ყოფილი პატიმრებისთვის მცირე ბიზნესგრანტების გაცემა დაიწყო
Read Time:41 Second
არასამთავრობო ორგანიზაცია “სიდამ” ყოფილი პატიმრებისთვის მცირე ბიზნესგრანტების გაცემა დაიწყო. პროექტის ფარგლებში 110 ბიზნესგრანტი გაიცემა. ინფორმაციას “კახეთის ხმა” ავრცელებს.
პირველ ეტაპზე ბიზნეს-გეგმების კონკურსში გამარჯვებულ 43 ბენეფიციარს სხვადასხვა პროდუქცია, ტექნიკა და ბიზნესისათვის საჭირო მასალები გადაეცემა კახეთში, თბილისში, აჭარაში, იმერეთში, გურიაში, სამეგრელოში, შიდა ქართლსა და ქვემო ქართლში.
“ბიზნეს გრანტები ხელს უწყობს პროექტის ბენეფიციართა ჩართულობასა და გაძლიერებას ისეთ სფეროებში, როგორიცაა: სოფლის მეურნეობა, მშენებლობა, ტურიზმისა და მომსახურების სფეროები. გადაცემის პროცესი 6 თებერვლიდან დაიწყო და ამ ეტაპზე გრანტი 5 ბენეფიციარზე გაიცა. სიდას და იუსტიციის სამინისტროს წარმომადგენლებმა გრანტი გადასცეს იუსტიციის სამინისტროს სსიპ ,,დანაშაულის პრევენციის ცენტრის” ,,ყოფილ პატიმართა რეაბილიტაციისა და რესოციალიზაციის პროგრამის” ბენეფიციარებს. პროექტის ფარგლებში ბენეფიციართა ხელშეწყობა ხორციელდება უშუალოდ ბიზნესისთვის საჭირო პროდუქტით და არა ფულადი სახით, ეს ფორმა კი უფრო მეტად განაპირობებს ბიზნესის მდგრადობასა და განვითარებას“, – ამბობს პროექტის მენეჯერი ნინო დემეტრაშვილი.
პროექტის მიზანია ყოფილი პატიმრების ეკონომიკური შესაძლებლობების განვითარების ხელშეწყობა და მათი რეინტეგრაციის პროცესის მხარდაჭერა.
Happy
0 %
Sad
0 %
Excited
0 %
Sleepy
0 %
Angry
0 %
Surprise
0 %
Comments
0
0
