მამა საბა ჭიკაიძე მიმართვას ავრცელებს

ცნობილი ქართველი მწერალი და საზოგადო მოღვაწე რევაზ მაჭარაშვილი გარდაიცვალა. ამის შესახებ საქართველოს მწერალთა შემოქმედებითი კავშირი ავრცელებს ინფორმაციას.„რევაზ მაჭარაშვილი დაიბადა 1954 წლის 20 იანვარს საჩხერის რაიონის სოფელ კორბოულში. 1971 წელს სოფელ კორბოულის 1-ელი საშუალო სკოლის დამთავრების შემდეგ ჩაირიცხა საქართველოს პოლიტექნიკური ინსტიტუტის სამშენებლო ფაკულტეტის სტუდენტად, რომელიც წითელ დიპლომზე დაასრულა 1977 წელს.1984 წელს დაიცვა დისერტაცია და მიენიჭა ტექნიკურ მეცნიერებათა აკადემიური დოქტორის წოდება. რევაზ მაჭარაშვილი ლექციებს კითხულობდა საქართველოს ტექნიკურ უნივერსიტეტში, იყო საქართველოს ტრანსპორტის მინისტრის აპარატის უფროსი და კოლეგიის წევრი.რევაზ მაჭარაშვილი 9 წიგნის ავტორი იყო. ორგზის დაჯილდოვდა ღირსების ორდენით მინიჭებული ჰქონდა კონსტანტინე გამსახურდიასა და მირზა გელოვანის სახელობის პრემიები. არჩეული იყო საჩხერის საპატიო მოქალაქედ.რევაზ მაჭარაშვილის ღირსეული შემოქმედისა და პიროვნების ხსოვნა დიდხანს დარჩება ქართველ მწერალთა მეხსიერებაში“, - ნათქვამია პოსტში.

ჩვენც შეგვიძლია, ბევრი რამ მივუთითოთ, რაც ამერიკაში არასწორია, მაგრამ ჩვენ ასე არ ვმუშაობთ, არ ვაპირებთ სხვა ქვეყნების შიდა საქმეებში ჩარევას, – ამის შესახებ ევროკავშირის საგარეო პოლიტიკის ხელმძღვანელმა, კაია კალასმა განაცხადა.კალასის თქმით, აშშ-ის კრიტიკა ევროპის მიმართ არასწორია და ევროკავშირმა თვითდაჯერებულობა უნდა შეინარჩუნოს.„რაც შეეხება აშშ-ის თავდასხმებს ევროპულ გზასა და სტრატეგიაზე, ვფიქრობ, ჩვენ უფრო თვითდაჯერებული უნდა ვიყოთ, რადგან ყველა ის საკითხი, რასაც ევროპის შესახებ კითხულობთ, არ არის სიმართლე. მეჩვენება, რომ ეს არის შექმნილი პროვოკაციისთვის, რათა ჩვენ რეაგირება მოვახდინოთ. ასევე იყო Financial Times-ის სტატია, რომელიც აჩვენებდა, რომ ის საკითხები, რასაც ისინი ეროვნული უსაფრთხოების სტრატეგიაში აღნიშნავენ, ევროპაში არ არის უარესი, ვიდრე ამერიკაში“, – განაცხადა კალასმა.მისივე თქმით, მიუხედავად იმისა, რომ ასეთმა კრიტიკამ, შეიძლება, გააღვივოს განხეთქილება, როგორც ევროკავშირსა და აშშ-ს, ასევე თავად ევროპულ ქვეყნებს შორის, კვლავ ევროპის სტრატეგიულ პრიორიტეტებზე უნდა იყოს ყურადღება გამახვილებული.„პოლიტიკაში თუ ისეთ საკითხებზე იწყებ დებატებს, რომლებიც იცი, რომ სიმართლეს არ შეესაბამება, მაშინ რეალურად იღებ ამას. ანუ, ჩვენ ვიცით, რომ ეს აბსურდია. ევროკავშირი თავისუფლების არსია. ამიტომ თავისუფლებებთან დაკავშირებული ნებისმიერი ასეთი კრიტიკა მიმართული უნდა იყოს სხვა მხარეს. შესაძლოა, რუსეთისკენ, სადაც განსხვავებული აზრი აკრძალულია, სადაც თავისუფალი მედია აკრძალულია, სადაც პოლიტიკური ოპოზიცია აკრძალულია, სადაც X ან Twitter-ი, როგორც ჩვენ ვიცით, ფაქტობრივად, ასევე აკრძალულია. ჩვენც შეგვიძლია, ბევრი რამ მივუთითოთ, რაც აშშ-ში არასწორია, მაგრამ ეს არ არის ჩვენი მუშაობის მეთოდი. ჩვენ არ ვაპირებთ სხვა ქვეყნების შიდა საქმეებში ჩარევას“, – განაცხადა კალასმა.კალასმა ასევე აღნიშნა, რომ ევროპა, ამის ნაცვლად, საკუთარი თავდაცვის გაძლიერებაზეა ორიენტირებული. ამასთან, კალასის თქმით, აუცილებელია რუსეთზე ზეწოლა, რათა ის რეალურ მოლაპარაკებებამდე მივიდეს. ამავდროულად, კალასმა განაცხადა, რომ ევროკავშირის ყველა წევრი სახელმწიფო ომის დაწყების პირველ თვეებში უკრაინას იმავე დონის სამხედრო დახმარებას თუ გაუწევდა, როგორსაც ახლა უწევს, შესაძლოა, განსხვავებული შედეგი ყოფილიყო.კალასმა ასევე განაცხადა, რომ ნებისმიერი წარმატებული სამშვიდობო გეგმა მოითხოვს ევროპის ერთიანობას.„თქვენ შეგიძლიათ, შეთანხმდეთ ნებისმიერ რამეზე, მაგრამ ევროპელები ან უკრაინელები ამას თუ არ ეთანხმებიან, მაშინ ეს უბრალოდ არ იმუშავებს“, – აღნიშნა კაია კალასმა.

