მებაჟე ოფიცრებმა დიდი ოდენობით არადეკლარირებული ოქროს ნაკეთობების შემოტანის ფაქტები აღკვეთეს

გარემოს ეროვნული სააგენტო ამინდის განახლებულ პროგნოზს აქვეყნებს.15-17 ნოემბერს საქართველოში მოსალოდნელი ამინდი:🌧 უახლოეს დღეებში საქართველოს ცალკეულ რაიონში წვიმაა მოსალოდნელი.🌧 ქ. თბილისში მცირე წვიმა.  ჰაერის ტემპერატურა დღისით +16, +18 გრადუსი დაფიქსირდება.🌊 სანაპირო რაიონებში (ბათუმი, ქობულეთი, ანაკლია, ფოთი): 15-16 ნოემბერს მცირე წვიმაა მოსალოდენელი, ხოლო 17 ნოემბერს გამოიდარებს. ჰაერის ტემპერატურა დღისით +17, +19 გრადუსი დაფიქსირდება.🌧 დასავლეთ საქართველოს დაბლობ რაიონებში (ზესტაფონი, ქუთაისი, სამტრედია, ზუგდიდი, მარტვილი, ოზურგეთი) 15-16 ნოემბერს ზოგან მცირე წვიმაა მოსალოდენელი, ხოლო 17 ნოემბერს გამოიდარებს. ჰაერის ტემპერატურა დღისით +18, +20 გრადუსი დაფიქსირდება.🌧 დასავლეთ საქართველოს მთიან რაიონებში (ამბროლაური, ონი, ცაგერი, შოვი, ჭიათურა, საჩხერე, ხულო, რიკოთის უღელტეხილი): 15-16 ნოემბერს ზოგან მცირე წვიმაა მოსალოდენელი, ხოლო 17 ნოემბერს გამოიდარებს. ჰაერის ტემპერატურა დღისით +17, +19 გრადუსი დაფიქსირდება.🌦 დასავლეთ საქართველოს მაღალმთიან რაიონებში (მესტია, ბახმარო): 15-16 ნოემბერს ზოგან მცირე წვიმაა მოსალოდენელი, ხოლო 17 ნოემბერს გამოიდარებს. ჰაერის ტემპერატურა დღისით +11, +13 გრადუსი დაფიქსირდება.🌧 ქართლში (რუსთავი, ბოლნისი, მარნეული, გარდაბანი, გორი, ცხინვალი): ზოგან წვიმაა მოსალოდენელი. ჰაერის ტემპერატურა დღისით +17, +19 გრადუსი დაფიქსირდება.🌧 კახეთში (საგარეჯო, თელავი, გურჯაანი, სიღნაღი, ლაგოდეხი, ყვარელი, ახმეტა, დედოფლისწყარო): ზოგან წვიმაა მოსალოდენელი. ჰაერის ტემპერატურა დღისით+17, +19 გრადუსი დაფიქსირდება.🌧 აღმოსავლეთ საქართველოს მთიან რაიონებში (ახალციხე, ბორჯომი, დუშეთი, თიანეთი, ფასანაური): ზოგან წვიმაა მოსალოდენელი. ჰაერის ტემპერატურა დღისით +15, +17 გრადუსი დაფიქსირდება.🌧 აღმოსავლეთ საქართველოს მაღალმთიან რაიონებში (ახალქალაქი, წალკა, ბაკურიანი, გუდაური, ომალო): ზოგან  წვიმაა მოსალოდენელი. ჰაერის ტემპერატურა დღისით+9, +11 გრადუსი დაფიქსირდება.

