ისრაელის იუსტიციის სამინისტროსთან სახელმწიფო სერვისების დიგიტალიზაციის შესახებ თანამშრომლობის დოკუმენტი გაფორმდა
ისრაელისა და საქართველოს იუსტიციის სამინისტროებს შორის სახელმწიფო სერვისების დიგიტალიზაციის შესახებ ერთობლივი დეკლარაცია გაფორმდა. დოკუმენტს ხელი მოაწერეს რატი ბრეგაძემ და ისრაელის ვიცე-პრემიერმა და იუსტიციის მინისტრმა გიდეონ საარმა.
დეკლარაცია წარმოადგენს მხარეებს შორის 2021 წლის ოქტომბერში გაფორმებული მემორანდუმის გაგრძელებას და ითვალისწინებს ისეთ საკითხებში თანამშრომლობას, როგორიცაა: საჯარო სერვისების ხელმისაწვდომობა, ბიზნესისა და მიწის რეგისტრაცია, სანოტარო სერვისები, ელექტრონული აპოსტილი და სხვა.
დოკუმენტის ხელმოწერამდე მხარეებს შორის შეხვედრა გაიმართა. როგორც რატი ბრეგაძემ აღნიშნა, საჯარო სერვისების დიგიტალიზაციის შესახებ დეკლარაციის ხელმოწერა, დაგეგმილი სემინარები და ერთობლივი ღონისძიებები გასული წლის ოქტომბერში ხელმოწერილი მემორანდუმის სწრაფი და ეფექტიანი შესრულების ნათელი მაგალითია.
რატი ბრეგაძემ კოლეგას სერვისების მიწოდების სფეროში ბოლო დროს განხორციელებული სიახლეების შესახებაც მიაწოდა ინფორმაცია. აღინიშნა, რომ სოფლად მცხოვრები მოსახლეობისთვის უკვე ფუნქციონირებს 8 მობილური იუსტიციის სახლი და წლის ბოლომდე მისი რიცხვი ოცამდე გაიზრდება. მინისტრის თქმით, მიმდინარეობს მუშაობა მობილურ აპლიკაცია „JustApp“-ზე, რომელიც მომხმარებელს საშუალებას მისცემს, ყველა სერვისი ონლაინ მიიღოს. შეხვედრაზე ქართულმა მხარემ ისრაელელ მეცნიერებს ჟურნალ „იუსტიციაში“ სტატიების გამოქვეყნებაც შესთავაზა.
შეხვედრას იუსტიციის მინისტრის პირველი მოადგილე თამარ ტყეშელაშვილი, მოადგილეები ბექა ძამაშვილი, ბუბა ლომუაშვილი, თორნიკე ჭეიშვილი და ერეკლე ღვინიანიძე, ასევე, საქართველოში ისრაელის ელჩი ჰადას მეიცადი ესწრებოდნენ.
About Post Author
ქეთევან ნინუა
Comments
ფონდი „ქართუ“ საქართველოს ეროვნულ საფეხბურთო ნაკრებს ჯილდოს სახით, 30 მილიონ ლარს გადასცემს, ქვეჯგუფიდან გასვლის შემდეგ, ყოველი მატჩის მოგებისთვის კი კიდევ 30 მილიონით დააჯილდოებს
საქველმოქმედო ფონდი „ქართუ“ საქართველოს ეროვნულ საფეხბურთო ნაკრებს ჯილდოს სახით, 30 მილიონ ლარს გადასცემს. ამის შესახებ ნათქვამია ფონდი „ქართუს“ განცხადებაში. „საქართველოს...
„ასეთი ფრთამოტეხილი და სევდიანი არც არასოდეს არ ვყოფილვარ… ღმერთს ვევედრები, რომ ამ კაცმა ჩვენსკენ გამოიხედოს“ – დიმიტრი ღვთისიაშვილი
დიმიტრი ღვთისიაშვილი სოციალურ ქსელში ემოციურ სტატუსს აქვეყნებს. რეჟისორი მეგობრის, ზურა ბერიკაშვილის მდგომარეობას ეხმაურება და წერს, რომ ერთადერთი, რასაც სამეგობრო ნატრობს,...
ვინ არის ვარლამ ლიპარტელიანის მეუღლე, რომელიც ცნობილი ოჯახიდანაა – წყვილი მეოთხე ვაჟის მოლოდინშია
სპორტსმენი ვარლამ ლიპარტელიანი „ნოესთან“ სტუმრობდა, სადაც ოჯახისა და სიყვარულის შესახებ ისაუბრა. როგორც მან განაცხადა, მალე მეოთხე ბიჭის მამა გახდება, თუმცა,...
„ტკივილი, რომელსაც სახელი არ აქვს…“ – ვინ არის ახალგაზრდა, რომელიც ფოთში მძიმე ავარიას ემსხვერპლა
ფოთში, მომხდარ ავტოსაგზაო შემთხვევას 19 წლის ლუკა ლატარიას სიცოცხლე ემსხვერპლა. მომხდარს სოციალურ ქსელში შოთო სიხარულიძე ემოციურად ეხმაურება: „გლოვობს ჩემი ფოთი...
“ზურას არ ველაპარაკები ერთი წელია უკვე…” – გიორგი ყიფშიძის საოცრად გულახდილი ინტერვიუ
მსახიობი, გიორგი ყიფშიძე მამასთან ურთიერთობის შესახებ გულახდილად საუბრობს: "მე ზურას არ ველაპარაკები ერთი წელია უკვე... მეგობრობა არ გამოდის მამის შვილთან....
საქართველოს ტექნიკური უნივერსიტეტის დოქტორანტმა პირველადი ჯანდაცვის სფეროში ინოვაციური პროექტების მართვის ინტეგრირებული მოდელი შეიმუშავა
საქართველოს ტექნიკური უნივერსიტეტის ბიზნესტექნოლოგიების ფაკულტეტის, ბიზნესის ადმინისტრირების სადოქტორო პროგრამის სტუდენტმა მირანდა ჯანხოთელმა, ასოცირებული პროფესორის ნატალია ჭანტურიას ხელმძღვანელობით, საქართველოს პირველადი ჯანდაცვის სფეროში...