გია ვოლსკი – ქვეყანას მოლაპარაკებები და შეთანხმება სჭირდება
პარლამენტის პირველი ვიცე-სპიკერის, გია ვოლსკის განცხადებით, ყველამ კარგად ნახა, რომ „ნაციონალური მოძრაობის“ ინტერესებს დაქვემდებარება სრულად ხდება და მათი ინსტრუქციებიდან ყველანაირი გადახვევა დასჯადია.
გია ვოლსკის თქმით, ოპოზიციის მიზანია, შეცდომაში შეიყვანონ საზოგადოება.
„ეს ჩანაწერებიც სწორედ იმისთვის გამოიყენება თითქოსდა მოლაპარაკების მაგიდასთან მიუსვლელობა გაამართლონ, რასაც პერსპექტივა არ აქვს. რაც შეეხება პრემიერ-მინისტრის მონაწილეობას მოლაპარაკებების პროცესში, ირაკლი ღარიბაშვილი შარლ მიშელთან ერთად გარკვეულ ფორმატს დაესწრო. პოლიტსაბჭოს პრემიერ-მინისტრის ფუნქცია არასოდეს ჩამოუყალიბებია იმ მიმართულებით, რომ პოლიტიკურ მოლაპარაკებებში პოლიტიკოსებთან ერთად დაჯდეს და ეს მოლაპარაკებები აწარმოოს. თუ ეს გადაწყვეტილება პოლიტსაბჭოს მიერ მიღებული იქნება, რა საკვირველია, ამას დასაბუთებაც ექნება, მაგრამ ასეთი გადაწყვეტილება მიღებული არ არის. მოლაპარაკებებს პარტიის თავმჯდომარე და პარლამენტის თავმჯდომარე აწარმოებდნენ. არ მგონია, რომ ეს ფორმატი უნდა შეიცვალოს.
ოპოზიციამ აიღოს ხელში უპირატესობა, პარლამენტში შემოვიდეს, დროებით საგამოძიებო კომისიას სათავეში ჩაუდგეს და გამოავლინოს, რამდენად რეალურია ის განცხადებები, რომელიც გაკეთდა კონკრეტული პოლიტიკოსების მხრიდან თითქოსდა არჩევნები გაყალბებულია იმ ოფიციალური დოკუმენტების საპირისპიროდ, რომელიც საერთაშორისო დონეზე იყო მიღებული. ეუთო/ოდირის განცხადებებმა, ევროკავშირის მაღალი თანამდებობის პირის ჩამოსვლამ განაპირობა ის ისტერიკა, რასაც ჩვენ დღეს ოპოზიციის მხრიდან ვუყურებთ. მათი მიზანია, შეცდომაში შეიყვანონ საზოგადოება – იქნებ და, გავლენა მოახდინონ, რათა მათ აქციებში მონაწილეობა მიიღონ, აგინონ, შეურაცხყოფა მიაყენონ, უზრდელობით გამორჩეული აქციები ჩაატარონ და იქნებ, დაპირისპირების პროვოცირება მოხდეს საზოგადოებაში. ეს არის რეალობა, რომელსაც თვალი უნდა გავუსწოროთ და ისე ვიმოქმედოთ, რაც ქვეყანას სჭირდება. ქვეყანას მოლაპარაკებები და შეთანხმება სჭირდება“, – განაცხადა ვოლსკიმ.
About Post Author
ქეთევან ნინუა
Comments
გიორგი გამსახურდია: ნიკა გვარამიას სუბკულტურის მქონე ადამიანი ვერ მოექცევა საპროტესტო ე.წ. ტალღის სათავეში, მას ქართული საზოგადოება ვერ მიიღებს
[ნიკა გვარამიას] სუბკულტურის მქონე ადამიანი ვერ მოექცევა საპროტესტო ე.წ. ტალღის სათავეში, - ამის შესახებ პირველი პრეზიდენტის შვილმა გიორგი გამსახურდიამ გადაცემაში...
შალვა პაპუაშვილი: ევროპარლამენტარების განცხადება ცინიზმია, ეს ადამიანები EED-ის ბორდში სხედან, რომელიც „სირცხვილიას“ და „მოლოტოვის კოქტეილების“ კამპანიას აფინანსებდა
დღეს ვნახე ევროპარლამენტარების განცხადება, ეს უკვე ცინიზმია, – ამის შესახებ საქართველოს პარლამენტის თავმჯდომარემ, შალვა პაპუაშვილმა „უცხოური გავლენის გამჭვირვალობის შესახებ“ კანონპროექტის...
გიორგი მარგველაშვილი: არა მგონია, „ქართული ოცნებამ“ ეს კანონი გაიწვიოს, მიიღებს კანონს და მიიღებს პასუხსაც, პასუხი იქნება მათი მოშორება
არა მგონია, „ქართული ოცნებამ“ ეს კანონი გაიწვიოს, მიიღებს კანონს და მიიღებს პასუხსაც, პასუხი იქნება მათი მოშორება, – ამის შესახებ საქართველოს...
გიორგი ვაშაძე – მინდა, „ქართულმა ოცნებამ“ თვალი გაუსწოროს რეალობას – მათი დრო დამთავრებულია
„არა რუსულ კანონს!“, „არა ქართულ ოცნებას“, „არა ბიძინა ივანიშვილს“ - უკვე ყველა ერთია, - ამის შესახებ სტრატეგია აღმაშენებლის ლიდერმა გიორგი ვაშაძემ პარლამენტთან მიმდინარე აქციაზე...
დიმიტრი ხუნდაძე: ასეთი ამოცანის წინაშე ვდგავართ: ერთი – დავიცვათ თავი, რომ არ გავეხვიოთ ომის ქარცეცხლში და არ მივიღოთ მეორე უკრაინიზაცია; მეორე – გრძელვადიან პერსპექტივაში ქვეყანა არ მივიყვანოთ ეკონომიკურ კრიზისამდე
„ხალხის ძალის“ წერილს გამოეხმაურა პარტიის გენერალური მდივანი დიმიტრი ხუნდაძე. როგორც მან ჟურნალისტებთან საუბრისას განაცხადა, წერილში საუბარია იმ საფრთხეებზე, რომლის თავიდან...
პრეზიდენტის მოტივირებული შენიშვნები უკვე პარლამენტშია – სალომე ზურაბიშვილის მე-6 ვეტო
პრეზიდენტის მოტივირებული შენიშვნები უკვე პარლამენტშია. მე-6 ვეტო სალომე ზურაბიშვილმა ქალთა კვოტირების გაუქმების კანონს დაადო. მოტივი იგივეა, რაც წინა შემთხვევებში -...