5 ძლიერი ლოცვა უფლის მიმართ, რომელიც მხოლოდ 2 სიტყვისაგან შედგება:დამლოცე უფალო!წარმოთქვით ყოველთვის, როცა ღვთის კურთხევა გჭირდებათ. მაგალითად, სახლიდან გამოსვლისას, ასევე ახალი საქმის დაწყების..უფალო შემიწყალე!ეს ძალიან ძლიერი ლოცვაა, რომელიც მორწმუნე ადამიანს რთულ მომენტში და სახიფათო სიტუაციაში დაეხმარება. ის სულის დახმარებისკენაა მიმართული.დიდება უფალს!ამ სიტყვებს ვამბობთ, რომ უფლის მიმართ მადლობა გამოვხატოთ და განვადიდოთ. ღმერთი ყოველთვის ჩვენთან იმყოფება და გვეხმარება, ამიტომ მას მადლობა უნდა გადავუხადოთ და ვადიდოთ.დამეხმარე, უფალო!კიდევ ერთი ძალიან მოკლე ლოცვა, როცა უფლის დახმარება და მხარდაჭერა გჭირდებათ. მაგალითად, შეგიძლიათ მაშინ წაიკითხოთ, როცა რაღაც არ გამოგდით და სასოწარკვეთაში ვარდებით, ან სიტუაციიდან გამოსავალს ვერ ხედავთ.მადლობა უფალო!გიჭირს? გილხინს? გიხარია? გტკივა? ყოველთვის მადლობა შესწირე უფალს და წყალობა ღვთისა იქნება შენთან.

საქართველოს შინაგან საქმეთა სამინისტრომ შეიმუშავა საკანონმდებლო ცვლილებათა პაკეტი, რომლის მთავარ მიზანს საგზაო წესების მაქსიმალურად უზრუნველყოფა და საგზაო-სატრანსპორტო შემთხვევების პრევენცია წარმოადგენს.როგორც შსს-ს ინფორმაციაშია ნათქვამი, ბოლო წლების განმავლობაში, მნიშვნელოვნად გაზრდილი სატრანსპორტო საშუალებების რაოდენობისა და მზარდი მობილობის ფონზე, საგზაო უსაფრთხოება კვლავ გამოწვევად რჩება და მიუხედავად მიღწეული პროგრესისა, საქართველოში ყოველწლიურად საგზაო-სატრანსპორტო შემთხვევების შედეგად ასობით ადამიანი იღუპება ან იღებს ჯანმრთელობის მძიმე დაზიანებას.„შესაბამისად, საგზაო-სატრანსპორტო შემთხვევები და მასთან დაკავშირებული სიკვდილიანობის მაჩვენებელი სახელმწიფოს ავალდებულებს გადადგას ეფექტიანი ნაბიჯები საგზაო უსაფრთხოების წესების გამკაცრების მიმართულებით.საგზაო-სატრანსპორტო შემთხვევების გამომწვევი მიზეზების ანალიზის შედეგად დასტურდება, რომ საზოგადოებრივი უსაფრთხოების მაქსიმალურად უზრუნველყოფის მიზნით, აუცილებელია, მნიშვნელოვნად გადაიხედოს და გამკაცრდეს დღეისათვის არსებული სანქციები. შესაბამისად, საქართველოს შინაგან საქმეთა სამინისტროს მიერ მომზადდა საკანონმდებლო ცვლილებათა პაკეტი, რომლის თანახმადაც:100 ლარამდე იზრდება ჯარიმა სატრანსპორტო საშუალების გზაზე მანევრირების წესების დარღვევისთვის. ამავდროულად, ამ სამართალდარღვევისთვის მართვის მოწმობისთვის მინიჭებული ქულათა რაოდენობა შემცირდება 20 ქულით;50-დან 100 ლარამდე იზრდება სანქცია 15 კმ/სთ-ზე მეტი, მაგრამ არაუმეტეს 40 კმ/სთ-ის სიჩქარის გადაჭარბებისთვის;50 ლარამდე იზრდება სანქცია ავტომობილით მოძრაობისას მძღოლის ან მგზავრის მიერ უსაფრთხოების ღვედის გამოუყენებლობისთვის, ამავდროულად, ამ სამართალდარღვევისთვის მართვის მოწმობისთვის მინიჭებული ქულათა რაოდენობა შემცირდება 10 ქულით;50 ლარამდე იზრდება სანქცია ავტომობილის მართვის დროს მძღოლის მიერ მობილურით სარგებლობისთვის;დგომა-გაჩერების წესების დარღვევისთვის თბილისის მსგავსად, 50 ლარამდე იზრდება ჯარიმის ოდენობა ქუთაისის, ბათუმის, მცხეთის, რუსთავის, გორის, თელავის, ფოთის, ზუგდიდის მუნიციპალიტეტებში და საქართველოს კურორტებზე.დამატებით პასუხისმგებლობა დგინდება „BUS LANE“-ზე სამარშრუტო სატრანსპორტო საშუალების გარდა, სხვა სატრანსპორტო საშუალების მოძრაობის საპირისპირო მიმართულებით მოძრაობისთვის, რაც გამოიწვევს დაჯარიმებას 200 ლარის ოდენობით.ასევე, ახალ სამართალდარღვევად განისაზღვრება სატრანსპორტო საშუალების ტროტუარზე ან ქვეითთა გადასასვლელზე დგომა – გაჩერება, რაც გამოიწვევს დაჯარიმებას 100 ლარის ოდენობით. ამავდროულად, ამ სამართალდარღვევის ჩადენის შემთხვევაში, კანონით განსაზღვრული პირობების არსებობისას, სატრანსპორტო საშუალება დაექვემდებარება სპეციალურ დაცულ სადგომზე გადაყვანას.აღნიშნული საკანონმდებლო ცვლილებათა პაკეტი საქართველოს პარლამენტს უკვე წარედგინა“, – ნათქვამია ინფორმაციაში.

