რატი ბრეგაძე: ჩვენ დაინტერესებულები ვართ, რომ ყველა მსჯავრდებულის ჯანმრთელობა იყოს უზრუნველყოფილი, ამიტომ სააკაშვილს შევთავაზეთ ტოქსიკოლოგიური ექსპერტიზა, რაზეც მან უარი განაცხადა. ბუნებრივია, იძულების მეთოდს ვერავინ გამოიყენებდა

Read Time:1 Minute, 3 Second

ჩვენ შევთავაზეთ, რომ ჩატარებულიყო ტოქსიკოლოგიური ექსპერტიზა, რაზეც მან თავად განაცხადა უარი და ბუნებრივია იძულების მეთოდს ვერავინ გამოიყენებდა. ეს მისი გადაწყვეტილებაა და მან თავად განაცხადა შემდგომში, რომ მას ამის შესახებ [მოწამვლის შესახებ] არასდროს უსაუბრია ადვოკატებთან, – განაცხადა იუსტიციის მინისტრმა რატი ბრეგაძემ გადაცემაში „იმედი LIVE“ მიხეილ სააკაშვილის მოწამვლის შესახებ გავრცელებულ ინფორმაციაზე საუბრისას. მისივე თქმით, ამ საკითხზე გაკეთებული განცხადებები ურთიერთგამომრიცხავია.

„აქაც ურთიერთგამომრიცხავი განცხადებები გვესმის ხოლმე. ჯერ გამოდის ერთი ადვოკატი და აცხადებს მის შესაძლო მოწამვლაზე. მერე უკვე გვესმის თავად სააკაშვილის განცხადება, რომ ის ენდობა ექიმებს და მას არასდროს უსაუბრია ადვოკატებთან შესაძლო მოწამვლაზე. შემდეგ, ვხედავთ, რომ მეორე ადვოკატი მიდის საავადმყოფოში და ის ამბობს, რომ მისთვის დაუჯერებელია, რომ მის დაცვის ქვეშ მყოფ პირს ეს განცხადება გაეკეთებინა. და ბოლოს ვნახეთ, რომ ეს ყველაფერი [სააკაშვილის განცხადება, რომ ის ენდობა ექიმებს და მას არასდროს უსაუბრია ადვოკატებთან შესაძლო მოწამვლაზე] სიმართლეს შეესაბამებოდა. რაც შეეხება ჩვენს გადაწყვეტილებას – ჩვენ ასევე ვიმოქმედეთ ჰუმანურობის პრინციპიდან და იქიდან გამომდინარე, რომ ჩვენ დაინტერესებულები ვართ ყველა მსჯავრდადებულის ჯანმრთელობის უზრუნველყოფით და იმისთვის, რომ მიგვეღო დამოუკიდებელი ექსპერტიზისგან დამატებითი ინფორმაცია და დაგვენახა რეალური სურათი, გავუკეთეთ შეთავაზება, რომ ჩატარებულიყო ეს ტოქსიკოლოგიური ექსპერტიზა, რაზეც მან თავად განაცხადა უარი და ბუნებრივია იძულების მეთოდს ვერავინ გამოიყენებდა. ეს მისი გადაწყვეტილებაა და მან თავად განაცხადა შემდგომში, რომ მას ამის შესახებ არასდროს უსაუბრია ადვოკატებთან. ამაზე ალბათ თავად იმ ადვოკატებმა უნდა იმსჯელონ, ვინც მსგავსი ტიპის განცხადება გააკეთეს“, – აღნიშნა ბრეგაძემ.

About Post Author

მარიამ მაისურაძე

tiflisnews.ge არის სოციალურ-პოლიტიკური და ეკონომიკური მიმართულების საინფორმაციო სააგენტო, რომელმაც ფუნქციონირება 2018 წლის ნოემბერში დაიწყო. სააგენტო 24 საათის განმავლობაში ავრცელებს ობიექტურ, მიუკერძოებელ ინფორმაციას, საქართველოსა და სხვა ქვეყნებში მიმდინარე მოვლენების შესახებ. კონტაქტი- ☎️ 557 13 16 73
Happy
Happy
0 %
Sad
Sad
0 %
Excited
Excited
0 %
Sleepy
Sleepy
0 %
Angry
Angry
0 %
Surprise
Surprise
0 %

Comments

კომენტარები

Previous post მამუკა მდინარაძე-საქართველოს რაც დაღუპავს და გააჩენს ბომბების წვიმას, იმის გაკეთებას ნურავინ მოგვთხოვს
Next post მამაჩემმა თავი მოიტყუა… ძალიან, ძალიან ნანობს“ – ედუარდ სააკაშვილი მიხეილ სააკაშვილის საქართველოში ჩამოსვლაზე