მამუკა გორგოძის განცხადება რაგბის კავშირის პრეზიდენტის არჩევნებთან დაკავშირებით თარიღი
ქართველმა მორაგბემ, მამუკა გორგოძემ რაგბის კავშირის პრეზიდენტის მოახლოებული არჩევნების წინ ტელეკომპანია იმედის საშუალებით განცხადება გაავრცელა.
35 წლის მორაგბე მიესალმება, თუ კანდიდატები გაერთიანდებიან და რაგბის განვითარებაზე ერთად იზრუნებენ, თუმცა თუ ასე არ მოხდა, ის მხარს ირაკლი აბუსერიძეს დაუჭერს.
“მივესალმები, თუ კანდიდატები გაერთიანდებიან და თავის გამოცდილებას ერთად მოახმარენ რაგბის განვითარებას, დაძლევენ არსებულ რეგრესს და პროგრესისკენ წავლენ. თუ ეს გაერთიანება არ მოხდა, მაშინ მე მხარს ვუჭერ ირაკლი აბუსერიძეს, ვინაიდან ვფიქრობ, რომ ბოლო წლებში არსებული შედეგებიდან გამომდინარე, ახალი ძალა და სისხლია საჭირო.” – აცხადებს გორგოძე.
შეგახსენებთ, რომ რაგბის კავშირის პრეზიდენტობისათვის გოჩა სვანიძე, ბაჩო ხურციძე და ირაკლი აბუსერიძე იბრძოლებენ. ყრილობა, სადაც ახალ ხელმძღვანელს აირჩევენ, 30 იანვარს გაიმართება.