მიხეილ სააკაშვილი: ჩემს პატიმრობაზე რომ ნეგატიური რეაქციაა ცივილურ სამყაროში, ხოლო პოზიტიური მხოლოდ კრემლში და “ოცნებაში”, ეს თითოეული ქართველის განსჯის საგანი უნდა იყოს
Read Time:35 Second
ჩემს პატიმრობაზე რომ ნეგატიური რეაქციაა ცივილურ სამყაროში, ხოლო პოზიტიური მხოლოდ კრემლში და “ოცნებაში”, ეს თითოეული ქართველის განსჯის საგანი უნდა იყოს – ამის შესახებ ექსპრეზიდენტი, მიხეილ სააკაშვილი სოციალურ ქსელში წერს, რითაც ნორვეგიაში გამართულ ცერემონიალს გამოეხმაურა, სადაც ის დემოკრატიის პრიზით დაჯილდოვდა.
„ჩემთვის დიდი პატივია ადამიანის უფლებების და დემოკრატიის უმაღლესი სტანდარტის ქვეყნისგან ჯილდოს მიღება, ადამიანის უფლებებისთვის და დემოკრატიისთვის ბრძოლის საქმეში. ამ პრემიამ ნორვეგიისგან უნდა დააფიქროს ზოგიერთი ჩვენი თანამოქალაქე, რომელიც წლების განმავლობაში წამოეგო ჩემი გაშავების კამპანიას. უნდა დაფიქრდნენ ისინი, ვისაც ჩემი სრულიად უსამართლო და სამარცხვინო პატიმრობა დემოკრატიის და ადამიანის უფლებების საკითხად კი არა, რაღაც პოლიტიკურ გარჩევად მიაჩნია. ის, რომ ჩემს პატიმრობაზე ამხელა ნეგატიური რეაქციაა მთელ ცივილიზებულ სამყაროში და პოზიტიური მხოლოდ კრემლში და ოცნებაში, თითოეული ქართველის განსჯის საგანი უნდა იყოს“,- წერს სააკაშვილი.
Happy
0 %
Sad
0 %
Excited
0 %
Sleepy
0 %
Angry
0 %
Surprise
0 %
Comments
0
0
