ევროკავშირი ბელარუსის წინააღმდეგ სანქციების მეხუთე პაკეტის მომზადებას იწყებს
Read Time:38 Second
ევროკავშირი ბელარუსის წინააღმდეგ სანქციების მეხუთე პაკეტის მომზადებას იწყებს. ამის შესახებ ევროკავშირის საგარეო ქმედებათა სამსახურის რუსეთის, აღმოსავლეთ პარტნიორობის, ცენტრალური აზიის, რეგიონული თანამშრომლობის და ეუთოს დირექტორატის ხელმძღვანელმა, ლუკ დევინმა განაცხადა.
„ლუკაშენკოს რეჟიმის ბოლო ქმედებები, კერძოდ, მიგრანტების ინსტრუმენტალიზაცია, საერთაშორისო ნორმების უხეში დარღვევაა. ეს არ შეცვლის ჩვენს მტკიცე განწყობას და არ გააუქმებს სანქციების დაწესებას. ჩვენ განვაგრძობთ ბრძოლას ლუკაშენკოს რეჟიმის მიერ მიგრანტების ინსტრუმენტალიზაციის წინააღმდეგ. ეს ბრძოლა, რა თქმა უნდა, სანქციებს მოიცავს. სანქციების მეხუთე პაკეტზე მუშაობა ახლა იწყება“, – აღნიშნა ლუკ დევინმა.
პოლონეთის პრეზიდენტმა, ანდჟეი დუდამ ბელარუსთან მოსაზღვრე ორი რეგიონის ნაწილში საგანგებო მდგომარეობა გამოაცხადა. 31 აგვისტოს პოლონეთის პრემიერ-მინისტრმა, მატეუშ მორავეცკიმ განაცხადა, რომ ბელარუსი განზრახ უბიძგებს მიგრანტებს პოლონეთის ტერიტორიაზე გადასვლისკენ.
გასულ კვირას გავრცელდა ცნობები, რომ ბელარუსი-პოლონეთის საზღვარზე მიგრანტებმა ბანაკი მოაწყვეს. პოლონელი მესაზღვრეები მათ ქვეყანაში არ უშვებენ, ხოლო ბელარუსები დაბრუნების უფლებას არ აძლევენ.
Happy
0 %
Sad
0 %
Excited
0 %
Sleepy
0 %
Angry
0 %
Surprise
0 %
Comments
0
0
