მარტი 29, 2024
0 0
Read Time:30 Second

„ამნისტიის შესახებ“ კანონპროექტს პარლამენტი, მესამე მოსმენით, სავარაუდოდ, ხვალ დაამტკიცებს. პროექტს ჯერ იურიდიულ საკითხთა კომიტეტში განიხილავენ, შემდეგ კი სასესიო სხდომაზე უყრიან კენჭს.

აქტი 80-მდე მუხლს შეეხება და 1 500-მდე მსჯავრდებულზე გავრცელდება.

„მუხლთა ზოგ ნაწილში, საუბარია საკმაოდ ხშირად ჩადენილი დანაშაულების ამნისტირებაზე – მაგალითად, როგორიცაა ნარკოდანაშაული, ეკონომიკური, საკუთრების წინააღმდეგ მიმართული დანაშაულები. არსებითი სიახლე არის ის, რაც პირველი მოსმენისას ითქვა: ზოგიერთი კატეგორიის დანაშაულის შემთხვევაში, გათვალისწინებული იქნება სასჯელის განახევრება და მეოთხედით შემცირება. ამ მიმართულებებზე სამუშაო უკვე ჩატარებულია“ – განაცხადა პარლამენტის ადამიანის უფლებათა დაცვის კომიტეტის თავმჯდომარემ, მიხეილ სარჯველაძემ.

კანონპროექტის პირველი კენჭისყრა 30 დეკემბერს, მეორე კი 5 იანვარს გაიმართა და ორივე შემთხვევაში, დეპუტატებმა დოკუმენტს ერთხმად დაუჭირეს მხარი.

About Post Author

ქეთევან ნინუა

საინფორმაციო სააგენტო tiflisnews.ge ჩვენი მიზანია მოგაწოდოთ ასი პროცენტით დადასტურებული ინფორმაცია ყველაზე მოკლე დროში კონტაქტი- ☎️ 557 13 16 73
Happy
Happy
0 %
Sad
Sad
0 %
Excited
Excited
0 %
Sleepy
Sleepy
0 %
Angry
Angry
0 %
Surprise
Surprise
0 %

Comments

კომენტარები