დავით ზალკალიანი: ასოცირების საბჭო საქართველო-ევროკავშირის უმაღლესი ფორმატი გახლავთ და ის ყველა ძირითად მიმართულებას განიხილავს
Read Time:1 Minute, 1 Second
ასოცირების საბჭო საქართველო-ევროკავშირის უმაღლესი ფორმატი გახლავთ და აქედან გამომდინარე, ის საქართველოსა და ევროკავშირს შორის ყველა ძირითად მიმართულებას განიხილავს, – ამის შესახებ საქართველოს საგარეო საქმეთა მინისტრმა დავით ზალკალიანმა „ქრონიკას“ განუცხადა.
დავით ზალკალიანმა ევროკავშირის დონეზე გასამართ უმაღლეს შეხვედრებზე ისაუბრა. ასევე აღნიშნა, რომ პრემიერ-მინისტრი შეხვდება ნატოს უმაღლეს წარმომადგენელს და ოკუპირებულ ტერიტორიებზე შექმნილ სიტუაციასთან დაკავშირებით ისაუბრებენ.
„გაიმართება შეხვედრები ევროკავშირის უმაღლეს დონეზე, ევროპული საბჭოს პრეზიდენტთან. ძირითადი თემები იქნება ქვეყნის შიგნით პოლიტიკური პროცესები და ის მოლაპარაკებები, რომელიც მისი უშუალო ინიციატივითა და მედიაციით მიმდინარეობს; თავად ის ფაქტი, რომ მან საკუთარი წარმომადგენელი გამოაგზავნა და მისი ჩართულობით მიდის ეს პროცესი, მიანიშნებს იმაზე, თუ რაოდენ დიდ მნიშვნელობას ანიჭებს ევროკავშირი საქართველოში სტაბილურობას, რადგანაც სტაბილურობის გარეშე ქვეყნის განვითარება და კეთილდღეობა წარმოუდგენელია.
ასოცირების საბჭო გახლავთ საქართველო-ევროკავშირის უმაღლესი ფორმატი და აქედან გამომდინარე, ის განიხილავს საქართველოსა და ევროკავშირს შორის ყველა ძირითად მიმართულებას. ბუნებრივია, განიხილება რეგიონში არსებული სიტუაცია. რა თქმა უნდა, ახალი გეოპოლიტიკური გარემო მოითხოვს ჩვენს შორის ძალიან კოორდინირებულ და თანმიმდევრულ საქმიანობას, ამიტომ ჩვენ ვისაუბრებთ ამ თემაზე.
ისაუბრებენ ასევე, პრემიერ-მინისტრი და ნატოს უმაღლესი წარმომადგენელი ოკუპირებულ ტერიტორიებზე შექმნილ სიტუაციასთან დაკავშირებით, რა თქმა უნდა, ნატოსთან თანამშრომლობა ამ ვიზიტის ერთ-ერთი მთავარი მიმართულება გახლავთ. საქართველოს პრემიერ-მინისტრი შეხვდება ნატოს გენერალურ მდივანს. ის გამოვა საქართველო-ნატოს კომისიის ერთობლივ სხდომაზე და მოახსენებს ჩვენს მოკავშირეებს ქვეყნის ნატოში ინტეგრაციის მიმართულებით არსებულ პროგრესსზე“, – განაცხადა დავით ზალკალიანმა.
Happy
0 %
Sad
0 %
Excited
0 %
Sleepy
0 %
Angry
0 %
Surprise
0 %
Comments
0
0
