Freedom House: ინტერნეტ-თავისუფლებისა და ინტერნეტ-მომხმარებელთა უფლებრივი მდგომარეობის მხრივ საქართველო ევრაზიაში ლიდერობს
ინტერნეტ თავისუფლებისა და ინტერნეტ მომხმარებელთა უფლებრივი მდგომარეობის მხრივ Freedom House-ი საქართველოს ევრაზიის ლიდერ ქვეყნად ასახელებს. გლობალურ რეიტინგში საქართველო მეშვიდე-მეათე ადგილს იკავებს ისეთი ქვეყნების გვერდით, როგორიცაა აშშ, იტალია და ავსტრალია.
ანგარიშის მიხედვით, წელს საქართველოს მინიჭებული აქვს 76 ქულა, რაც წინა წლების მაჩვენებელზე 1 ქულით მეტია. ანგარიშში ხაზგასმულია და დადებითად არის შეფასებული საქართველოს საკონსტიტუციო სასამართლოს გადაწყვეტილება, რომლის მიხედვითაც ბათილად იყო ცნობილი რეგულაცია მიუღებელი შინაარსისა და კონტენტის შესახებ, რაც საფრთხის წინაშე აყენებდა მედიასაშუალებებისა და ინტერნეტ-პროვაიდერების სიცოცხლისუნარიანობას.
Freedom House-ის მიერ გამოქვეყნებულ ანგარიშს გამოეხმაურა აშშ-ში საქართველოს ელჩი დავით ბაქრაძე.
„მოხსენებაში აღნიშნულია, რომ იმ ფონზე, როდესაც კორონავირუსთან ბრძოლის ეგიდით შეიზღუდა ინტერნეტ თავისუფლება რიგ ქვეყნებში, საქართველომ არა მხოლოდ შეინარჩუნა რეგიონში ლიდერის პოზიცია, არამედ გაიუმჯობესა თავისი მაჩვენებელი და აშშ-ის, იტალიისა და ავსტრალიის მაჩვენებლებს გაუთანაბრდა. საქართველო მოყვანილია როგორც მაგალითი იმისა, რომ დამოუკიდებელი და სამართლიანი სასამართლო ძალიან ძლიერი ბერკეტია ინტერნეტ-თავისუფლების დაცვისთვის“, – განაცხადა ბაქრაძემ.
ანგარიშის ავტორებმა შეისწავლეს 65 ქვეყანაში 3,8 მილიარდი ინტერნეტ-მომხმარებლის უფლებრივი მდგომარეობა და დაადგინეს, რომ 29 ქვეყანაში ვითარება ამ მხრივ გაუარესდა, 23 ქვეყანაში კი გაუმჯობესდა.
About Post Author
ქეთევან ნინუა
Comments
ახალგაზრდა ქართველი მეცნიერი მოულოდნელად გარდაიცვალა
ცოტა ხნის წინ ახალგაზრდა კაცი გარდაიცვალა, სამწუხარო ინფორმაცია სოციალურ ქსელში ვრცელდება. „გალის საგანმანათლებლო რესურსცენტრი ღრმა მწუხარებით იზიარებს ქ. გალის მე-2...
20-ათასზე მეტი მოქალაქე მაისიდან მომატებულ კომპენსაციას მიიღებს – ვის შეეხება ცვლილება
ჯანმრთელობის დაცვისა და სოციალურ საკითხთა კომიტეტმა „სახელმწიფო კომპენსაციისა და სახელმწიფო აკადემიური სტიპენდიის შესახებ“ კანონში შესატანი ცვლილებები მესამე მოსმენით განიხილა და...
ზურა ყიფშიძის საჯარო კრიტიკა და შვილიშვილის პასუხი – “ვაი მე! სადა ბანაობ? შვილო! შე ვირიშვილო
ნატალია ყიფშიძის მიერ “ტელეკომპანია პირველის” პირდაპირ ეთერში გამოთქმულ აზრს, რომ აქციებზე ყოფნით ის ქვეყნის მომავალს იცავს, მისი ბაბუა, მსახიობი ზურა...
ბათუმში, ავარიას სამი წლის ბავშვის სიცოცხლე ემსხვერპლა
ბათუმში ავტოსაგზაო შემთხვევა ტრაგედიით დასრულდა, ავტომობილის შეჯახებას, სამი წლის ბავშვის სიცოცხლე ემსხვერპლა. დაშავებული სასწრაფო-სამედიცინო დახმარების ბრიგადამ კლინიკაში გადაიყვანა, თუმცა მისი...
საქართველოს ტექნიკური უნივერსიტეტის დოქტორანტი მიწისქვეშა წყაროების მარაგების ოპტიმალური განაწილების მეთოდიკას იკვლევს
საქართველოს ტექნიკური უნივერსიტეტის სამშენებლო ფაკულტეტის, საგანმანათლებლო პროგრამის - მშენებლობა, დოქტორანტი ნიკოლოზ კახიძე, პროფესორ ზურაბ გვიშიანის ხელმძღვანელობით, თემაზე - „დასახლებული პუნქტებისთვის...
საქართველოს ტექნიკურ უნივერსიტეტში სტუდენტთა 88-ე ღია საერთაშორისო სამეცნიერო კონფერენცია გაიხსნა
“სწორედ ასეთ კონფერენციებზე დაწყებული სტუდენტური სამეცნიერო საქმიანობა იქნება ის, რასაც მომავალში საქართველოს ეკონომიკა დაემყარება. ჩვენ გვქონდა საშუალება გავცნობოდით სტუდენტების მიერ...