ნიკოლოზ ბასილაშვილი დუბაის საჩოგბურთო ტურნირის 1/4 ფინალში გავიდა
Read Time:32 Second
არაბეთის გაერთიანებული საემიროების ქალაქ დუბაიში მიმდინარე საჩოგბურთო ტურნირზე ნიკოლოზ ბასილაშვილი წინ მიიწევს.
ქართველმა ჩოგბურთელმა 1/8 ფინალურ ეტაპზე ATP-ს რეიტინგის მე-18 ჩოგანი ესპანელი რობერტო ბაუტისტა-აგუტი დაამარცხა.
ბრძოლა დაძაბული გამოდგა. ქართულ-ესპანურმა დაპირისპირებამ 2 საათი და 14 წუთი გასტანა.
საბოლოოდ ბასილაშვილმა პირველი სეტის ტაიბრეიკით წაგების შემდეგ ძალები მოიკრიფა და დარჩენილი 2 სეტი თავის სასარგებლოდ დაასრულა.
შეხვედრაში ნიკოლოზ ბასილაშვილმა 6-7, 6-4, 6-3 გაიმარჯვა.
ქართველი ჩოგბურთელი დუბაის ღია პირველობის 1/4 ფინალში გავიდა. იქ კი მას ორთაბრძოლის გამართვა ტურნირზე მე-6 ნომრად განთესილ ხორვატ ბორნა ჩორიჩსა და გამოცდილ ჩეხ თომას ბერდიხს შორის საუკეთესოსთან მოუწევს.
დღეს, ჩორიჩისა და ბერდიხის შეხვედრა 20:30 საათზე დაიწყება.
Happy
0 %
Sad
0 %
Excited
0 %
Sleepy
0 %
Angry
0 %
Surprise
0 %
Comments
0
0
