიმინალთა რუსულმა რეჟიმმა გადაწყვიტა, მიხეილ სააკაშვილი სამკურნალო დაწესებულებიდან რუსთავის ციხეში გადაიყვანოს. ეს ყველაფერი ხდება პუტინის დავალებით, რადგან პუტინის მიზანია ბრძოლა დამოუკიდებელ, თანამედროვე სახელმწიფოსთან, რომლის მშენებლობის სიმბოლო არის პრეზიდენტი სააკაშვილი. ამ რეჟიმის და პუტინის მიზანია, მიხეილ სააკაშვილი და მისი გუნდი - “ერთიანი ნაციონალური მოძრაობა” დააშინოს და გაანადგუროს. ამას მოღალატეთა ბანდა ვერ მიაღწევს. მიხეილ სააკაშვილის თანამებრძოლები, ვინც რუსთავის ციხესთან მოვედით, გავაგრძელებთ ბრძოლას. დარწმუნებულები ვართ, რომ რადგან ჩვენი ბრძოლა მართალია, რადგან ჩვენი ბრძოლა არის საქართველოს გათავისუფლებისთვის , ფეხზე დაყენებისთვის და გამთლიანებისთვის, ჩვენ ყველანი ერთად გავიმარჯვებთ და ამ კრიმინალების ბანდას საკადრის პასუხს გასცემს ქართველი ხალხი. ძალა ერთობაშია! თავისუფლება პუტინის პირად ტყვეს და მძევალს მიხეილ სააკაშვილს!”,- განაცხადა ბარამიძემ რუსთავის ციხესთან.

ინდური ხალხური მედიცინის ექსპერტი სურსათის ეროვნულმა სააგენტომ 500 ლარით დააჯარიმა.ამის შესახებ სეს-ის დოკუმენტში ვკითხულობთ:„სახელმწიფო კონტროლის განხორციელებისას ადგილზე დადგინდა, რომ ბიზნესოპერატორის საქმიანობა სრულად არ შეესაბამებოდა საქართველოს კანონმდებლობით განსაზღვრულ მოთხოვნებს: ბიზნესოპერატორი არ იყო რეგისტრირებული ეკონომიკურ საქმიანობათა რეესტრში საქართველოს კანონმდებლობის შესაბამისად. ასევე, გამოვლინდა მომხმარებლისთვის სურსათის შესახებ ინფორმაციის მიწოდების წესის დარღვევის ფაქტი, რის გამოც ბიზნესოპერატორი სურსათს/ცხოველის საკვების უვნებლობის, ვეტერინარიისა და მცენარეთა დაცვის კოდექსის 65-ე მუხლის პირველი ნაწილითა და 66-ე მუხლის მე-6 ნაწილის შესაბამისად დაჯარიმდა 500 ლარის ოდენობით და შეუჩერდა საქმიანობა რეგისტრაციამდე“

