კომუნიკაციების კომისია მედიაწიგნიერების პროექტების აჭარაში განხორციელებას ბათუმის სახელმწიფო უნივერსიტეტით იწყებს

Read Time:1 Minute, 16 Second

კომუნიკაციების კომისია მედიაწიგნიერების პროექტების აჭარაში განხორციელებას ბათუმის სახელმწიფო უნივერსიტეტით იწყებს კომუნიკაციების კომისია მედიაწიგნიერების პროექტების განხორციელებას აჭარის რეგიონში ბათუმის შოთა რუსთაველის სახელმწიფო უნივერსიტეტით იწყებს. ახალი სასწავლო წლიდან კომისიის მედიაწიგნიერების პროექტებში, უნივერსიტეტთან ერთად, აჭარის საჯარო სკოლების მოსწავლეებიც ჩაერთვებიან. კომისიასა და უნივერსიტეტს შორის თანამშრომლობის შესახებ შეთანხმება უკვე შედგა. თანამშრომლობის ფარგლებში, მედიაწიგნიერების განვითარების მიზნით ერთობლივ პროექტებში უნივერსიტეტის აკადემიური პერსონალი და სტუდენტები მიიღებენ მონაწილეობას. ამასთან, საერთაშორისო ექსპერტების თანამონაწილეობით, ჩატარდება ერთობლივი სესიები და კონფერენციები, შემუშავდება რეკომენდაციები მედიაწიგნიერების სხვადასხვა მიმართულებით, მათ შორის, სილაბუსების განვითარებისა და დახვეწისათვის. კომუნიკაციების კომისიასა და ბათუმის შოთა რუსთაველის სახელობის სახელმწიფო უნივერსიტეტს შორის მედიაწიგნიერების მიმართულებით ურთიერთთანამშრომლობის შესახებ შეთანხმებას კომუნიკაციების კომისიის წევრმა ვახტანგ აბაშიძემ და ამავე უნივერსიტეტის რექტორმა მერაბ ხალვაშმა მოაწერეს ხელი. მედიაწიგნიერების, კრიტიკული და შემოქმედებითი აზროვნების უნარების განვითარების მიზნით, კომუნიკაციების კომისია სემინარებსა და ტრენინგებს ბათუმის სახელმწიფო უნივერსიტეტის აკადემიურ პერსონალთან ერთად ჩაატარებს. საგანმანათლებლო სესიები სტუდენტებს ნამდვილი და ყალბი ინფორმაციის გარჩევაში დაეხმარება. სტუდენტები მონაწილეობას მიიღებენ მედიაწიგნიერების კონკურსში „ნამდვილი თუ მოგონილი?!“, ხოლო შემდგომ ეტაპზე სასწავლო კომპონენტის განხორციელება სწორედ მათი თანამონაწილეობით სკოლებში მოხდება. ასევე, კომუნიკაციების კომისიის დახმარებით, სტუდენტები მედიაწიგნიერების პროექტის – „მედიაეკონომიკა“ ფარგლებში, მედიის ეკონომიკის საერთაშორისო გამოცდილების ახალ მიდგომებს დაეუფლებიან. ეს თანამშრომლობა გულისხმობს ერთობლივ მუშაობას როგორც საგანმანათლებლო, ასევე სტარტაპების მიმართულებით. თანამშრომლობის ფარგლებში, უნივერსიტეტის პროფესორებსა და აკადემიურ პერსონალს ექნებათ წვდომა მედიაწიგნიერების ვებ-პლატფორმაზე, სადაც ისინი საერთაშორისო მასშტაბით მედიაწიგნიერების მიმართულებით განხორციელებულ პროექტებსა და ახალ სასწავლო რესურსებს გაეცნობიან. ამასთან, მათ ექნებათ შესაძლებლობა, ვებ-პლატფორმაზე საკუთარი სასწავლო მასალები განათავსონ. შეგახსენებთ, რომ კომუნიკაციების კომისია, განათლების სამინისტროსთან თანამშრომლობით, მედიაწიგნიერების პროექტების განხორციელებას ახალი სასწავლო წლიდან, სტუდენტებისა და აკადემიური პერსონალისთვის იწყებს. ამის შესახებ ურთიერთთანამშრომლობის შეთანხმება კომუნიკაციების კომისიასა და თბილისის სახელმწიფო უნივერსიტეტს შორის, ასევე ბიზნესისა და ტექნოლოგიების უნივერსიტეტს შორის უკვე გაფორმდა.

About Post Author

ქეთევან ნინუა

საინფორმაციო სააგენტო tiflisnews.ge ჩვენი მიზანია მოგაწოდოთ ასი პროცენტით დადასტურებული ინფორმაცია ყველაზე მოკლე დროში კონტაქტი- ☎️ 557 13 16 73
Happy
Happy
0 %
Sad
Sad
0 %
Excited
Excited
0 %
Sleepy
Sleepy
0 %
Angry
Angry
0 %
Surprise
Surprise
0 %

Comments

კომენტარები

Previous post ნინო ბურჯანაძე: მოვუწოდებ ყველა ოპოზიციურ პარტიას, ყველაფერი გაკეთდეს იმისთვის, რომ დაახლოვდეს პოზიციები
Next post ამირან გამყრელიძე: ინფიცირებულების ყველა წყაროზე გავდივართ, პანიკის არავითარი საფუძველი არ არის