გიორგი კახიანი – „გერმანული მოდელი“ წინააღმდეგობაშია კონსტიტუციასთან და ამას ხვდებიან პატივცემული ოპოზიციის წარმომადგენლებიც, უბრალოდ, ამის აღიარება არ უნდათ
„ოპოზიციამ ფაქტობრივად თავისი თავიც და ეს პროცესიც ჩიხში მოაქცია, რადგან გვთავაზობენ ისეთ რამეს, რაზეც თავად იციან, რომ უბრალოდ ამის მიღებას ჩვენ ვერ შევძლებთ”, – ამის შესახებ პარლამენტის ვიცე-სპიკერმა გიორგი კახიანმა ე.წ.გერმანულ მოდელზე საუბრისას განაცხადა. მან რეგიონალური საპარლამენტო კონფერენციის დაწყებამდე თემაზე: “საარჩევნო პროცესის დროს ადმინისტრაციული რესურსების ბოროტად გამოყენების თავიდან აცილებისა და მასთან ბრძოლის შესახებ: ეროვნული პარლამენტების როლი”, უპასუხა კითხვას, შეიძლება თუ არა ადგილი ჰქონდეს არჩევნებთან დაკავშირებით კანონმდებლობის ცვლილებას.
“ჩვენ მოვუსმენთ ამ კონფერენციაზე საერთაშორისო დამკვირვებლების პოზიციებსა და მოსაზრებებს, და ბუნებრივია, კონფერენციის შედეგებიდან და დასკვნებიდან გამომდინარე, შესაძლოა ბევრ რამეზე ვიფიქროთ, მაგრამ ზოგადად კანონმდებლობაშიც თუ შესაძლებელია რაიმე ცვლილების განხორციელება, ჩვენ ამისთვის ყოველთვის მზად ვართ. ამასთანავე, ერთ-ერთი რაც ოპოზიციასთან მიმართებაშია მნიშვნელოვანი, სწორედ ისაა, რომ ისინი ქუჩიდან ისევ საპარლამენტო ფორმატს დაუბრუნდნენ და ერთად ვიფიქროთ 2020 წლის არჩევნებისთვის კანონმდებლობაში მნიშვნელოვანი ცვლილებების განხორციელებაზე”, – განაცხადა კახიანმა.
კითხვაზე, თუ რატომ არის მიუღებელი მთავრობისთვის ოპოზიციის მიერ შეთავაზებული „გერმანული მოდელი” უპასუხა, რომ ამას ძალიან მარტივი მიზეზი აქვს.
“ოპოზიციამ ფაქტობრივად თავისი თავიც და ეს პროცესიც ჩიხში მოაქცია, რადგან გვთავაზობენ ისეთ რამეს, რაზეც თავად იციან, რომ უბრალოდ, ამის მიღებას ჩვენ ვერ შევძლებთ და შეუძლებელია, რადგან ეს სამართლებრივადაა შეუძლებელი. „გერმანული მოდელი“ წინააღმდეგობაში მოდის საქართველოს კონსტიტუციასთან და ამას ხვდება ფაქტობრივად ყველა, მათ შორის დარწმუნებული ვარ, თავად პატივცემული ოპოზიციის წარმომადგენლებიც, უბრალოდ არ უნდათ ამის აღიარება. ხელისუფლება ბუნებრივია, ვერ მიიღებს ისეთ ცვლილებებს, რომელიც კონსტიტუციასთან იქნება შეუსაბამო”, – აღნიშნა კახიანმა.
About Post Author
ქეთევან ნინუა
Comments
„გამჭვირვალობის კანონის“ მოწინააღმდეგე აქციის აგრესიულმა მონაწილეებმა დავით კაჭარავას გზა გადაუკეტეს და შეურაცხმყოფელი შეძახილებით დახვდნენ
“უცხოური გავლენის გამჭვირვალობის შესახებ” კანონპროექტის მოწინააღმდეგე აქციის აგრესიულმა მონაწილეებმა, “ხალხის ძალის” წევრს, დეპუტატ დავით კაჭარავას ავტომობილს მელიქიშვილის გამზირზე გზა გადაუკეტეს,...
დავით უსუფაშვილი – დემოკრატიული სამყარო საქართველოს მთავრობის ლიდერებს პირდაპირ ეუბნება: „თქვენ ემსახურებით პუტინს და არა – ხალხს“ – სანქციები ცალსახად იქნება
დემოკრატიული სამყარო საქართველოს მთავრობის ლიდერებს პირდაპირ ეუბნება, რომ „თქვენ პუტინს ემსახურებით, და არა - ხალხს“ - სანქციები, რომლებზეც საუბრობენ, ცალსახად იქნება...
მირიამ ლექსმანი: ვთხოვ, ევროკავშირის საბჭოს დაუწესოს სანქციები ივანიშვილს და გაათავისუფლოს სააკაშვილი
ეს კანონი თუ იქნება მიღებული, ჩვენი პასუხი უნდა იყოს მკაფიო, უნდა გავყინოთ გაწევრიანების შესახებ მოლაპარაკების გახსნა, ფინანსური დახმარება საქართველოსთვის უნდა...
ანა ფოტიგა: ჩვენ უნდა დავაწესოთ მიზანმიმართული სანქციები და მოვითხოვოთ მიხეილ სააკაშვილის გათავისუფლება
ჩვენ უნდა დავაწესოთ მიზანმიმართული სანქციები შესაძლოა, ოლიგარქ ბიძინა ივანიშვილის წინააღმდეგ და მოვითხოვოთ მიხეილ სააკაშვილის გათავისუფლება, – ამის შესახებ ევროპარლამენტარმა, ევროპელი...
მამუკა მდინარაძე – ნათელი ხდება, რამდენად მნიშვნელოვანია დავიცვათ ჩვენი ეროვნული ღირსება, ოჯახური ღირებულებები და ამაყად გავაგრძელოთ სვლა წინ, დეოკუპაციის, ქვეყნის განვითარების და ევროპული ოჯახის სრულფასოვანი წევრობის გზაზე – გელოდებით ყველას 29 აპრილს
„კიდევ უფრო ნათელი ხდება, რამდენად მნიშვნელოვანია, დავიცვათ ჩვენი ეროვნული ღირსება, დამოუკიდებლობა, ჭეშმარიტი ევროპული გზა და დემოკრატია, ოჯახური ღირებულებები, ქართული იდენტობა...
ლევან გოგიჩაიშვილი: რუსეთში, კონტრაქციებს პუტინგებს ეძახიან, ჩვენ შეგვიძლია 29 აპრილის აქციას ბიძინგი ვუწოდოთ
რუსეთში, კონტრაქციებს პუტინგებს ეძახიან, ჩვენ შეგვიძლია 29 აპრილის აქციას ბიძინგი ვუწოდოთ. ეს არის აგრესიის აქტი, რომელიც არის მიმართული ახალგაზრდობის წინააღმდეგ,-...