საქართველოს ტექნიკურ უნივერსიტეტში ზაარლანდის ტექნიკისა და ეკონომიკის უნივერსიტეტთან (გერმანია) წარმატებული და ნაყოფიერი თანამშრომლობის 36-ე წლისთავისადმი მიძღვნილი ღონისძიებათა ციკლი დაიწყო. ამის შესახებ ინფორმაციას საქართველოს ტექნიკური უნივერსიტეტი ავრცელებს.სტუ-ის ცნობით, ღონისძიებათა ციკლის ფარგლებში, ზაარლანდის ტექნიკისა და ეკონომიკის უნივერსიტეტის დელეგაციის მონაწილეობით, გაიმართება საჯარო ლექციები, ერთობლივი სამეცნიერო სემინარები, სტუდენტური პროექტების პრეზენტაციები და კულტურული პროგრამები, რაც მიზნად ისახავს პარტნიორობის კიდევ უფრო გაღრმავებასა და ახალი ინიციატივების განვითარებას ინჟინერიის, ეკონომიკისა და ტექნოლოგიების სფეროებში. გარდა ამისა, გერმანელი სტუმრები ადგილზე გაეცნობიან საქართველოს ტექნიკური უნივერსიტეტის პარტნიორი ორგანიზაციებისა და პარტნიორი ინდუსტრიული კომპანიების საქმიანობას.ღონისძიების გახსნაში მონაწილეობდნენ სტუ-ის ბიზნესტექნოლოგიების ფაკულტეტის სამეცნიერო-აკადემიური წრეები, სტუდენტები, ასევე, ზაარლანდის ტექნიკისა და ეკონომიკის უნივერსიტეტის სტუდენტებისა და პროფესორებისგან შემდგარი დელეგაცია - პროფესორ ვილჰელმ ჰაუზერის ხელმძღვანელობით.მხარეებმა კიდევ ერთხელ აღნიშნეს, რომ გერმანულ-ქართულ აკადემიურ თანამშრომლობას უდიდესი მნიშვნელობა აქვს როგორც განათლების ხარისხის გაუმჯობესების, ასევე საერთაშორისო საგანმანათლებლო და სამეცნიერო სივრცეში ინტეგრაციის პროცესისთვის.საქართველოს ტექნიკური უნივერსიტეტის ბიზნესტექნოლოგიების ფაკულტეტის დეკანის მოვალეობის შემსრულებლის, პროფესორ რუსუდან ქუთათელაძის თქმით, წელს საქართველოს ტექნიკურ უნივერსიტეტსა და გერმანიის ზაარლანდის ტექნიკისა და ეკონომიკის უნივერსიტეტს შორის მრავალწლიანი წარმატებული თანამშრომლობის 36 წელი შესრულდა - „ეს არის პერიოდი, რომელმაც მნიშვნელოვანი კვალი დატოვა ორივე უნივერსიტეტის აკადემიურ, სამეცნიერო და კულტურულ ურთიერთობებში“, - აღნიშნა რუსუდან ქუთათელაძემ.„საქართველოს ტექნიკური უნივერსიტეტისა და ზაარლანდის ტექნიკისა და ეკონომიკის უნივერსიტეტის პარტნიორობა ნათელი მაგალითია იმისა, თუ როგორ შეუძლია საერთაშორისო თანამშრომლობას აკადემიური სივრცის გამდიდრება და სტუდენტებისთვის ახალი შესაძლებლობების შექმნა. 36 წლის განმავლობაში ჩვენ ერთობლივად განვავითარეთ არაერთი წარმატებული პროექტი, აღვზარდეთ პროფესიონალ სპეციალიტთა და მკვლევართა თაობები, რომლებიც დღეს თავიანთ ქვეყნებში ამკვიდრებენ საერთაშორისო განათლების სტანდარტებს. ჩვენი პარტნიორობის მომავალი ეტაპი მიზნად ისახავს უკვე არსებული კოლაბორაციის მეტად გაღრმავებას - გამდიდრებას ახალი კვლევითი მიმართულებებით, ინოვაციური იდეებით და რა თქმა უნდა, საერთო მიზნებით, რომლებიც მიმართულია ცოდნის, პროგრესისა და საზოგადოების განვითარებისკენ“, - განაცხადა რუსუდან ქუთათელაძემ.ზარლაანდის ტექნიკისა და ეკონომიკის უნივერსიტეტთან თანამშრომლობის 36-ე წლისთავისადმი მიძღვნილი ღონისძიებათა ციკლი ორი საჯარო ლექციით გაიხსნა. დამსწრე საზოგადოების წინაშე ბიზნესტექნოლოგიების ფაკულტეტის პროფესორი თინა იაშვილი წარსდგა საჯარო ლექციით თემაზე: „საქართველოს ეკონომიკური ტრანფორმაცია“, ხოლო პროფესორი ანზორ აბრალავა - თემით: „ქართულ-გერმანული ურთიერთობების მოკლე ისტორიული რაკურსი“.სტუ-ის ინფორმაციით, ქართულ და გერმანულ უნივერსიტეტებს შორის პარტნიორობის 36-ე წლისთავისადმი მიძღვნილი ღონისძიებათა ციკლი მიმდინარე წლის 16 ნოემბრამდე გაგრძელდება. ამასთან ერთად, ზააარლანდის ტექნიკისა და ეკონომიკის უნივერსიტეტის დელეგაცია მონაწილეობას მიიღებს 13 ნოემბერს სტუ-ის ბიზნესტექნოლოგიების ფაკულტეტის ორგანიზებით დაგეგმილ XIX საერთაშორისო სამეცნიერო კონფერენციაში - „ხელისუფლება და საზოგადოება - 2025“.

ჩვენს პრეზიდენტს, რეჯეფ თაიფ ერდოღანსა და საქართველოს პრეზიდენტს, მიხეილ ყაველაშვილს შორის სატელეფონო საუბარი გაიმართა, – ამის შესახებ ინფორმაციას თურქეთის პრეზიდენტის კომუნიკაციების დირექტორატი ავრცელებს.„მხარეებმა განიხილეს საქართველოში ჩვენი სამხედრო-სატვირთო თვითმფრინავის ჩამოვარდნის შემდეგ დაწყებული გამოძიება და ბოლო დროს განვითარებული მოვლენები. ჩვენმა პრეზიდენტმა მადლობა გადაუხადა ყაველაშვილს მიმდინარე სამუშაოებში საქართველოსთან კოორდინირებული თანამშრომლობისთვის. საქართველოს პრეზიდენტმა ჩვენს პრეზიდენტს დაღუპული ჯარისკაცების გამო სამძიმარი გამოუცხადა“,- აღნიშნულია თურქეთის პრეზიდენტის კომუნიკაციების დირექტორატის განცხადებაში.