საქართველოს პრეზიდენტი სალომე ზურაბიშვილი ამბობს, ჯერ გადაწყვეტილი არაა, სად გაიმართება პრეზიდენტის ინაუგურაცია.
„ინაუგურაციის ადგილზე გადაწყვეტილება არ არის მიღებული. განიხილება სხვადასხვა ვარიანტები, თუნდაც თბილისი, ჯერ ვმსჯელობთ ამაზე, როცა მეცოდინება, მაშინ გეტყვით”, – განაცხადა სალომე ზურაბიშვილმა.
დღეს გავრცელდა ინფორმაცია, რომ სალომე ზურაბიშვილის ინაუგურაცია სავარაუდოდ თბილისში არ გაიმართება და ინაუგურაციის ადგილად სხვადასხვა ქალაქი განიხილება.
საქართველოს ახალი პრეზიდენტის ინაუგურაცია 16 დეკემბერსაა დანიშნული, ამავე დღეს ნაციონალური მოძრაობა საპროტესტო აქციის გამართვას აპირებს.
28 ნოემბერს საქართველოს მოსახლეობამ, 5-ის ნაცვლად 6 წლით, პირდაპირი წესით ბოლოჯერ აირჩია ქვეყნის პრეზიდენტი.
2018 წლის საპრეზიდენტო არჩევნების მეორე ტურის საბოლოო შედეგებს შეგიძლიათ გაეცნოთ ამ ბმულზე.