ქუთაისში COVID19-ის რვა ახალი შემთხვევა გამოვლინდა
Read Time:45 Second
ქუთაისში კორონავირუსი კიდევ 8 ადამიანს დაუდასტურდა. ყველა მათგანი პედაგოგების კონტაქტებია – ამის შესახებ სახელმწიფო რწმუნებულმა იმერეთში ზვიად შალამბერიძემ განაცხადა.
მისივე თქმით, დასრულდა ინტერვენციული მედიცინის ცენტრის ექიმის კოლეგების ტესტირებაც და ყველა პასუხი უარყოფითია. გვიან ღამით მედიკოსის სხვა ახლო კონტაქტების ტესტირების პასუხებს ელოდებიან.
ქალაქის ცენტრში გაშლილ კარავში კი PCR კვლევა 300 -მდე ადამიანმა ჩაიტარა.
დღეს საქართველოში კორონავირუსის 87 ახალი შემთხვევა გამოვლინდა. ამ დროისთვის საქართველოში კორონავირუსის 1917 შემთხვევაა დადასტურებული. განკურნებულთა რაოდენობა კი 1354-ს შეადგენს. უცხოეთიდან სამკურნალოდ გადმოყვანილია საქართველოს 41 მოქალაქე. კორონავირუსის შედეგად, ქვეყანაში 19 პაციენტი გარდაიცვალა.
ვირუსით ინფიცირების პირველი შემთხვევა ქვეყანაში 2020 წლის 26 თებერვალს დადასტურდა. 21 მარტს საქართველოში საგანგებო მდგომარეობა ამოქმედდა, 31 მარტიდან კი – საყოველთაო კარანტინის რეჟიმი.
ჯანდაცვის მსოფლიო ორგანიზაციამ კორონავირუსთან დაკავშირებით პანდემია 2020 წლის 11 მარტს გამოაცხადა. მანამდე კი, 30 იანვარს ჯანმომ კორონავირუსი გლობალურ საფრთხედ გამოაცხადა. ჩინეთში პნევმონიის აფეთქება 2019 წლის დეკემბერში დაიწყო. ის გამოწვეულია კორონავირუსის აქამდე უცნობი შტამით.
21 იანვარს ჩინეთმა დაადასტურა, რომ კორონავირუსი გადამდებია. მომხდარის გამო ქვეყნის ორ ქალაქში კარანტინი გამოცხადდა.
Happy
0 %
Sad
0 %
Excited
0 %
Sleepy
0 %
Angry
0 %
Surprise
0 %
Comments
0
0