20 ივნისის საქმის მასალების ნაწილს გრიფი „საიდუმლო“ ადევს, ჩვენ ვითხოვთ მოეხსნას. რას მალავენ? რას მალავს „ოცნება“ 20 ივნისის საქმეში, რატომ არის ნაწილი საიდუმლო? - ამის შესახებ პარტია „გახარია საქართველოსთვის“ ერთ-ერთმა ლიდერმა, ანა ბუჩუკურმა „პალიტრანიუსის“ გადაცემაში „360 გრადუსი“ განაცხადა.რაც შეეხება გიორგი გახარიას წინააღმდეგ აღძრულ საქმეებს, ანა ბუჩუკურის განცხადებით, მიღებული გადაწყვეტილებები „სიურპრიზი არ ყოფილა“, რადგან „ინფორმაციები ჟონავს“ და ხელისუფლების ნაბიჯები წინასწარ იყო ცნობილი. როგორც ის აღნიშნავს, ბიძინა ივანიშვილის მიზანი ყოფილი პრემიერის და მისი გუნდის „პოლიტიკური სივრციდან გაწყვეტაა“.„რა თქმა უნდა, ჩვენ დადასტურებულად ვიცოდით, რომ გიორგი გახარიას წინააღმდეგ დევნას დაიწყებდნენ. გვქონდა ეს ინფორმაცია, რადგან ინფორმაციები „ჟონავს“. ასევე გვქონდა ინფორმაცია, რომ პატიმრობას შეუფარდებდნენ. ამიტომ, ის გადაწყვეტილებები, რაც გუშინ და გუშინწინ ვიხილეთ არ იყო სიურპრიზი. გარდა პერსონალური შურისძიებისა, ივანიშვილის მიზანია გიორგი გახარია და მისი პოლიტიკური გუნდი გაქრეს პოლიტიკური სივრციდან. მე გაძლევთ პირობას, რომ ეს ასე არ მოხდება. რა თქმა უნდა, გიორგი გახარია საქართველოში არ უნდა დაბრუნდეს. არა იმიტომ რომ გახარია არ მოექცევა ივანიშვილის უკანონო იურისდიქციის ქვეშ, არამედ ის ბევრად უფრო ეფექტურია გარეთ. გახარია თავისი საქმიანობით და საკუთარი სტატუსიდან გამომდინარე ძალიან ბევრს აკეთებს საქართველოსთვის. გიორგი გახარია და მისი გუნდი გააგრძელებს ბრძოლას, რასაც ჰქვია ბრძოლა საქართველოსთვის“,- განაცხადა ბუჩუკურმა.ბუჩუკური აცხადებს, რომ ივანიშვილის მიერ გიორგი გახარიას წინააღმდეგ დაწყებული პროცესი „პერსონალური პოლიტიკური ვენდეტაა“, რომელიც ბიძინა ივანიშვილმა უშუალოდ 2024 წლის საპარლამენტო არჩევნებამდე საჯაროდ დააანონსა.ბუჩუკურის თქმით, გახარიასა და ყოფილი პრემიერის, ირაკლი ღარიბაშვილის საქმეებს შორის პარალელს ვერ გაავლებს, რადგან „ღარიბაშვილის შემთხვევაში ფინანსური საკითხია, ხოლო გახარიას შემთხვევაში - პირადი შურისძიება“.