0
0
აშშ-ის პრეზიდენტი ჯო ბაიდენი გაერო-ს რეფორმირებას ითხოვს. მისი თქმით, აშშ მხარს უჭერს უშიშროების საბჭოში მუდმივმოქმედი და არამუდმივმოქმედი წევრების რაოდენობის გაზრდას.
„მე მჯერა, რომ დადგა დრო, ეს ინსტიტუტი უფრო ინკლუზიური გახდეს, რათა უკეთესად უპასუხოს მსოფლიოში დღეს არსებულ საჭიროებებს. გაერო-ს უშიშროების საბჭოს წევრებმა, მათ შორის აშშ-მა თანმიმდევრულად უნდა შეასრულონ და დაიცვან გაერო-ს წესდება და თავი შეიკავონ ვეტოს გამოყენებისგან, იშვიათი და განსაკუთრებული სიტუაციების გარდა, რათა უზრუნველყონ, რომ საბჭო დარჩეს სანდო და ეფექტიანი. აშშ ასევე მხარს უჭერს საბჭოში როგორც არამუდმივი, ისე მუდმივმოქმედი წევრების რაოდენობის გაზრდას. ეს ეხება მუდმივ ადგილებს იმ წევრებისთვის, რომლებსაც დიდი ხანია, მხარს ვუჭერდით – მუდმივ ადგილებს აფრიკის, ლათინური ამერიკისა და კარიბის ზღვის ქვეყნებისთვის“, – განაცხადა ჯო ბაიდენმა გაერო-ს გენერალური ასამბლეის 77-ე სესიაზე სიტყვით გამოსვლისას.
გაერო-ს უშიშროების საბჭო ხუთი მუდმივმოქმედი და ათი არამუდმივი წევრისგან შედგება.
