თბილისში გამოქცეულმა საუდელმა დებმა მაჰამ და ვაფა ალ-სუბაიებმა თავშესაფარი მიიღეს და საქართველოდან მიემგზავრებიან. ამის შესახებ დებმა Twitter-ზე დაწერეს.
გოგოები განმარტავენ, რომ ახალი საცხოვრებლის ადგილმდებარეობას არ გაასაჯაროებენ.
“მოხარული ვართ გაცნობოთ, რომ საქართველოს ვტოვებთ. ახალ ქვეყანაში ახალ ცხოვრებას ვიწყებთ. გვინდა მადლობა გადავუხადოთ ყველას, ვინც მხარს გვიჭერდა”, – წერენ დები.
საუდის არაბეთიდან გაქცეულმა დებმა 16 აპრილს Twitter-ზე რომ საქართველოში იყვნენ. ისინი გაეროს ლტოლვილთა სააგენტოსგან დაცვას მოითხოვდნენ. როგორც დები ჰყვებოდნენ, მათ მამას ტელეფონი მოჰპარეს, რომელშიც შესაბამისი აპლიკაცია იყო და თავად გასცეს თავიანთ მოგზაურობაზე ნებართვა. წინააღმდეგ შემთხვევაში საუდის არაბეთის დატოვების საშუალებას აეროპორტში არ მისცემდნენ. მოგვიანებით საუდელი დები შსს-მ უსაფრთხო თავშესაფარში გადაიყვანა.