გემრიელი ყავის 9 საიდუმლო

რა შეიძლება იყოს იმაზე კარგი, როცა დილით ფანტასტიური ყავის არომატი გაღვიძებს?! ერთი ფინჯანი ყავა მთელი დღის მანძილზე შეგძენთ საჭირო ენერგიას და მოტივაციას.

რათქმაუნდა შეიძლება სწრაფად და უბრალოდ მოამზადოთ ყავა, მაგრამ ნამდვილი გურმანი სათანადო ყურადღებას დაუთმობს მის მომზადებას, რათა ათმაგი სიამოვნება მიიღოს მისი დალევისას… შეიძლება ეს წესები უბრალოდ მოგეჩვენოთ, მაგრამ თუ მათ გაითვალისწინებთ უგემრიელეს ყავას მოამზადებთ!

  1. პირველ რიგში კარგი ყავის მოსამზადებლად აუცილებელია კარგი ხარისხის წყალი! ქალაქში ონკანის წყალი არ გამოგადგებათ, სასურველია გაფილტრული ნაყიდი წყალი.
  2. არ იჩქაროთ! ადუღეთ ნელ ცეცხლზე, რაც დიდხანს იდუღებს მით უკეთ გაიბჟნობს გემოს და მით უფრო გემრიელი გამოვა. სწრაფად მოდუღებული ყავა ვერ ასწრებს გემოს გამოტანას სათანადოდ.
  3. ყავის მადუღარა უნდა იყოს რაც შეიძლება ვიწრო თავით, რათა ორთქლმა შიგნით იტრიალოს
  4. მომზადებისას ერთი–ორი ცალი კრისტალი ჩააგდეთ მარილის. ის გემოზე არ იმოქმედებს, უბრალოდ არომატს კიდე უფრო შემატებს ეფექტს.
  5. სულ ცოტა იმბირი და თქვენ უზარმაზარ სხვაობას იგრძნობთ. დაუმატეთ ცოტა იმბირი წყალის დასხმამდე.
  6. დაუმატეთ ყავისფერი შაქარი გემოვნების მიხედვით
  7. არ აადუღოთ ყავა ბოლომდე. როგორც კი დუღილის პროცესი იწყება გათიშეთ და ერთი წუთის შემდეგ ისევ დადგით ცეცხლზე, ასე გაიმეორეთ სამჯერ.
  8. ნუ იყიდით დიდი ხნის დაფქულ ყავას. იდეალურია, როცა გმოყენების წინ იფქვება ყავა…
  9. მომზადების შემდეგ ცოტა ხანი ადროვეთ ყავას, ნუ დაასხამთ ეგრევე ფინჯანში, ეს ხელს შეუწყობს გემოს კიდევ უფრო გაუმჯობესებას

Comments

კომენტარები