მარკ იგანი საქართველოს რაგბის ნაკრების „რვა ერში“ თამაშზე: ესაა უდიდესი მიღწევა
Read Time:31 Second
ესაა უდიდესი მიღწევა, – ასე შეაფასა მსოფლიო რაგბის საშეჯიბრო და მაღალი მიღწევების მიმართულების ხელმძღვანელმა, მარკ იგანმა საქართველოს რაგბის ეროვნული ნაკრებს ყველაზე პრესტიჟულ, „რვა ერის“ სარაგბო ტურნირში მონაწილეობის შესაძლებლობაზე.
„ამ შანსს თქვენი ნაკრები ნამდვილად იმსახურებს იმ საქმიანბობის გამო, რაც ბოლო 15 წლის განმავლობაში საქართველოში გაკეთდა. ეს ნამდვილად ბონუსი და შანსია“ – განაცხადა მარკ იგანმა.
საქართველოს რაგბის ეროვნული ნაკრები „რვა ერის“ სარაგბო ტურნირში მიიღებს მონაწილეობას. უკვე ცნობილია „ბორჯღალოსნების“ მეტოქეთა ვინაობაც. გახსნით შეხვედრას 14 ნოემბერს საქართველოს ნაკრები ლონდონში, ინგლისის წინააღმდეგ გამართავს. 21 ნოემბერს, მეორე მატჩში „ბორჯღალოსნების“ მეტოქე უელსის ნაკრები იქნება. ჯგუფური ეტაპის დასკვნით შეხვედრაში კი საქართველოს ნაკრები 29 ნოემბერს ირლანდიას დაუპირისპირდება. ჯგუფიდან გასვლის შემთხვევაში „ბორჯღალოსნები“ ნახევარფინალურ მატჩს დეკემბერში გამართავენ.
Happy
0 %
Sad
0 %
Excited
0 %
Sleepy
0 %
Angry
0 %
Surprise
0 %
Comments
0
0
