თამარ გაბუნია: Sinopharm-ის ვაქცინის ხარისხი და სანდოობა ძალიან მაღალია
Read Time:52 Second
სამინისტროს ყველა სტრუქტურა მაქსიმალური მობილიზებით გააგრძელებს მუშაობას იმაზე, რომ ყველა ვაქცინა, რომელიც ქვეყანაში შემოვა, იყოს გარანტირებული ხარისხით და მისი ადმინისტრირება მოხდეს მაქსიმალურად უსაფრთხოდ, – ამის შესახებ თამარ გაბუნიამ დაავადებათა კონტროლის ცენტრში გამართულ ბრიფინგზე განაცხადა. ჯანდაცვის მინისტრის მოადგილემ ჩინეთის მთავრობას და საქართველოში საელჩოს Sinopharm-ის ვაქცინის მწარმოებელთან მოლაპარაკებებში დახმარებისთვის მადლობა გადაუხადა და აღნიშნა, რომ ამ პრეპარატს მაღალი ხარისხი აქვს.
„ვაქცინის ხარისხი და სანდოობა ძალიან მაღალია. ამის დასტური იქნება მოსალოდნელი ავტორიზაცია ჯანმრთელობის მსოფლიო ორგანიზაციის მიერ. თუმცა, ამის დასტური უკვე გახლავთ მილიონობით ადამიანი, რომელიც ამ ვაქცინით უკვე აიცრა, რაც ქმნის ძალიან კარგ დაცვას როგორც მძიმე შემთხვევებისა და ჰოსპიტალიზაციის თავიდან აცილების, ასევე ინფექციის გავრცელების კუთხით.
ჯანდაცვის სამინისტროსთვის, რა თქმა უნდა, მნიშვნელოვანია ვაქცინაციის პროგრამის უსაფრთხო და ეფექტიანი განხორციელება. როგორც მარეგულირებელი, ასევე სამინისტროს ყველა სტრუქტურა მაქსიმალური მობილიზებით გააგრძელებს მუშაობას იმაზე, რომ ყველა ვაქცინა, რომელიც ქვეყანაში შემოვა, იყოს გარანტირებული ხარისხით და მისი ადმინისტრირება მოხდეს მაქსიმალურად უსაფრთხოდ. ჩვენ ვემზადებით ახალი ვაქცინების დანერგვისთვის და, ვფიქრობ, ძალიან მალე მნიშვნელოვნად გაფართოვდება ვაქცინაციით მოცვის მაჩვენებელი, რაც პირველი და მთავარი წინაპირობაა იმისთვის, რომ ჩვენ თავიდან ავიცილოთ ინფექციის შემდეგი ტალღები და ძალიან ბევრი ადამიანის სიცოცხლე გადარჩეს“, – განაცხადა გაბუნიამ.
Happy
0 %
Sad
0 %
Excited
0 %
Sleepy
0 %
Angry
0 %
Surprise
0 %
Comments
0
0
