0
0
მათ მიერ დაანონსებულ გეგმაზე იმის თქმა შემიძლია, რომ კარგია, რომ რეგიონებში გადიან. მისასალმებელია. გამოვიდნენ ტელესტუდიებიდან, სოციალური ქსელებიდან და ნახონ, რეალურად, რა აწუხებთ ჩვენს მოქალაქეებს, რა არის რეალური პრობლემები და არა ის გამოგონილი საკითხები, – ამის შესახებ „ქართული ოცნების“ პოლიტსაბჭოს წევრმა, შალვა პაპუაშვილმა პარტიის ოფისში გამართულ ბრიფინგზე განაცხადა.
„ჩვენი ევროპელი მეგობრებიც მოუწოდებენ, დაანებონ თავი კრიზისების შექმნის იმიტაციას და მიხედონ რეალურ საკითხებს. რეალური საკითხია პანდემია. დღეს, პარლამენტთან გამართულ მიტინგზე არცერთ ლიდერს არ ეკეთა პირბადე. ზოგიერთი მათგანი, ბოლო დღეებში ამბობდა, რომ ნებაყოფლობით აცრისთვის მზად იყო. აცრის გაკეთებას, სჯობს, პირბადე გაიკეთონ და ეს აჩვენონ საკუთარ მოქალაქეებს. ის, რაც მიტინგზე ვნახეთ, რა თქმა უნდა, მიუღებელია“ – განაცხადა შალვა პაპუაშვილმა.
