„მინდა გვარდიოლაზე შექმნილი მითი დავანგრიო. ვცდილობდი გამეგო მისთვის და ვთხოვე ფიზმომზადების მწვრთნელებს ჩემზე სტატისტიკა მოემზადებინათ, მაგრამ, როდესაც დავრწმუნდი, რომ ახალგაზრდა ფეხბურთელებზე უკეთ ვთამაშობდი, მივხვდი, რომ საქმე ფიზიკურ კონდინციებში არ იყო. მაშინ ვიფიქრე პირველად, ხომ არ ხდებოდა ეს ჩემი კანის ფერის გამო.
არ ვიცი, რატომ, მაგრამ შემექმნა შთაბეჭდილება, რომ გვარდიოლა ჩემში მოწინააღმდეგეს ხედავს. ასე მოექცეოდა ის ინიესტას ბარსელონაში? მე პირველი არ ვარ, ვინც გვარდიოლას მხრიდან დისკრიმინაციაზე საუბრობს. ის თავს გვაჩვენებს, თითქოს ფერადკანიან ფეხბურთელებთან პრობლემა არ აქვს. ძალიან ჭკვიანია იმისთვის, რომ ამაში ვინმემ გამოიჭიროს,“- აცხადებს ტურე.
მაისის ბოლოს “სიტის” მწვრთნელმა დაადასტურა, რომ კოტდივუარელი ფეხბურთელი სეზონის ბოლოს კლუბს დატოვებს. ია ია ტურე მანჩესტერულ კლუბში 2010 წლიდან თამაშობდა.