„გახარიასა და ღარიბაშვილის მიმართ დაწყებულ დევნას შორის პარალელს ვერ გავავლებდი. ღარიბაშვილის შემთხვევაში თუკი მას ივანიშვილი არ პატიობს ფულის საკითხს, გახარიას შემთხვევაში ეს არის პერსონალური ვენდეტა, რომელიც პირადად ბიძინა ივანიშვილმა ღიად და საჯაროდ დააანონსა 2024 წლის არჩევნებამდე რამდენიმე დღით ადრე. ფაქტია, რომ ეს არის ივანიშვილის პერსონალური პოლიტიკური ვენდეტა. მათ შორის, არავის დაავიწყდეს გიორგი გახარიაზე ფიზიკური თავდასხმა და მეორე ფიზიკური თავდასხმა მიუნხენის საერთაშორისო აეროპორტში...ერთი მხრივ, ეს არის ივანიშვილის პერსონალური ვენდეტა, მაგრამ ასევე ზედაპირზე ჩანს, რომ „ჩორჩანას საქმეში“ „ოცნება“ ასრულებს ოკუპანტების ინტერესს. ეს არ არის მხოლოდ გიორგი გახარიაზე პოლიტიკური ვენდეტა, ამას ემატება რუსული ინტერესი”,- განაცხადა ბუჩუკურმა.რაც შეეხება გიორგი გახარიას წინააღმდეგ აღძრულ საქმეს, რომელიც 20 ივნისს უკავშირდება, ბუჩუკური აცხადებს, რომ საქმეში „ახალი არაფერი იკვეთება“, თუმცა მნიშვნელოვან მასალებს გრიფი „საიდუმლო“ ადევს, რის მოხსნასაც პარტია ითხოვს.ბუჩუკურის თქმით, ხელისუფლება „პანდორას ყუთის გახსნით“ იმუქრება, თუმცა თავადვე მალავს საქმის მნიშვნელოვან ნაწილებს.„20 ივნისთან დაკავშირებით ვიტყვი იმას, რომ საქმეში ახალი არაფერია. მასალების ნაწილს გრიფი „საიდუმლო“ ადევს. ჩვენ ვითხოვთ გრიფი „საიდუმლოს“ მოხსნას, რას მალავენ? რას მალავს „ოცნება“ 20 ივნისის საქმეში, რატომ არის ნაწილი საიდუმლო?ასევე მინდა გამოვეხმაურო რეზინის ტყვიებთან დაკავშირებულ სპეკულაციებს. სამართლებრივ ნაწილში იმდენად აბსურდია, რომ ადამიანს ეუბნებიან - მართალია გიორგი გახარიამ რეზინის ტყვიების სროლის ბრძანება არ გასცაო, მოგვიანებით გაიგოო, მაგრამ მაინც მან დააორგანიზაო ადამიანების თვალის დათხრაო.როგორც ჩანს „ოცნებას“ უნდა „პანდორას ყუთის“ გახსნა. გახსნან მაშინ. მოხსნას გრიფი „საიდუმლო“ ამ საქმეს? რას მალავს, რა აქვს დასამალი?ორივე საქმეში გიორგი გახარია სახელმწიფო ინტერესების დაცვით მოქმედებდა. ეს არის მთავარი და ეს არის ჩვენი მორალური უპირატესობა. როგორც არ უნდა აიძულონ, რომ ადამიანი ოჯახს, მშობლებს, საკუთარ სამშობლოს მოშორდეს, ფიზიკურად გაუსწორდნენ, როგორი აგრესია და სიბინძურეც არ უნდა ისმოდეს გიორგი გახარიას მიმართ - ჩვენი გუნდის ლიდერის მხარეს არის სიმართლე. გიორგი გახარია და მისი გუნდი პოლიტიკური სივრციდან არ გაქრება“,- განაცხადა ბუჩუკურმა.

