მწვადის შეწვისას გაჩენილი ხანძრისთვის ორი სტუდენტი 13,5 მილიონი ევროთი დააჯარიმეს
Read Time:27 Second
იტალიაში, კომოს რეგიონში ტყეში ხანძრის გაჩენისთვის ორი სტუდენტი 13,5 მილიონი ევროთი დააჯარიმეს. ინფორმაციას ამის შესახებ BBC ავრცელებს.
შემთხვევა შარშან 30 დეკემბერს მოხდა. ჯარიმის ოდენობა – 13 542 000 ევრო – ადგილობრივმა ხელისუფლებამ ხანძრის მიერ მიყენებული ზარალის შესაბამისად დაადგინა.
ერთ-ერთი სტუდენტის განცხადებით, ისინი უბრალოდ განტევების ვაცებად აქციეს.
„ამ შემთხვევაში ჩვენ მსხვერპლები ვართ. ჩვენ დაუყოვნებლივ შევატყობინეთ მეხანძრეებს და საკუთარი სიცოცხლის ფასად ცეცხლის ჩაქრობას ვცდილობდით“, – განუცხადა 22 წლის სტუდენტმა ადგილობრივ გამოცემა La Stampa-ს.
ხანძარმა 1000 ჰა მიწის ფართობი მოიცვა. აქედან, დამწვარი 100 ჰექტრის აღდგენა შეუძლებელი იქნება. მეხანძრეები თვითმფრინავის გამოყენებით ხანძარს რამდენიმე დღის განმავლობაში აქრობდნენ.
Happy
0 %
Sad
0 %
Excited
0 %
Sleepy
0 %
Angry
0 %
Surprise
0 %
Comments
0
0