მსგავსი პოლიტიკური განცხადებებია რომ ანგრევს იმ კავშირს. ის კავშირი საბჭოთა კავშირს დაემსგავსა, რადგან 308 დეპუტატი ისე იწევს ხელს, რომ არც კითხულობს, რეზოლუციაში რა წერია, – ამის შესახებ რეჟისორმა გოგა ხაინდრავამ გადაცემაში „იმედი LIVE“ ევროკავშირზე საუბრისას განაცხადა.
მან საქართველოსთვის კანდიდატის სტატუსის მინიჭების საკითხზე ევროპარლამენტარების მიღებული გადაწყვეტილება შეაფასა. მისივე თქმით, საქართველოზე მსგავსი სახის პოლიტიკური გადაწყვეტილებები მომავალშიცაა მოსალოდნელი.
„მომავალშიც იქნება და მსგავსი პოლიტიკური განცხადებებია რომ ანგრევს იმ კავშირს. ის კავშირი საბჭოთა კავშირს დაემსგავსა, რადგან 308 დეპუტატი ისე იწევს ხელს, რომ არც კითხულობს, რეზოლუციაში რა წერია. როდესაც გამოდიან ევროდეპუტატები და ითხოვენ, სააკაშვილი ციხიდან გადაიყვანონ საავადმყოფოში და ამბობენ, რომ ციხეში აწამებენ სააკაშვილს, ახლა ამის იქით აღარ სიბრმავეა და აღარც სიყრუე. ეს არის სრული დეგრადაცია: მორალური, პოლიტიკური, ყველანაირი. გამოვიდა შვედეთის წარმომადგენელი და თქვა, 2022 წლის მაისში გადაიყვანეს და მის შემდეგ კერძო კლინიკაშიაო. ეტყობა, აგრძნობინა მათ, რომ ამ სისულელეებს მთელი მსოფლიო ისმენს. ჩვენ ხომ ამას ვისმენთ. შესაძლოა, ნიკარაგუაში არ აინტერესებდეთ რა ხდება, მაგრამ ჩვენ ხომ ვიცით, ვუყურებთ. ფოტიგა და კუბილიუსი რომ პოლიტიკოსები იქნებიან, ხაბეიშვილზე საუბარი შეიძლება?!“, – განაცხადა ხაინდრავამ.