ყოფილი პრემიერ-მინისტრის, ირაკლი ღარიბაშვილის ადვოკატი ამირან გიგუაშვილი აცხადებს, რომ გირაოს უძრავი ქონებით უზრუნველყოფის გადაწყვეტილება ჩვეულებრივი პრაქტიკაა და ამ საქმეში „არაფერი უჩვეულო არ მომხდარა“.ამასთან, როგორც ადვოკატმა „პალიტრანიუსის“ გადაცემაში „360 გრადუსი“ განაცხადა, ძვირადღირებული ნივთები, ოქროს ნაკეთობების ჩათვლით, რომლებიც გამოძიებამ ამოიღო, არ ეკუთვნის არც ირაკლი ღარიბაშვილს და არც მის ოჯახის წევრებს.„არაფერი უჩვეულო არ მომხდარა. პრაქტიკაში, ბრალდებულთა უმრავლესობა, ვისაც გირაოს სახით ფულადი თანხა აქვს შეფარდებული და ეს თანხა არის სოლიდური, ყველა ახდენს საკუთარი საცხოვრებელი სახლით ან სხვა უძრავი ქონებით გირაოს უზრუნველყოფას. როგორც წესი თუ ქონების ღირებულება შეესაბამება გირაოს ოდენობას ან აღემატება, სასამართლო აკმაყოფილებს მიმართვას. ბუნებრივია, რომ თანხის მოცულობის გათვალისწინებით, მიღებულ იქნა გადაწყვეტილება და ეს ალტერნატივა იქნა მიღებული.თანხა, რომელიც ამოღებულ იქნა ირაკლი ღარიბაშვილის სახლის ჩხრეკის შედეგად, ბუნებრივია, არის მტკიცებულება და მისი გამოყენება გირაოს უზრუნველსაყოფად ვერ გამოდგებოდა.ასევე ვიტყვი, რომ არცერთი ძვირადღირებული ნივთი: ოქროს ნაკეთობები, მითუმეტეს ზოდები, არცერთი ეს ნივთი არ არის არც ირაკლი ღარიბაშვილის კუთვნილება და არც მისი ოჯახის წევრების. ყველა ეს ნივთი ამოღებულ იქნა სხვა პირთა ჩხრეკის შედეგად, რომელსაც ირაკლი ღარიბაშვილის სისხლის სამართლის საქმესთან პირდაპირი და ირიბი შემხებლობა არ გააჩნია“,- განაცხადა ადვოკატმა.კითხვაზე, რა ეტაპზეა გამოძიება, ადვოკატი პასუხობს, რომ გამოძიება მიმდინარეობს და ყოფილი პრემიერი პირველივე დღიდან თანამშრომლობს საგამოძიებო უწყებებთან.„გამოძიების მიმდინარეობასთან დაკავშირებით, ჩემი დაცვის ქვეშ მყოფის ინტერესებიდან გამომდინარე გარკვეულ კომენტარებს ვერ გავაკეთებ. ბუნებრივია, საგამოძიებო მოქმედები მიმდინარეობს. ჩვენ სრულად ვთანამშრომლობთ გამოძიებასთან გამოძიების დაწყების პირველივე დღიდანვე. ბევრს გაუჩნდა კითხვა, თუ რატომ იქნა გამოყენებული გირაო. პროცესუალური სტანდარტი ასეთია - თუ პირი არაძალადობრივ დანაშაულებზე თანამშრომლობს გამოძიებასთან, მზად არის მნიშვნელოვანი გირაოს ან უძრავი ქონების ვალდებულებით დატვირთვის, თუ არ არსებობს სხვა ხელის შემშლელი ფაქტორი, მისი წარსული, სწორედ ამიტომ იქნა გამოყენებულ ასეთი აღკვეთი. ჩვენ არ გვსურს, რომ ამ საქმის მიმდინარეობასთან დაკავშირებით არსებობდეს კითხვები. ყველა ერთად დავინახავთ ამ საქმის სამართლებრივ შედეგს.ირაკლი ღარიბაშვილი აღიარებს იმ გარემოებას, რაც ბრალშია მითითებულია, რაც არის შემდეგი: როდესაც პირველად, 2016 წელს, გადადგა პრემიერ-მინისტრის თანამდებობიდან და წავიდა კერძო სექტორში, ხოლო მას შემდეგ, რაც ისევ დაბრუნდა საჯარო სექტორში, მაღალ პოლიტიკურ თანამდებობაზე, ის აგრძელებდა ბიზნეს საქმიანობას და მას ჰქონდა გარკვეული შემოსავალი, ეს ბრალია წარდგენილი მის წინააღმდეგ. ეს არ უკავშირდება ბიუჯეტის თანხების მითვისებას, გაფლანგვას ან კორუფციულ დანაშაულს“,- განაცხადა ადვოკატმა.