შოთა ხაბარელი ძიუდოს ფედერაციაში არსებულ “ატკატებზე”: ეს კანონდარღვევაა
Read Time:31 Second
საქართველოს პარლამენტის სპორტისა და ახალგაზრდობის კომიტეტის თავმჯდომარის მოადგილე და სპორტის დამსახურებული ოსტატი, შოთა ხაბარელი ძიუდოს ფედერაციაში არსებულ “ატკატებზე” საუბრობს და აცხადებს, რომ ეს კანონდარღვევაა.
ამის შესახებ ხაბარელმა „აიპრესთან ინტერვიუში განაცხადა.
“მინდა გითხრათ, რომ კანონით, ფაქტობრივად ასეთი რამ არ უნდა ხდებოდეს. პირდაპირ გეტყვით, დარღვევაა. მიუხედავად იმისა, რომ პრეზიდენტს ჰქონდა საშუალება, ის ბიუჯეტი, რომელიც მას გამოყოფილი აქვს სახელმწიფოსგან, თავისუფლად გადაენაწილებინა. რატომ დასჭირდა ეს მანიპულაცია, ჩემთვის გაუგებარია”, – განაცხადა ხაბარელმა.
საზოგადოებრივი მაუწყებლის ეთერში, ძიუდოს მწვრთნელმა, ლევან ციგრიაშვილმა განაცხადა, რომ მას, 700 ლარიანი ხელფასიდან, ყოველთვიურად 200 ლარს უკან ართმევდნენ. ძიუდოს ფედერაციის პრეზიდენტმა, დავით ქევხიშვილმა კი “პალიტრანიუსის” ეთერში აღნიშნული ფაქტი დაადასტურა და განაცხადა, რომ ის ამ ფულს სხვა მწვრთნელებს აძლევდა.
Happy
0 %
Sad
0 %
Excited
0 %
Sleepy
0 %
Angry
0 %
Surprise
0 %
Comments
0
0
