მიხეილ სააკაშვილი მორიგ ვიდეომიმართვას ავრცელებს, რომლის ადრესატებიც ქართველი სამხედროები არიან. Facebook-ზე გამოქვეყნებულ რგოლში ყოფილი პრეზიდენტი აცხადებს, რომ სახელმწიფო სამხედროებზე არ ზრუნავს და მათ თვითმმართველობის არჩევნებისთვის მობილიზებისკენ მოუწოდებს, რადგან მიიჩნევს, რომ სამხედროების დახმარებით მოხდება „უზურპატორი ხელისუფლების“ დამარცხება.
„მოგმართავთ ჩვენს საამაყო სამხედრო მოსამსახურეებს, მაგრამ პირველ რიგში როგორც მოქალაქეებს, ყველა უნდა მოვემზადოთ სამოქალაქო ვალის შესასრულებლად არჩევნებზე აქტიურად მონაწილეობისთვის, ასევე ხელშეკრულების აღდგენისთვის, იმიტომ რომ ეს არის რეფერენდუმი. საქართველოს ახლა სჭირდება შველა. თქვენი პატრიოტიზმის და თქვენი განსაკუთრებულობის იმედი მაქვს. თქვენი და ასევე, რა თქმა უნდა, ჩვენი გმირი ვეტერანების, შეიარაღებული ძალების“, – აცხადებს სააკაშვილი.