გერმანია დაინტერესებულია სომხეთის ევროპასთან დაახლოებით, – ამის შესახებ გერმანიის კანცლერმა, ფრიდრიხ მერცმა განაცხადა.კერძოდ, ბერლინში სომხეთის პრემიერ-მინისტრ ნიკოლ ფაშინიანთან ერთობლივი პრესკონფერენციის დროს, ჟურნალისტის კითხვაზე, „არის თუ არა მზად გერმანია, მხარი დაუჭიროს სომხეთის ევროკავშირში ინტეგრაციის შესაძლებლობას“, მერცმა უპასუხა, რომ გერმანია სომხეთის ევროპასთან დაახლოებით დაინტერესებულია.„ჩვენ გვაქვს შეთანხმებები კონკრეტულ პროექტებზე. გერმანია ასევე დაეხმარება სომხეთს ენერგომომარაგების სექტორში რიგ პროექტებში, რათა მიაღწიოს მეტ დამოუკიდებლობას ამ სფეროში“, – აღნიშნა მერცმა.მისივე თქმით, ამ საკითხთან დაკავშირებით სომხეთის პრემიერ-მინისტრთან ძალიან შინაარსიანი საუბარი ჰქონდა და შესაბამის შეთანხმებებს მიაღწიეს. ამასთან, მერცის განცხადებით, საპარლამენტო არჩევნები, რომელიც სომხეთში ივნისში უნდა ჩატარდეს, ასეთი დემოკრატიული განვითარების განუყოფელი ნაწილია.„თუმცა, საგანგაშოა, რომ ნორმალური გახდა არჩევნებზე დემოკრატიის მტრების თავდასხმა. კერძოდ, რუსეთი ცდილობს, სომხეთში ამომრჩევლებს დასავლელ პარტნიორებთან ზედმეტად დაახლოების შიში აგრძნობინოს. ის ევროკავშირის მიზნებისა და ღირებულებების შესახებ სიცრუეს ავრცელებს. ჩვენ ეს ვიცით – დეზინფორმაცია, საბოტაჟი, დრონები. რუსეთი ჰიბრიდული ზომების გამოყენებით ცდილობს არა მხოლოდ ევროპის, არამედ სომხეთის დესტაბილიზაციას. და, რა თქმა უნდა, რუსული აგრესია ყოველდღიურად ყველაზე უარესი ფორმით ვლინდება უკრაინის ქალაქებზე დრონებითა და რაკეტებით თავდასხმების სახით. რუსეთის აგრესიული ომი, ტანჯვა და ნგრევა უნდა დასრულდეს. სწორედ ამიტომ ვმუშაობთ ჩვენ ასე გულმოდგინედ, რათა ვიპოვოთ გზები სამართლიანი და მდგრადი მშვიდობის მისაღწევად. გერმანიას ამ მხრივ ძალიან მკაფიო მოქმედების კურსი აქვს. უკრაინის შესახებ გადაწყვეტილება უკრაინის გარეშე ისეთივე წარმოუდგენელია, როგორც ევროპის შესახებ გადაწყვეტილება ევროპელების გარეშე. უკრაინისთვის, კიევისთვის ნაკარნახევი მშვიდობა წარმოუდგენელია“, – განაცხადა მერცმა.თავის მხრივ, ფაშინიანმა აღნიშნა, რომ სომხეთი ძალიან აფასებს გერმანიის პოლიტიკურ ნებას და მხარდაჭერას.„ეს ვიზიტი ნამდვილად ისტორიულია, რადგან დღეს სომხეთსა და გერმანიას შორის ურთიერთობები სტრატეგიული პარტნიორობის ფაზაში შედის, რაც ახლახან დადასტურდა სომხეთსა და გერმანიას შორის ორმხრივი პარტნიორობის სტრატეგიული დღის წესრიგის შესახებ დეკლარაციის ხელმოწერით. ჩვენს ქვეყნებს შორის ურთიერთობები ეფუძნება ურთიერთპატივისცემას, ნდობასა და იმ ღირებულებებს, რომლებიც გვაერთიანებს: ადამიანის უფლებების, დემოკრატიისა და კანონის უზენაესობისადმი საერთო ერთგულებას“, – განაცხადა ფაშინიანმა.

