ძმები, რომლებიც ჭიდაობაში მსოფლიო ჩემპიონები გახდნენ, თბილისში ბინას მიიღებენ
Read Time:26 Second
თავისუფალი სტილით ჭიდაობაში მსოფლიოს მოქმედ ჩემპიონებს ავთანდილ და ნიკოლოზ კენჭაძეებს თბილისში ოროთახიანი ბინა გადაეცემათ. ინფორმაციას “რადიო თავისუფლება” ავრცელებს.
23-წლამდელთა მსოფლიოს პირველობიდან დაბრუნებული ძმები 23 ნოემბერს მშობლიურ ამბროლაურში ჩავიდნენ და სოფელ ჭრებალოში, მათი სახელობის სპორტული დარბაზის გახსნას დაესწრნენ. მოულოდნელი საჩუქრის შესახებაც იქვე, რაჭა-ლეჩხუმისა და სვანეთის მაჟორიტარი დეპუტატისგან გოჩა ენუქიძისგან, შეიტყვეს.
ნიკოლოზ და ავთანდილ კენჭაძეები უკვე წლებია, თბილისში, სპორტსკოლაში ცხოვრობენ და საქართველოს ასაკობრივ ნაკრებებშიც დიდი ხანია, დამკვიდრდნენ. წელს ნიკოლოზ კენჭაძემ 23-წლამდელთა მსოფლიოს ჩემპიონატამდე რამდენიმე კვირით ადრე უფროსებს შორისაც იჭიდავა მსოფლიო ჩემპიონატზე და ვერცხლის მედალსაც დაეუფლა.
Happy
0 %
Sad
0 %
Excited
0 %
Sleepy
0 %
Angry
0 %
Surprise
0 %
Comments
0
0
