ფარნა მახოხაშვილი მასზე ცრუ ინფორმაციის გავრცელების გამო, რამაც მისი ბებიის გარდაცვალება გამოიწვია, აპირებს „ტვ პირველს“ სასამართლოში უჩივლოს
Read Time:40 Second
ფარნა მახოხაშვილი მასზე ცრუ ინფორმაციის გავრცელების გამო, რამაც მისი ბებიის გარდაცვალება გამოიწვია, აპირებს „ტვ პირველს“ სასამართლოში უჩივლოს.
კულტურისა და ტურიზმის სააგენტოს თანამშრომელი ამის შესახებ სოციალურ ქსელში წერს. აღნიშნული პოსტით იგი უარყოფს, რომ გორში „ნაციონალური მოძრაობის“ ოფისის ფანჯრები მან ჩაამსხვრია.
„ტვ პირველმა“ ჩემს მიმართ ცრუ ინფორმაცია გაავრცელა, ვითომ მე ჩავამტვრიე „ნაციონალური მოძრაობის“ ოფისის ფანჯრები გორში, რაც აბსოლუტური ტყუილია. ამ მატყუარა ტელევიზიების ყურებისას ჩემი მოხუცი ბებია შეუძლოდ გახდა და გარდაიცვალა, რასაც არასდროს ვაპატიებ მატყუარა, მოძალადეებს.
„ტვ პირველმა“ ეს ტყუილი გაავრცელა იმიტომ, რომ ირაკლი კობახიძესთან მაქვს გადაღებული ფოტო, რაც გაავრცელა კიდეც ისე, რომ არც კი მკითხა „ტვ პირველმა“ ჩემი პირადი ფოტოების გავრცელებაზე თანხმობა.
მერამდენე ადამიანის სიცოცხლე უნდა შეიწიროს მათმა ტყუილმა და ფსიქოლოგიურმა ტერორმა? აუცილებლად ვაგებინებ პასუხს სასამართლოს გზით ამ მავნებლებს ჩემი შეურაცხყოფისა და რაც მთავარია, ბებიის გამო, რომელსაც მათმა ტერორმა და ტყუილმა სიცოცხლე წაართვა!“, – წერს პარნა მახოხაშვილი.
Happy
0 %
Sad
0 %
Excited
0 %
Sleepy
0 %
Angry
0 %
Surprise
0 %
Comments
0
0