ქართველ ხალხსა და ქართულ საზოგადოებას პროტესტი აქვს სწორედ იმის მიმართ, რომ 150 ადამიანი ცდილობს, იძალადოს 4 მლნ ადამიანზე, – ამის შესახებ პრემიერ-მინისტრმა, ირაკლი კობახიძემ ჟურნალისტებს განუცხადა.კითხვაზე, რომელიც 4 ოქტომბრის აქციას შეეხებოდა, მთავრობის მეთაურმა აღნიშნა, რომ კონკრეტულმა ადამიანებმა მონაწილეობა მიიღეს დამხობის აქციაში და მხოლოდ მაშინ გაემიჯნენ დამხობის ორგანიზატორებს, როდესაც ეს გეგმა ჩავარდა.„ეს იყო დამხობის ღია მცდელობა, პირდაპირ ასე ერქვა 4 ოქტომბერს ჩატარებულ აქციას. დამხობის აქციაში მონაწილეობა მიიღეს სამი  პოლიტიკური პარტიის წარმომადგენლებმა, ექსპრეზიდენტმა სალომე ზურაბიშვილმა და ა.შ. ადამიანებმა პირდაპირ მიიღეს მონაწილეობა დამხობის აქციაში და მხოლოდ მაშინ გაემიჯნენ დამხობის ორგანიზატორებს, როდესაც დამხობა ჩავარდა. საზოგადოებამ დაინახა ყველაფერი, აქედან გამომდინარე, რა თქმა უნდა, საზოგადოების ნდობა ამ ადამიანებს არ აქვთ. 150 კაცის გამოსვლა არ არის პროტესტი, ეს არ არის ქართველი ხალხისა და საზოგადოების პროტესტი. ქართველ ხალხსა და ქართულ საზოგადოებას პროტესტი აქვს სწორედ იმის მიმართ, რომ 150 ადამიანი ცდილობს, იძალადოს 4 მლნ ადამიანზე, ამის მიმართ აქვს პროტესტი ქართველ ხალხს“, – განაცხადა პრემიერმა.

ოპოზიციისა და გარე ძალების მხრიდან ყველა თავისუფლება გამოყენებულია იმისთვის, რომ მოქალაქეების ცხოვრება იდგეს მუდმივი შანტაჟის ქვეშ, – ამის შესახებ „ქართული ოცნების“ წევრმა, ირაკლი ქადაგიშვილმა საქართველოს პირველ არხს განუცხადა.ქადაგიშვილის თქმით, ეს ყველაფერი არის დაგეგმილი აქციები, რომლის მიზანია, საზოგადოებაში გამოეწვიათ დესტრუქცია, უკმაყოფილება და ხალხისთვის ეჩვენებინათ, რომ სახელმწიფო მათ ინტერესებს ვერ დაიცავს.„მათი მცდელობა იყო, საზოგადოება მოემზადებინათ, რათა ხელისუფლების ჩამოშლის სცენარი განხორციელებულიყო. ხელისუფლება ვალდებულია, საზოგადოებაზე ასეთი ზეწოლა აღკვეთოს და ის გონივრული ბალანსი უნდა დადგეს, როცა გამოხატვის თავისუფლება იყოს, მაგრამ სახელმწიფოს ჩამოშლის საშუალება არავის მიეცეს. სახელმწიფოს მხრიდან ყველა უკანონო ქმედებას კანონიერი პასუხი ექნება“, – განაცხადა ქადაგიშვილმა.